त्रयी विद्या हिङ्कारः । (१।१)

त्रय इमे लोकाः स प्रस्तावः । (१।२)

अग्निर् वायुर् आदित्यः स उद्गीथः । (१।३)

नक्षत्राणि वयांसि मरीचयः स प्रतिहारः । (१।४)

सर्पा गन्धर्वाः पितरस् तन् निधनम् । (१।५)

एतत् साम सर्वस्मिन् प्रोतम् ॥ (१।६)

स य एवम् एतत् साम सर्वस्मिन् प्रोतं वेद सर्वं ह भवति ॥ (२।१)

तद् एष श्लोकः । (३।१)

यानि पञ्चधा त्रीणि त्रीणि । (३।२)

तेभ्यो न ज्यायः परम् अन्यद् अस्ति ॥ (३।३)

यस् तद् वेद स वेद सर्वम् । (४।१)

सर्वा दिशो बलिम् अस्मै हरन्ति । (४।२)

सर्वम् अस्मीत्य् उपासित । (४।३)

तद् व्रतं तद् व्रतम् ॥ (४।४)