Sign in

छान्दोग्योपनिषद्Chāndogyopaniṣad

ChāUp, 7, 8

121 of 153 · 14 verses

Select a line for its word-by-word analysis.

बलं वाव विज्ञानाद् भूयः । (१।१)

balaṃ vāva vijñānād bhūyaḥ |

अपि ह शतं विज्ञानवताम् एको बलवान् आकम्पयते । (१।२)

api ha śataṃ vijñānavatām eko balavān ākampayate |

स यदा बली भवत्य् अथोत्थाता भवति । (१।३)

sa yadā balī bhavaty athotthātā bhavati |

उत्तिष्ठन् परिचरिता भवति । (१।४)

uttiṣṭhan paricaritā bhavati |

परिचरन्न् उपसत्ता भवति । (१।५)

paricarann upasattā bhavati |

उपसीदन् द्रष्टा भवति श्रोता भवति मन्ता भवति बोद्धा भवति कर्ता भवति विज्ञाता भवति । (१।६)

upasīdan draṣṭā bhavati śrotā bhavati mantā bhavati boddhā bhavati kartā bhavati vijñātā bhavati |

बलेन वै पृथिवी तिष्ठति बलेनान्तरिक्षं बलेन द्यौर् बलेन पर्वता बलेन देवमनुष्या बलेन पशवश् च वयांसि च तृणवनस्पतयः श्वापदान्य् आ कीटपतङ्गपिपीलकम् । (१।७)

balena vai pṛthivī tiṣṭhati balenāntarikṣaṃ balena dyaur balena parvatā balena devamanuṣyā balena paśavaś ca vayāṃsi ca tṛṇavanaspatayaḥ śvāpadāny ā kīṭapataṅgapipīlakam |

बलेन लोकस् तिष्ठति । (१।८)

balena lokas tiṣṭhati |

बलम् उपास्स्वेति ॥ (१।९)

balam upāssveti ||

स यो बलम् उपास्ते । (२।१)

sa yo balam upāste |

यावद् बलस्य गतं तत्रास्य यथाकामचारो भवति यो बलं ब्रह्मेत्य् उपास्ते । (२।२)

yāvad balasya gataṃ tatrāsya yathākāmacāro bhavati yo balaṃ brahmety upāste |

अस्ति भगवो बलाद् भूय इति । (२।३)

asti bhagavo balād bhūya iti |

बलाद् वाव भूयो ऽस्तीति । (२।४)

balād vāva bhūyo 'stīti |

तन् मे भगवान् ब्रवीत्व् इति ॥ (२।५)

tan me bhagavān bravītv iti ||

Data courtesy of The Digital Corpus of Sanskrit.

Word analysis

Select a line of the text

Each word appears with its dictionary form and grammar. Select a word to read its meanings in the DCS, Apte and Monier-Williams dictionaries.

j k next and previous line · ← → chapters

Analysis: Digital Corpus of Sanskrit