Devatā देवता

Aśvins

Ṛṣi ऋषि

Viśvāmitra Gāthina

Chandas छन्दस्

Triṣṭubh

1. Ṛk 1

   धे॒नुः प्र॒त्नस्य॒ काम्यं॒ दुहा॑नां॒तः पु॒त्रश्च॑रति॒ दक्षि॑णायाः ।
   आ द्यो॑त॒निं व॑हति शु॒भ्रया॑मो॒षसः॒ स्तोमो॑ अ॒श्विना॑वजीगः ॥

   धेनुः प्रत्नस्य काम्यं दुहानान्तः पुत्रश् चरति दक्षिणायाः |
   आ द्योतनिं वहति शुभ्रयामोषस स्तोमो अश्विनाव् अजीगः ||

   dhenúḥ pratnásya kā́myam dúhānāntáḥ putráścarati dákṣiṇāyāḥ ǀ
   ā́ dyotaním vahati śubhráyāmoṣásaḥ stómo aśvínāvajīgaḥ ǁ

   dhenuḥ pratnasya kāmyaṃ duhānāntaḥ putraś carati dakṣiṇāyāḥ |
   ā dyotaniṃ vahati śubhrayāmoṣasa stomo aśvināv ajīgaḥ ||

   धे॒नुः । प्र॒त्नस्य॑ । काम्य॑म् । दुहा॑ना । अ॒न्तरिति॑ । पु॒त्रः । च॒र॒ति॒ । दक्षि॑णायाः ।
   आ । द्यो॒त॒निम् । व॒ह॒ति॒ । शु॒भ्रऽया॑मा । उ॒षसः॑ । स्तोमः॑ । अ॒श्विनौ॑ । अ॒जी॒ग॒रिति॑ ॥

   धेनुः । प्रत्नस्य । काम्यम् । दुहाना । अन्तरिति । पुत्रः । चरति । दक्षिणायाः ।
   आ । द्योतनिम् । वहति । शुभ्रऽयामा । उषसः । स्तोमः । अश्विनौ । अजीगरिति ॥

   dhenúḥ ǀ pratnásya ǀ kā́myam ǀ dúhānā ǀ antáríti ǀ putráḥ ǀ carati ǀ dákṣiṇāyāḥ ǀ
   ā́ ǀ dyotaním ǀ vahati ǀ śubhrá-yāmā ǀ uṣásaḥ ǀ stómaḥ ǀ aśvínau ǀ ajīgaríti ǁ

   dhenuḥ ǀ pratnasya ǀ kāmyam ǀ duhānā ǀ antariti ǀ putraḥ ǀ carati ǀ dakṣiṇāyāḥ ǀ
   ā ǀ dyotanim ǀ vahati ǀ śubhra-yāmā ǀ uṣasaḥ ǀ stomaḥ ǀ aśvinau ǀ ajīgariti ǁ

   3.58.1 Aṣṭaka 3.4.3.1Anuvāka 3.5.59Interpretations

2. Ṛk 2

   सु॒युग्व॑हंति॒ प्रति॑ वामृ॒तेनो॒र्ध्वा भ॑वंति पि॒तरे॑व॒ मेधाः॑ ।
   जरे॑थाम॒स्मद्वि प॒णेर्म॑नी॒षां यु॒वोरव॑श्चकृ॒मा या॑तम॒र्वाक् ॥

   सुयुग् वहन्ति प्रति वाम् ऋतेनोर्ध्वा भवन्ति पितरेव मेधाः |
   जरेथाम् अस्मद् वि पणेर् मनीषां युवोर् अवश् चकृमा यातम् अर्वाक् ||

   suyúgvahanti práti vāmṛténordhvā́ bhavanti pitáreva médhāḥ ǀ
   járethāmasmádví paṇérmanīṣā́m yuvórávaścakṛmā́ yātamarvā́k ǁ

   suyug vahanti prati vām ṛtenordhvā bhavanti pitareva medhāḥ |
   jarethām asmad vi paṇer manīṣāṃ yuvor avaś cakṛmā yātam arvāk ||

   सु॒ऽयुक् । व॒ह॒न्ति॒ । प्रति॑ । वा॒म् । ऋ॒तेन॑ । ऊ॒र्ध्वाः । भ॒व॒न्ति॒ । पि॒तरा॑ऽइव । मेधाः॑ ।
   जरे॑थाम् । अ॒स्मत् । वि । प॒णेः । म॒नी॒षाम् । यु॒वोः । अवः॑ । च॒कृ॒म॒ । आ । या॒त॒म् । अ॒र्वाक् ॥

