Devatā देवता

Indra

Ṛṣi ऋषि

1-9, 11: Viśvāmitra Gāthina; 10: Ghora Āṅgirasa

Chandas छन्दस्

Triṣṭubh

1. Ṛk 1

   इ॒मामू॒ षु प्रभृ॑तिं सा॒तये॑ धाः॒ शश्व॑च्छश्वदू॒तिभि॒र्याद॑मानः ।
   सु॒तेसु॑ते वावृधे॒ वर्ध॑नेभि॒र्यः कर्म॑भिर्म॒हद्भिः॒ सुश्रु॑तो॒ भूत् ॥

   इमाम् ऊ षु प्रभृतिं सातये धाः शश्वच्-छश्वद् ऊतिभिर् यादमानः |
   सुते-सुते वावृधे वर्धनेभिर् यः कर्मभिर् महद्भिः सुश्रुतो भूत् ||

   imā́mū ṣú prábhṛtim sātáye dhāḥ śáśvacchaśvadūtíbhiryā́damānaḥ ǀ
   sutésute vāvṛdhe várdhanebhiryáḥ kármabhirmahádbhiḥ súśruto bhū́t ǁ

   imām ū ṣu prabhṛtiṃ sātaye dhāḥ śaśvac-chaśvad ūtibhir yādamānaḥ |
   sute-sute vāvṛdhe vardhanebhir yaḥ karmabhir mahadbhiḥ suśruto bhūt ||

   इ॒माम् । ऊं॒ इति॑ । सु । प्रऽभृ॑तिम् । सा॒तये॑ । धाः॒ । शश्व॑त्ऽशश्वत् । ऊ॒तिऽभिः॑ । याद॑मानः ।
   सु॒तेऽसु॑ते । व॒वृ॒धे॒ । वर्ध॑नेभिः । यः । कर्म॑ऽभिः । म॒हत्ऽभिः॑ । सुऽश्रु॑तः । भूत् ॥

   इमाम् । ऊं इति । सु । प्रऽभृतिम् । सातये । धाः । शश्वत्ऽशश्वत् । ऊतिऽभिः । यादमानः ।
   सुतेऽसुते । ववृधे । वर्धनेभिः । यः । कर्मऽभिः । महत्ऽभिः । सुऽश्रुतः । भूत् ॥

   imā́m ǀ ūṃ íti ǀ sú ǀ prá-bhṛtim ǀ sātáye ǀ dhāḥ ǀ śáśvat-śaśvat ǀ ūtí-bhiḥ ǀ yā́damānaḥ ǀ
   suté-sute ǀ vavṛdhe ǀ várdhanebhiḥ ǀ yáḥ ǀ kárma-bhiḥ ǀ mahát-bhiḥ ǀ sú-śrutaḥ ǀ bhū́t ǁ

   imām ǀ ūṃ iti ǀ su ǀ pra-bhṛtim ǀ sātaye ǀ dhāḥ ǀ śaśvat-śaśvat ǀ ūti-bhiḥ ǀ yādamānaḥ ǀ
   sute-sute ǀ vavṛdhe ǀ vardhanebhiḥ ǀ yaḥ ǀ karma-bhiḥ ǀ mahat-bhiḥ ǀ su-śrutaḥ ǀ bhūt ǁ

   3.36.1 Aṣṭaka 3.2.19.1Anuvāka 3.3.97Interpretations

2. Ṛk 2

   इंद्रा॑य॒ सोमाः॑ प्र॒दिवो॒ विदा॑ना ऋ॒भुर्येभि॒र्वृष॑पर्वा॒ विहा॑याः ।
   प्र॒य॒म्यमा॑ना॒न्प्रति॒ षू गृ॑भा॒येंद्र॒ पिब॒ वृष॑धूतस्य॒ वृष्णः॑ ॥

   इन्द्राय सोमाः प्रदिवो विदाना ऋभुर् येभिर् वृषपर्वा विहायाः |
   प्रयम्यमानान् प्रति षू गृभायेन्द्र पिब वृषधूतस्य वृष्णः ||

