यदी॒ मंथं॑ति बा॒हुभि॒र्वि रो॑च॒तेऽश्वो॒ न वा॒ज्य॑रु॒षो वने॒ष्वा ।
चि॒त्रो न याम॑न्न॒श्विनो॒रनि॑वृतः॒ परि॑ वृण॒क्त्यश्म॑न॒स्तृणा॒ दह॑न् ॥

यदी मन्थन्ति बाहुभिर् वि रोचते ऽश्वो न वाज्य् अरुषो वनेष्व् आ |
चित्रो न यामन्न् अश्विनोर् अनिवृतः परि वृणक्त्य् अश्मनस् तृणा दहन् ||

yádī mánthanti bāhúbhirví rocaté’śvo ná vājyáruṣó váneṣvā́ ǀ
citró ná yā́mannaśvínoránivṛtaḥ pári vṛṇaktyáśmanastṛ́ṇā dáhan ǁ

yadī manthanti bāhubhir vi rocate 'śvo na vājy aruṣo vaneṣv ā |
citro na yāmann aśvinor anivṛtaḥ pari vṛṇakty aśmanas tṛṇā dahan ||

यदि॑ । मन्थ॑न्ति । बा॒हुऽभिः॑ । वि । रो॒च॒ते॒ । अश्वः॑ । न । वा॒जी । अ॒रु॒षः । वने॑षु । आ ।
चि॒त्रः । न । याम॑न् । अ॒श्विनोः॑ । अनि॑ऽवृतः । परि॑ । वृ॒ण॒क्ति॒ । अश्म॑नः । तृणा॑ । दह॑न् ॥

यदि । मन्थन्ति । बाहुऽभिः । वि । रोचते । अश्वः । न । वाजी । अरुषः । वनेषु । आ ।
चित्रः । न । यामन् । अश्विनोः । अनिऽवृतः । परि । वृणक्ति । अश्मनः । तृणा । दहन् ॥

yádi ǀ mánthanti ǀ bāhú-bhiḥ ǀ ví ǀ rocate ǀ áśvaḥ ǀ ná ǀ vājī́ ǀ aruṣáḥ ǀ váneṣu ǀ ā́ ǀ
citráḥ ǀ ná ǀ yā́man ǀ aśvínoḥ ǀ áni-vṛtaḥ ǀ pári ǀ vṛṇakti ǀ áśmanaḥ ǀ tṛ́ṇā ǀ dáhan ǁ

yadi ǀ manthanti ǀ bāhu-bhiḥ ǀ vi ǀ rocate ǀ aśvaḥ ǀ na ǀ vājī ǀ aruṣaḥ ǀ vaneṣu ǀ ā ǀ
citraḥ ǀ na ǀ yāman ǀ aśvinoḥ ǀ ani-vṛtaḥ ǀ pari ǀ vṛṇakti ǀ aśmanaḥ ǀ tṛṇā ǀ dahan ǁ