   सुऽयुक् । वहन्ति । प्रति । वाम् । ऋतेन । ऊर्ध्वाः । भवन्ति । पितराऽइव । मेधाः ।
   जरेथाम् । अस्मत् । वि । पणेः । मनीषाम् । युवोः । अवः । चकृम । आ । यातम् । अर्वाक् ॥

   su-yúk ǀ vahanti ǀ práti ǀ vām ǀ ṛténa ǀ ūrdhvā́ḥ ǀ bhavanti ǀ pitárā-iva ǀ médhāḥ ǀ
   járethām ǀ asmát ǀ ví ǀ paṇéḥ ǀ manīṣā́m ǀ yuvóḥ ǀ ávaḥ ǀ cakṛma ǀ ā́ ǀ yātam ǀ arvā́k ǁ

   su-yuk ǀ vahanti ǀ prati ǀ vām ǀ ṛtena ǀ ūrdhvāḥ ǀ bhavanti ǀ pitarā-iva ǀ medhāḥ ǀ
   jarethām ǀ asmat ǀ vi ǀ paṇeḥ ǀ manīṣām ǀ yuvoḥ ǀ avaḥ ǀ cakṛma ǀ ā ǀ yātam ǀ arvāk ǁ

   3.58.2 Aṣṭaka 3.4.3.2Anuvāka 3.5.60Interpretations

3. Ṛk 3

   सु॒युग्भि॒रश्वैः॑ सु॒वृता॒ रथे॑न॒ दस्रा॑वि॒मं शृ॑णुतं॒ श्लोक॒मद्रेः॑ ।
   किमं॒ग वां॒ प्रत्यव॑र्तिं॒ गमि॑ष्ठा॒हुर्विप्रा॑सो अश्विना पुरा॒जाः ॥

   सुयुग्भिर् अश्वैः सुवृता रथेन दस्राव् इमं शृणुतं श्लोकम् अद्रेः |
   किम् अङ्ग वाम् प्रत्य् अवर्तिं गमिष्ठाहुर् विप्रासो अश्विना पुराजाः ||

   suyúgbhiráśvaiḥ suvṛ́tā ráthena dásrāvimám śṛṇutam ślókamádreḥ ǀ
   kímaṅgá vām prátyávartim gámiṣṭhāhúrvíprāso aśvinā purājā́ḥ ǁ

   suyugbhir aśvaiḥ suvṛtā rathena dasrāv imaṃ śṛṇutaṃ ślokam adreḥ |
   kim aṅga vām praty avartiṃ gamiṣṭhāhur viprāso aśvinā purājāḥ ||

   सु॒युक्ऽभिः॑ । अश्वैः॑ । सु॒ऽवृता॑ । रथे॑न । दस्रौ॑ । इ॒मम् । शृ॒णु॒त॒म् । श्लोक॑म् । अद्रेः॑ ।
   किम् । अ॒ङ्ग । वा॒म् । प्रति॑ । अव॑र्तिम् । गमि॑ष्ठा । आ॒हुः । विप्रा॑सः । अ॒श्वि॒ना॒ । पु॒रा॒ऽजाः ॥

   सुयुक्ऽभिः । अश्वैः । सुऽवृता । रथेन । दस्रौ । इमम् । शृणुतम् । श्लोकम् । अद्रेः ।
   किम् । अङ्ग । वाम् । प्रति । अवर्तिम् । गमिष्ठा । आहुः । विप्रासः । अश्विना । पुराऽजाः ॥

   suyúk-bhiḥ ǀ áśvaiḥ ǀ su-vṛ́tā ǀ ráthena ǀ dásrau ǀ imám ǀ śṛṇutam ǀ ślókam ǀ ádreḥ ǀ
   kím ǀ aṅgá ǀ vām ǀ práti ǀ ávartim ǀ gámiṣṭhā ǀ āhúḥ ǀ víprāsaḥ ǀ aśvinā ǀ purā-jā́ḥ ǁ

   suyuk-bhiḥ ǀ aśvaiḥ ǀ su-vṛtā ǀ rathena ǀ dasrau ǀ imam ǀ śṛṇutam ǀ ślokam ǀ adreḥ ǀ
   kim ǀ aṅga ǀ vām ǀ prati ǀ avartim ǀ gamiṣṭhā ǀ āhuḥ ǀ viprāsaḥ ǀ aśvinā ǀ purā-jāḥ ǁ