   índrāya sómāḥ pradívo vídānā ṛbhúryébhirvṛ́ṣaparvā víhāyāḥ ǀ
   prayamyámānānpráti ṣū́ gṛbhāyéndra píba vṛ́ṣadhūtasya vṛ́ṣṇaḥ ǁ

   indrāya somāḥ pradivo vidānā ṛbhur yebhir vṛṣaparvā vihāyāḥ |
   prayamyamānān prati ṣū gṛbhāyendra piba vṛṣadhūtasya vṛṣṇaḥ ||

   इन्द्रा॑य । सोमाः॑ । प्र॒ऽदिवः॑ । विदा॑नाः । ऋ॒भुः । येभिः॑ । वृष॑ऽपर्वा । विऽहा॑याः ।
   प्र॒ऽय॒म्यमा॑नान् । प्रति॑ । सु । गृ॒भा॒य॒ । इन्द्र॑ । पिब॑ । वृष॑ऽधूतस्य । वृष्णः॑ ॥

   इन्द्राय । सोमाः । प्रऽदिवः । विदानाः । ऋभुः । येभिः । वृषऽपर्वा । विऽहायाः ।
   प्रऽयम्यमानान् । प्रति । सु । गृभाय । इन्द्र । पिब । वृषऽधूतस्य । वृष्णः ॥

   índrāya ǀ sómāḥ ǀ pra-dívaḥ ǀ vídānāḥ ǀ ṛbhúḥ ǀ yébhiḥ ǀ vṛ́ṣa-parvā ǀ ví-hāyāḥ ǀ
   pra-yamyámānān ǀ práti ǀ sú ǀ gṛbhāya ǀ índra ǀ píba ǀ vṛ́ṣa-dhūtasya ǀ vṛ́ṣṇaḥ ǁ

   indrāya ǀ somāḥ ǀ pra-divaḥ ǀ vidānāḥ ǀ ṛbhuḥ ǀ yebhiḥ ǀ vṛṣa-parvā ǀ vi-hāyāḥ ǀ
   pra-yamyamānān ǀ prati ǀ su ǀ gṛbhāya ǀ indra ǀ piba ǀ vṛṣa-dhūtasya ǀ vṛṣṇaḥ ǁ

   3.36.2 Aṣṭaka 3.2.19.2Anuvāka 3.3.98Interpretations

3. Ṛk 3

   पिबा॒ वर्ध॑स्व॒ तव॑ घा सु॒तास॒ इंद्र॒ सोमा॑सः प्रथ॒मा उ॒तेमे ।
   यथापि॑बः पू॒र्व्याँ इं॑द्र॒ सोमाँ॑ ए॒वा पा॑हि॒ पन्यो॑ अ॒द्या नवी॑यान् ॥

   पिबा वर्धस्व तव घा सुतास इन्द्र सोमासः प्रथमा उतेमे |
   यथापिबः पूर्व्यां इन्द्र सोमां एवा पाहि पन्यो अद्या नवीयान् ||

   píbā várdhasva táva ghā sutā́sa índra sómāsaḥ prathamā́ utémé ǀ
   yáthā́pibaḥ pūrvyā́m̐ indra sómām̐ evā́ pāhi pányo adyā́ návīyān ǁ

   pibā vardhasva tava ghā sutāsa indra somāsaḥ prathamā uteme |
   yathāpibaḥ pūrvyāṃ indra somāṃ evā pāhi panyo adyā navīyān ||

   पिब॑ । वर्ध॑स्व । तव॑ । घ॒ । सु॒तासः॑ । इन्द्र॑ । सोमा॑सः । प्र॒थ॒माः । उ॒त । इ॒मे ।
   यथा॑ । अपि॑बः । पू॒र्व्यान् । इ॒न्द्र॒ । सोमा॑न् । ए॒व । पा॒हि॒ । पन्यः॑ । अ॒द्य । नवी॑यान् ॥

   पिब । वर्धस्व । तव । घ । सुतासः । इन्द्र । सोमासः । प्रथमाः । उत । इमे ।
   यथा । अपिबः । पूर्व्यान् । इन्द्र । सोमान् । एव । पाहि । पन्यः । अद्य । नवीयान् ॥

   píba ǀ várdhasva ǀ táva ǀ gha ǀ sutā́saḥ ǀ índra ǀ sómāsaḥ ǀ prathamā́ḥ ǀ utá ǀ imé ǀ
   yáthā ǀ ápibaḥ ǀ pūrvyā́n ǀ indra ǀ sómān ǀ evá ǀ pāhi ǀ pányaḥ ǀ adyá ǀ návīyān ǁ

   piba ǀ vardhasva ǀ tava ǀ gha ǀ sutāsaḥ ǀ indra ǀ somāsaḥ ǀ prathamāḥ ǀ uta ǀ ime ǀ
   yathā ǀ apibaḥ ǀ pūrvyān ǀ indra ǀ somān ǀ eva ǀ pāhi ǀ panyaḥ ǀ adya ǀ navīyān ǁ