   3.58.3 Aṣṭaka 3.4.3.3Anuvāka 3.5.61Interpretations

4. Ṛk 4

   आ म॑न्येथा॒मा ग॑तं॒ कच्चि॒देवै॒र्विश्वे॒ जना॑सो अ॒श्विना॑ हवंते ।
   इ॒मा हि वां॒ गोऋ॑जीका॒ मधू॑नि॒ प्र मि॒त्रासो॒ न द॒दुरु॒स्रो अग्रे॑ ॥

   आ मन्येथाम् आ गतं कच् चिद् एवैर् विश्वे जनासो अश्विना हवन्ते |
   इमा हि वां गोऋजीका मधूनि प्र मित्रासो न ददुर् उस्रो अग्रे ||

   ā́ manyethāmā́ gatam káccidévairvíśve jánāso aśvínā havante ǀ
   imā́ hí vām góṛjīkā mádhūni prá mitrā́so ná dadúrusró ágre ǁ

   ā manyethām ā gataṃ kac cid evair viśve janāso aśvinā havante |
   imā hi vāṃ goṛjīkā madhūni pra mitrāso na dadur usro agre ||

   आ । म॒न्ये॒था॒म् । आ । ग॒त॒म् । कत् । चि॒त् । एवैः॑ । विश्वे॑ । जना॑सः । अ॒श्विना॑ । ह॒व॒न्ते॒ ।
   इ॒मा । हि । वा॒म् । गोऽऋ॑जीका । मधू॑नि । प्र । मि॒त्रासः॑ । न । द॒दुः । उ॒स्रः । अग्रे॑ ॥

   आ । मन्येथाम् । आ । गतम् । कत् । चित् । एवैः । विश्वे । जनासः । अश्विना । हवन्ते ।
   इमा । हि । वाम् । गोऽऋजीका । मधूनि । प्र । मित्रासः । न । ददुः । उस्रः । अग्रे ॥

   ā́ ǀ manyethām ǀ ā́ ǀ gatam ǀ kát ǀ cit ǀ évaiḥ ǀ víśve ǀ jánāsaḥ ǀ aśvínā ǀ havante ǀ
   imā́ ǀ hí ǀ vām ǀ gó-ṛjīkā ǀ mádhūni ǀ prá ǀ mitrā́saḥ ǀ ná ǀ dadúḥ ǀ usráḥ ǀ ágre ǁ

   ā ǀ manyethām ǀ ā ǀ gatam ǀ kat ǀ cit ǀ evaiḥ ǀ viśve ǀ janāsaḥ ǀ aśvinā ǀ havante ǀ
   imā ǀ hi ǀ vām ǀ go-ṛjīkā ǀ madhūni ǀ pra ǀ mitrāsaḥ ǀ na ǀ daduḥ ǀ usraḥ ǀ agre ǁ

   3.58.4 Aṣṭaka 3.4.3.4Anuvāka 3.5.62Interpretations

5. Ṛk 5

   ति॒रः पु॒रू चि॑दश्विना॒ रजां॑स्यांगू॒षो वां॑ मघवाना॒ जने॑षु ।
   एह या॑तं प॒थिभि॑र्देव॒यानै॒र्दस्रा॑वि॒मे वां॑ नि॒धयो॒ मधू॑नां ॥

   तिरः पुरू चिद् अश्विना रजांस्य् आङ्गूषो वाम् मघवाना जनेषु |
   एह यातम् पथिभिर् देवयानैर् दस्राव् इमे वां निधयो मधूनाम् ||

   tiráḥ purū́ cidaśvinā rájāṃsyāṅgūṣó vām maghavānā jáneṣu ǀ
   éhá yātam pathíbhirdevayā́nairdásrāvimé vām nidháyo mádhūnām ǁ

   tiraḥ purū cid aśvinā rajāṃsy āṅgūṣo vām maghavānā janeṣu |
   eha yātam pathibhir devayānair dasrāv ime vāṃ nidhayo madhūnām ||