   3.36.3 Aṣṭaka 3.2.19.3Anuvāka 3.3.99Interpretations

4. Ṛk 4

   म॒हाँ अम॑त्रो वृ॒जने॑ विर॒प्श्यु१॒॑ग्रं शवः॑ पत्यते धृ॒ष्ण्वोजः॑ ।
   नाह॑ विव्याच पृथि॒वी च॒नैनं॒ यत्सोमा॑सो॒ हर्य॑श्व॒ममं॑दन् ॥

   महां अमत्रो वृजने विरप्श्य् उग्रं शवः पत्यते धृष्ण्व् ओजः |
   नाह विव्याच पृथिवी चनैनं यत् सोमासो हर्यश्वम् अमन्दन् ||

   mahā́m̐ ámatro vṛjáne virapśyúgrám śávaḥ patyate dhṛṣṇvójaḥ ǀ
   nā́ha vivyāca pṛthivī́ canáinam yátsómāso háryaśvamámandan ǁ

   mahāṃ amatro vṛjane virapśy ugraṃ śavaḥ patyate dhṛṣṇv ojaḥ |
   nāha vivyāca pṛthivī canainaṃ yat somāso haryaśvam amandan ||

   म॒हान् । अम॑त्रः । वृ॒जने॑ । वि॒ऽर॒प्शी । उ॒ग्रम् । शवः॑ । प॒त्य॒ते॒ । धृ॒ष्णु । ओजः॑ ।
   न । अह॑ । वि॒व्या॒च॒ । पृ॒थि॒वी । च॒न । ए॒न॒म् । यत् । सोमा॑सः । हरि॑ऽअश्वम् । अम॑न्दन् ॥

   महान् । अमत्रः । वृजने । विऽरप्शी । उग्रम् । शवः । पत्यते । धृष्णु । ओजः ।
   न । अह । विव्याच । पृथिवी । चन । एनम् । यत् । सोमासः । हरिऽअश्वम् । अमन्दन् ॥

   mahā́n ǀ ámatraḥ ǀ vṛjáne ǀ vi-rapśī́ ǀ ugrám ǀ śávaḥ ǀ patyate ǀ dhṛṣṇú ǀ ójaḥ ǀ
   ná ǀ áha ǀ vivyāca ǀ pṛthivī́ ǀ caná ǀ enam ǀ yát ǀ sómāsaḥ ǀ hári-aśvam ǀ ámandan ǁ

   mahān ǀ amatraḥ ǀ vṛjane ǀ vi-rapśī ǀ ugram ǀ śavaḥ ǀ patyate ǀ dhṛṣṇu ǀ ojaḥ ǀ
   na ǀ aha ǀ vivyāca ǀ pṛthivī ǀ cana ǀ enam ǀ yat ǀ somāsaḥ ǀ hari-aśvam ǀ amandan ǁ

   3.36.4 Aṣṭaka 3.2.19.4Anuvāka 3.3.100Interpretations

5. Ṛk 5

   म॒हाँ उ॒ग्रो वा॑वृधे वी॒र्या॑य स॒माच॑क्रे वृष॒भः काव्ये॑न ।
   इंद्रो॒ भगो॑ वाज॒दा अ॑स्य॒ गावः॒ प्र जा॑यंते॒ दक्षि॑णा अस्य पू॒र्वीः ॥

   महां उग्रो वावृधे वीर्याय समाचक्रे वृषभः काव्येन |
   इन्द्रो भगो वाजदा अस्य गावः प्र जायन्ते दक्षिणा अस्य पूर्वीः ||

   mahā́m̐ ugró vāvṛdhe vīryā́ya samā́cakre vṛṣabháḥ kā́vyena ǀ
   índro bhágo vājadā́ asya gā́vaḥ prá jāyante dákṣiṇā asya pūrvī́ḥ ǁ

   mahāṃ ugro vāvṛdhe vīryāya samācakre vṛṣabhaḥ kāvyena |
   indro bhago vājadā asya gāvaḥ pra jāyante dakṣiṇā asya pūrvīḥ ||