   ति॒रः । पु॒रु । चि॒त् । अ॒श्वि॒ना॒ । रजां॑सि । आ॒ङ्गू॒षः । वा॒म् । म॒घ॒ऽवा॒ना॒ । जने॑षु ।
   आ । इ॒ह । या॒त॒म् । प॒थिऽभिः॑ । दे॒व॒ऽयानैः॑ । दस्रौ॑ । इ॒मे । वा॒म् । नि॒ऽधयः॑ । मधू॑नाम् ॥

   तिरः । पुरु । चित् । अश्विना । रजांसि । आङ्गूषः । वाम् । मघऽवाना । जनेषु ।
   आ । इह । यातम् । पथिऽभिः । देवऽयानैः । दस्रौ । इमे । वाम् । निऽधयः । मधूनाम् ॥

   tiráḥ ǀ purú ǀ cit ǀ aśvinā ǀ rájāṃsi ǀ āṅgūṣáḥ ǀ vām ǀ magha-vānā ǀ jáneṣu ǀ
   ā́ ǀ ihá ǀ yātam ǀ pathí-bhiḥ ǀ deva-yā́naiḥ ǀ dásrau ǀ imé ǀ vām ǀ ni-dháyaḥ ǀ mádhūnām ǁ

   tiraḥ ǀ puru ǀ cit ǀ aśvinā ǀ rajāṃsi ǀ āṅgūṣaḥ ǀ vām ǀ magha-vānā ǀ janeṣu ǀ
   ā ǀ iha ǀ yātam ǀ pathi-bhiḥ ǀ deva-yānaiḥ ǀ dasrau ǀ ime ǀ vām ǀ ni-dhayaḥ ǀ madhūnām ǁ

   3.58.5 Aṣṭaka 3.4.3.5Anuvāka 3.5.63Interpretations

6. Ṛk 6

   पु॒रा॒णमोकः॑ स॒ख्यं शि॒वं वां॑ यु॒वोर्न॑रा॒ द्रवि॑णं ज॒ह्नाव्यां॑ ।
   पुनः॑ कृण्वा॒नाः स॒ख्या शि॒वानि॒ मध्वा॑ मदेम स॒ह नू स॑मा॒नाः ॥

   पुराणम् ओकः सख्यं शिवं वां युवोर् नरा द्रविणं जह्नाव्याम् |
   पुनः कृण्वानाः सख्या शिवानि मध्वा मदेम सह नू समानाः ||

   purāṇámókaḥ sakhyám śivám vām yuvórnarā dráviṇam jahnā́vyām ǀ
   púnaḥ kṛṇvānā́ḥ sakhyā́ śivā́ni mádhvā madema sahá nū́ samānā́ḥ ǁ

   purāṇam okaḥ sakhyaṃ śivaṃ vāṃ yuvor narā draviṇaṃ jahnāvyām |
   punaḥ kṛṇvānāḥ sakhyā śivāni madhvā madema saha nū samānāḥ ||

   पु॒रा॒णम् । ओकः॑ । स॒ख्यम् । शि॒वम् । वा॒म् । यु॒वोः । न॒रा॒ । द्रवि॑णम् । ज॒ह्नाव्या॑म् ।
   पुन॒रिति॑ । कृ॒ण्वा॒नाः । स॒ख्या । शि॒वानि॑ । मध्वा॑ । म॒दे॒म॒ । स॒ह । नु । स॒मा॒नाः ॥

   पुराणम् । ओकः । सख्यम् । शिवम् । वाम् । युवोः । नरा । द्रविणम् । जह्नाव्याम् ।
   पुनरिति । कृण्वानाः । सख्या । शिवानि । मध्वा । मदेम । सह । नु । समानाः ॥

   purāṇám ǀ ókaḥ ǀ sakhyám ǀ śivám ǀ vām ǀ yuvóḥ ǀ narā ǀ dráviṇam ǀ jahnā́vyām ǀ
   púnaríti ǀ kṛṇvānā́ḥ ǀ sakhyā́ ǀ śivā́ni ǀ mádhvā ǀ madema ǀ sahá ǀ nú ǀ samānā́ḥ ǁ

   purāṇam ǀ okaḥ ǀ sakhyam ǀ śivam ǀ vām ǀ yuvoḥ ǀ narā ǀ draviṇam ǀ jahnāvyām ǀ
   punariti ǀ kṛṇvānāḥ ǀ sakhyā ǀ śivāni ǀ madhvā ǀ madema ǀ saha ǀ nu ǀ samānāḥ ǁ

   3.58.6 Aṣṭaka 3.4.4.1Anuvāka 3.5.64Interpretations

7. Ṛk 7

   अश्वि॑ना वा॒युना॑ यु॒वं सु॑दक्षा नि॒युद्भि॑ष्च स॒जोष॑सा युवाना ।
   नास॑त्या ति॒रोअ॑ह्न्यं जुषा॒णा सोमं॑ पिबतम॒स्रिधा॑ सुदानू ॥

   अश्विना वायुना युवं सुदक्षा नियुद्भिष् च सजोषसा युवाना |
   नासत्या तिरोअह्न्यं जुषाणा सोमम् पिबतम् अस्रिधा सुदानू ||

   áśvinā vāyúnā yuvám sudakṣā niyúdbhiśca sajóṣasā yuvānā ǀ
   nā́satyā tiróahnyam juṣāṇā́ sómam pibatamasrídhā sudānū ǁ

   aśvinā vāyunā yuvaṃ sudakṣā niyudbhiṣ ca sajoṣasā yuvānā |
   nāsatyā tiroahnyaṃ juṣāṇā somam pibatam asridhā sudānū ||

   अश्वि॑ना । वा॒युना॑ । यु॒वम् । सु॒ऽद॒क्षा॒ । नि॒युत्ऽभिः॑ । च॒ । स॒ऽजोष॑सा । यु॒वा॒ना॒ ।
   नास॑त्या । ति॒रःऽअ॑ह्न्यम् । जु॒षा॒णा । सोम॑म् । पि॒ब॒त॒म् । अ॒स्रिधा॑ । सु॒दा॒नू॒ इति॑ सुऽदानू ॥

   अश्विना । वायुना । युवम् । सुऽदक्षा । नियुत्ऽभिः । च । सऽजोषसा । युवाना ।
   नासत्या । तिरःऽअह्न्यम् । जुषाणा । सोमम् । पिबतम् । अस्रिधा । सुदानू इति सुऽदानू ॥

   áśvinā ǀ vāyúnā ǀ yuvám ǀ su-dakṣā ǀ niyút-bhiḥ ǀ ca ǀ sa-jóṣasā ǀ yuvānā ǀ
   nā́satyā ǀ tiráḥ-ahnyam ǀ juṣāṇā́ ǀ sómam ǀ pibatam ǀ asrídhā ǀ sudānū íti su-dānū ǁ

   aśvinā ǀ vāyunā ǀ yuvam ǀ su-dakṣā ǀ niyut-bhiḥ ǀ ca ǀ sa-joṣasā ǀ yuvānā ǀ
   nāsatyā ǀ tiraḥ-ahnyam ǀ juṣāṇā ǀ somam ǀ pibatam ǀ asridhā ǀ sudānū iti su-dānū ǁ

   3.58.7 Aṣṭaka 3.4.4.2Anuvāka 3.5.65Interpretations

8. Ṛk 8

   अश्वि॑ना॒ परि॑ वा॒मिषः॑ पुरू॒चीरी॒युर्गी॒र्भिर्यत॑माना॒ अमृ॑ध्राः ।
   रथो॑ ह वामृत॒जा अद्रि॑जूतः॒ परि॒ द्यावा॑पृथि॒वी या॑ति स॒द्यः ॥

   अश्विना परि वाम् इषः पुरूचीर् ईयुर् गीर्भिर् यतमाना अमृध्राः |
   रथो ह वाम् ऋतजा अद्रिजूतः परि द्यावापृथिवी याति सद्यः ||

   áśvinā pári vāmíṣaḥ purūcī́rīyúrgīrbhíryátamānā ámṛdhrāḥ ǀ
   rátho ha vāmṛtajā́ ádrijūtaḥ pári dyā́vāpṛthivī́ yāti sadyáḥ ǁ

   aśvinā pari vām iṣaḥ purūcīr īyur gīrbhir yatamānā amṛdhrāḥ |
   ratho ha vām ṛtajā adrijūtaḥ pari dyāvāpṛthivī yāti sadyaḥ ||

   अश्वि॑ना । परि॑ । वा॒म् । इषः॑ । पु॒रू॒चीः । ई॒युः । गीः॒ऽभिः । यत॑मानाः । अमृ॑ध्राः ।
   रथः॑ । ह॒ । वा॒म् । ऋ॒त॒ऽजाः । अद्रि॑ऽजूतः । परि॑ । द्यावा॑पृथि॒वी इति॑ । या॒ति॒ । स॒द्यः ॥