   म॒हान् । उ॒ग्रः । व॒वृ॒धे॒ । वी॒र्या॑य । स॒म्ऽआच॑क्रे । वृ॒ष॒भः । काव्ये॑न ।
   इन्द्रः॑ । भगः॑ । वा॒ज॒ऽदाः । अ॒स्य॒ । गावः॑ । प्र । जा॒य॒न्ते॒ । दक्षि॑णाः । अ॒स्य॒ । पू॒र्वीः ॥

   महान् । उग्रः । ववृधे । वीर्याय । सम्ऽआचक्रे । वृषभः । काव्येन ।
   इन्द्रः । भगः । वाजऽदाः । अस्य । गावः । प्र । जायन्ते । दक्षिणाः । अस्य । पूर्वीः ॥

   mahā́n ǀ ugráḥ ǀ vavṛdhe ǀ vīryā́ya ǀ sam-ā́cakre ǀ vṛṣabháḥ ǀ kā́vyena ǀ
   índraḥ ǀ bhágaḥ ǀ vāja-dā́ḥ ǀ asya ǀ gā́vaḥ ǀ prá ǀ jāyante ǀ dákṣiṇāḥ ǀ asya ǀ pūrvī́ḥ ǁ

   mahān ǀ ugraḥ ǀ vavṛdhe ǀ vīryāya ǀ sam-ācakre ǀ vṛṣabhaḥ ǀ kāvyena ǀ
   indraḥ ǀ bhagaḥ ǀ vāja-dāḥ ǀ asya ǀ gāvaḥ ǀ pra ǀ jāyante ǀ dakṣiṇāḥ ǀ asya ǀ pūrvīḥ ǁ

   3.36.5 Aṣṭaka 3.2.19.5Anuvāka 3.3.101Interpretations

6. Ṛk 6

   प्र यत्सिंध॑वः प्रस॒वं यथाय॒न्नापः॑ समु॒द्रं र॒थ्ये॑व जग्मुः ।
   अत॑श्चि॒दिंद्रः॒ सद॑सो॒ वरी॑या॒न्यदीं॒ सोमः॑ पृ॒णति॑ दु॒ग्धो अं॒शुः ॥

   प्र यत् सिन्धवः प्रसवं यथायन्न् आपः समुद्रं रथ्येव जग्मुः |
   अतश् चिद् इन्द्रः सदसो वरीयान् यद् ईं सोमः पृणति दुग्धो अंशुः ||

   prá yátsíndhavaḥ prasavám yáthā́yannā́paḥ samudrám rathyéva jagmuḥ ǀ
   átaścidíndraḥ sádaso várīyānyádīm sómaḥ pṛṇáti dugdhó aṃśúḥ ǁ

   pra yat sindhavaḥ prasavaṃ yathāyann āpaḥ samudraṃ rathyeva jagmuḥ |
   ataś cid indraḥ sadaso varīyān yad īṃ somaḥ pṛṇati dugdho aṃśuḥ ||

   प्र । यत् । सिन्ध॑वः । प्र॒ऽस॒वम् । यथा॑ । आय॑न् । आपः॑ । स॒मु॒द्रम् । र॒थ्या॑ऽइव । ज॒ग्मुः॒ ।
   अतः॑ । चि॒त् । इन्द्रः॑ । सद॑सः । वरी॑यान् । यत् । ई॒म् । सोमः॑ । पृ॒णति॑ । दु॒ग्धः । अं॒शुः ॥

   प्र । यत् । सिन्धवः । प्रऽसवम् । यथा । आयन् । आपः । समुद्रम् । रथ्याऽइव । जग्मुः ।
   अतः । चित् । इन्द्रः । सदसः । वरीयान् । यत् । ईम् । सोमः । पृणति । दुग्धः । अंशुः ॥

   prá ǀ yát ǀ síndhavaḥ ǀ pra-savám ǀ yáthā ǀ ā́yan ǀ ā́paḥ ǀ samudrám ǀ rathyā́-iva ǀ jagmuḥ ǀ
   átaḥ ǀ cit ǀ índraḥ ǀ sádasaḥ ǀ várīyān ǀ yát ǀ īm ǀ sómaḥ ǀ pṛṇáti ǀ dugdháḥ ǀ aṃśúḥ ǁ

   pra ǀ yat ǀ sindhavaḥ ǀ pra-savam ǀ yathā ǀ āyan ǀ āpaḥ ǀ samudram ǀ rathyā-iva ǀ jagmuḥ ǀ
   ataḥ ǀ cit ǀ indraḥ ǀ sadasaḥ ǀ varīyān ǀ yat ǀ īm ǀ somaḥ ǀ pṛṇati ǀ dugdhaḥ ǀ aṃśuḥ ǁ

   3.36.6 Aṣṭaka 3.2.20.1Anuvāka 3.3.102Interpretations

7. Ṛk 7

   स॒मु॒द्रेण॒ सिंध॑वो॒ याद॑माना॒ इंद्रा॑य॒ सोमं॒ सुषु॑तं॒ भरं॑तः ।
   अं॒शुं दु॑हंति ह॒स्तिनो॑ भ॒रित्रै॒र्मध्वः॑ पुनंति॒ धार॑या प॒वित्रैः॑ ॥

   समुद्रेण सिन्धवो यादमाना इन्द्राय सोमं सुषुतम् भरन्तः |
   अंशुं दुहन्ति हस्तिनो भरित्रैर् मध्वः पुनन्ति धारया पवित्रैः ||

   samudréṇa síndhavo yā́damānā índrāya sómam súṣutam bhárantaḥ ǀ
   aṃśúm duhanti hastíno bharítrairmádhvaḥ punanti dhā́rayā pavítraiḥ ǁ

   samudreṇa sindhavo yādamānā indrāya somaṃ suṣutam bharantaḥ |
   aṃśuṃ duhanti hastino bharitrair madhvaḥ punanti dhārayā pavitraiḥ ||

   स॒मु॒द्रेण॑ । सिन्ध॑वः । याद॑मानाः । इन्द्रा॑य । सोम॑म् । सुऽसु॑तम् । भर॑न्तः ।
   अं॒शुम् । दु॒ह॒न्ति॒ । ह॒स्तिनः॑ । भ॒रित्रैः॑ । मध्वः॑ । पु॒न॒न्ति॒ । धार॑या । प॒वित्रैः॑ ॥

   समुद्रेण । सिन्धवः । यादमानाः । इन्द्राय । सोमम् । सुऽसुतम् । भरन्तः ।
   अंशुम् । दुहन्ति । हस्तिनः । भरित्रैः । मध्वः । पुनन्ति । धारया । पवित्रैः ॥

   samudréṇa ǀ síndhavaḥ ǀ yā́damānāḥ ǀ índrāya ǀ sómam ǀ sú-sutam ǀ bhárantaḥ ǀ
   aṃśúm ǀ duhanti ǀ hastínaḥ ǀ bharítraiḥ ǀ mádhvaḥ ǀ punanti ǀ dhā́rayā ǀ pavítraiḥ ǁ

   samudreṇa ǀ sindhavaḥ ǀ yādamānāḥ ǀ indrāya ǀ somam ǀ su-sutam ǀ bharantaḥ ǀ
   aṃśum ǀ duhanti ǀ hastinaḥ ǀ bharitraiḥ ǀ madhvaḥ ǀ punanti ǀ dhārayā ǀ pavitraiḥ ǁ

   3.36.7 Aṣṭaka 3.2.20.2Anuvāka 3.3.103Interpretations

8. Ṛk 8

   ह्र॒दा इ॑व कु॒क्षयः॑ सोम॒धानाः॒ समी॑ विव्याच॒ सव॑ना पु॒रूणि॑ ।
   अन्ना॒ यदिंद्रः॑ प्रथ॒मा व्याश॑ वृ॒त्रं ज॑घ॒न्वाँ अ॑वृणीत॒ सोमं॑ ॥