   अश्विना । परि । वाम् । इषः । पुरूचीः । ईयुः । गीःऽभिः । यतमानाः । अमृध्राः ।
   रथः । ह । वाम् । ऋतऽजाः । अद्रिऽजूतः । परि । द्यावापृथिवी इति । याति । सद्यः ॥

   áśvinā ǀ pári ǀ vām ǀ íṣaḥ ǀ purūcī́ḥ ǀ īyúḥ ǀ gīḥ-bhíḥ ǀ yátamānāḥ ǀ ámṛdhrāḥ ǀ
   ráthaḥ ǀ ha ǀ vām ǀ ṛta-jā́ḥ ǀ ádri-jūtaḥ ǀ pári ǀ dyā́vāpṛthivī́ íti ǀ yāti ǀ sadyáḥ ǁ

   aśvinā ǀ pari ǀ vām ǀ iṣaḥ ǀ purūcīḥ ǀ īyuḥ ǀ gīḥ-bhiḥ ǀ yatamānāḥ ǀ amṛdhrāḥ ǀ
   rathaḥ ǀ ha ǀ vām ǀ ṛta-jāḥ ǀ adri-jūtaḥ ǀ pari ǀ dyāvāpṛthivī iti ǀ yāti ǀ sadyaḥ ǁ

   3.58.8 Aṣṭaka 3.4.4.3Anuvāka 3.5.66Interpretations

9. Ṛk 9

   अश्वि॑ना मधु॒षुत्त॑मो यु॒वाकुः॒ सोम॒स्तं पा॑त॒मा ग॑तं दुरो॒णे ।
   रथो॑ ह वां॒ भूरि॒ वर्पः॒ करि॑क्रत्सु॒ताव॑तो निष्कृ॒तमाग॑मिष्ठः ॥

   अश्विना मधुषुत्तमो युवाकुः सोमस् तम् पातम् आ गतं दुरोणे |
   रथो ह वाम् भूरि वर्पः करिक्रत् सुतावतो निष्कृतम् आगमिष्ठः ||

   áśvinā madhuṣúttamo yuvā́kuḥ sómastám pātamā́ gatam duroṇé ǀ
   rátho ha vām bhū́ri várpaḥ kárikratsutā́vato niṣkṛtámā́gamiṣṭhaḥ ǁ

   aśvinā madhuṣuttamo yuvākuḥ somas tam pātam ā gataṃ duroṇe |
   ratho ha vām bhūri varpaḥ karikrat sutāvato niṣkṛtam āgamiṣṭhaḥ ||

   अश्वि॑ना । म॒धु॒सुत्ऽत॑मः । यु॒वाकुः॑ । सोमः॑ । तम् । पा॒त॒म् । आ । ग॒त॒म् । दु॒रो॒णे ।
   रथः॑ । ह॒ । वा॒म् । भूरि॑ । वर्पः॑ । करि॑क्रत् । सु॒तऽव॑तः । निः॒ऽकृ॒तम् । आऽग॑मिष्ठः ॥

   अश्विना । मधुसुत्ऽतमः । युवाकुः । सोमः । तम् । पातम् । आ । गतम् । दुरोणे ।
   रथः । ह । वाम् । भूरि । वर्पः । करिक्रत् । सुतऽवतः । निःऽकृतम् । आऽगमिष्ठः ॥

   áśvinā ǀ madhusút-tamaḥ ǀ yuvā́kuḥ ǀ sómaḥ ǀ tám ǀ pātam ǀ ā́ ǀ gatam ǀ duroṇé ǀ
   ráthaḥ ǀ ha ǀ vām ǀ bhū́ri ǀ várpaḥ ǀ kárikrat ǀ sutá-vataḥ ǀ niḥ-kṛtám ǀ ā́-gamiṣṭhaḥ ǁ

   aśvinā ǀ madhusut-tamaḥ ǀ yuvākuḥ ǀ somaḥ ǀ tam ǀ pātam ǀ ā ǀ gatam ǀ duroṇe ǀ
   rathaḥ ǀ ha ǀ vām ǀ bhūri ǀ varpaḥ ǀ karikrat ǀ suta-vataḥ ǀ niḥ-kṛtam ǀ ā-gamiṣṭhaḥ ǁ

   3.58.9 Aṣṭaka 3.4.4.4Anuvāka 3.5.67Interpretations

Text, recitation and interpretations from the Ṛgveda database of theveda.org.in.