   ह्रदा इव कुक्षयः सोमधानाः सम् ई विव्याच सवना पुरूणि |
   अन्ना यद् इन्द्रः प्रथमा व्य् आश वृत्रं जघन्वां अवृणीत सोमम् ||

   hradā́ iva kukṣáyaḥ somadhā́nāḥ sámī vivyāca sávanā purū́ṇi ǀ
   ánnā yádíndraḥ prathamā́ vyā́śa vṛtrám jaghanvā́m̐ avṛṇīta sómam ǁ

   hradā iva kukṣayaḥ somadhānāḥ sam ī vivyāca savanā purūṇi |
   annā yad indraḥ prathamā vy āśa vṛtraṃ jaghanvāṃ avṛṇīta somam ||

   ह्र॒दाःऽइ॑व । कु॒क्षयः॑ । सो॒म॒ऽधानाः॑ । सम् । ई॒मिति॑ । वि॒व्या॒च॒ । सव॑ना । पु॒रूणि॑ ।
   अन्ना॑ । यत् । इन्द्रः॑ । प्र॒थ॒मा । वि । आश॑ । वृ॒त्रम् । ज॒घ॒न्वान् । अ॒वृ॒णी॒त॒ । सोम॑म् ॥

   ह्रदाःऽइव । कुक्षयः । सोमऽधानाः । सम् । ईमिति । विव्याच । सवना । पुरूणि ।
   अन्ना । यत् । इन्द्रः । प्रथमा । वि । आश । वृत्रम् । जघन्वान् । अवृणीत । सोमम् ॥

   hradā́ḥ-iva ǀ kukṣáyaḥ ǀ soma-dhā́nāḥ ǀ sám ǀ īmíti ǀ vivyāca ǀ sávanā ǀ purū́ṇi ǀ
   ánnā ǀ yát ǀ índraḥ ǀ prathamā́ ǀ ví ǀ ā́śa ǀ vṛtrám ǀ jaghanvā́n ǀ avṛṇīta ǀ sómam ǁ

   hradāḥ-iva ǀ kukṣayaḥ ǀ soma-dhānāḥ ǀ sam ǀ īmiti ǀ vivyāca ǀ savanā ǀ purūṇi ǀ
   annā ǀ yat ǀ indraḥ ǀ prathamā ǀ vi ǀ āśa ǀ vṛtram ǀ jaghanvān ǀ avṛṇīta ǀ somam ǁ

   3.36.8 Aṣṭaka 3.2.20.3Anuvāka 3.3.104Interpretations

9. Ṛk 9

   आ तू भ॑र॒ माकि॑रे॒तत्परि॑ ष्ठाद्वि॒द्मा हि त्वा॒ वसु॑पतिं॒ वसू॑नां ।
   इंद्र॒ यत्ते॒ माहि॑नं॒ दत्र॒मस्त्य॒स्मभ्यं॒ तद्ध॑र्यश्व॒ प्र यं॑धि ॥

   आ तू भर माकिर् एतत् परि ष्ठाद् विद्मा हि त्वा वसुपतिं वसूनाम् |
   इन्द्र यत् ते माहिनं दत्रम् अस्त्य् अस्मभ्यं तद् धर्यश्व प्र यन्धि ||

   ā́ tū́ bhara mā́kiretátpári ṣṭhādvidmā́ hí tvā vásupatim vásūnām ǀ
   índra yátte mā́hinam dátramástyasmábhyam táddharyaśva prá yandhi ǁ

   ā tū bhara mākir etat pari ṣṭhād vidmā hi tvā vasupatiṃ vasūnām |
   indra yat te māhinaṃ datram asty asmabhyaṃ tad dharyaśva pra yandhi ||

   आ । तु । भ॒र॒ । माकिः॑ । ए॒तत् । परि॑ । स्था॒त् । वि॒द्म । हि । त्वा॒ । वसु॑ऽपतिम् । वसू॑नाम् ।
   इन्द्र॑ । यत् । ते॒ । माहि॑नम् । दत्र॑म् । अस्ति॑ । अ॒स्मभ्य॑म् । तत् । ह॒रि॒ऽअ॒श्व॒ । प्र । य॒न्धि॒ ॥

   आ । तु । भर । माकिः । एतत् । परि । स्थात् । विद्म । हि । त्वा । वसुऽपतिम् । वसूनाम् ।
   इन्द्र । यत् । ते । माहिनम् । दत्रम् । अस्ति । अस्मभ्यम् । तत् । हरिऽअश्व । प्र । यन्धि ॥

   ā́ ǀ tú ǀ bhara ǀ mā́kiḥ ǀ etát ǀ pári ǀ sthāt ǀ vidmá ǀ hí ǀ tvā ǀ vásu-patim ǀ vásūnām ǀ
   índra ǀ yát ǀ te ǀ mā́hinam ǀ dátram ǀ ásti ǀ asmábhyam ǀ tát ǀ hari-aśva ǀ prá ǀ yandhi ǁ

   ā ǀ tu ǀ bhara ǀ mākiḥ ǀ etat ǀ pari ǀ sthāt ǀ vidma ǀ hi ǀ tvā ǀ vasu-patim ǀ vasūnām ǀ
   indra ǀ yat ǀ te ǀ māhinam ǀ datram ǀ asti ǀ asmabhyam ǀ tat ǀ hari-aśva ǀ pra ǀ yandhi ǁ

   3.36.9 Aṣṭaka 3.2.20.4Anuvāka 3.3.105Interpretations

10. Ṛk 10

    अ॒स्मे प्र यं॑धि मघवन्नृजीषि॒न्निंद्र॑ रा॒यो वि॒श्ववा॑रस्य॒ भूरेः॑ ।
    अ॒स्मे श॒तं श॒रदो॑ जी॒वसे॑ धा अ॒स्मे वी॒रांछश्व॑त इंद्र शिप्रिन् ॥

    अस्मे प्र यन्धि मघवन्न् ऋजीषिन्न् इन्द्र रायो विश्ववारस्य भूरेः |
    अस्मे शतं शरदो जीवसे धा अस्मे वीराञ् छश्वत इन्द्र शिप्रिन् ||

    asmé prá yandhi maghavannṛjīṣinníndra rāyó viśvávārasya bhū́reḥ ǀ
    asmé śatám śarádo jīváse dhā asmé vīrā́ñcháśvata indra śiprin ǁ

    asme pra yandhi maghavann ṛjīṣinn indra rāyo viśvavārasya bhūreḥ |
    asme śataṃ śarado jīvase dhā asme vīrāñ chaśvata indra śiprin ||

    अ॒स्मे इति॑ । प्र । य॒न्धि॒ । म॒घ॒ऽव॒न् । ऋ॒जी॒षि॒न् । इन्द्र॑ । रा॒यः । वि॒श्वऽवा॑रस्य । भूरेः॑ ।
    अ॒स्मे इति॑ । श॒तम् । श॒रदः॑ । जी॒वसे॑ । धाः॒ । अ॒स्मे इति॑ । वी॒रान् । शश्व॑तः । इ॒न्द्र॒ । शि॒प्रि॒न् ॥

    अस्मे इति । प्र । यन्धि । मघऽवन् । ऋजीषिन् । इन्द्र । रायः । विश्वऽवारस्य । भूरेः ।
    अस्मे इति । शतम् । शरदः । जीवसे । धाः । अस्मे इति । वीरान् । शश्वतः । इन्द्र । शिप्रिन् ॥

    asmé íti ǀ prá ǀ yandhi ǀ magha-van ǀ ṛjīṣin ǀ índra ǀ rāyáḥ ǀ viśvá-vārasya ǀ bhū́reḥ ǀ
    asmé íti ǀ śatám ǀ śarádaḥ ǀ jīváse ǀ dhāḥ ǀ asmé íti ǀ vīrā́n ǀ śáśvataḥ ǀ indra ǀ śiprin ǁ

    asme iti ǀ pra ǀ yandhi ǀ magha-van ǀ ṛjīṣin ǀ indra ǀ rāyaḥ ǀ viśva-vārasya ǀ bhūreḥ ǀ
    asme iti ǀ śatam ǀ śaradaḥ ǀ jīvase ǀ dhāḥ ǀ asme iti ǀ vīrān ǀ śaśvataḥ ǀ indra ǀ śiprin ǁ

    3.36.10 Aṣṭaka 3.2.20.5Anuvāka 3.3.106Interpretations

11. Ṛk 11

    शु॒नं हु॑वेम म॒घवा॑न॒मिंद्र॑म॒स्मिन्भरे॒ नृत॑मं॒ वाज॑सातौ ।
    शृ॒ण्वंत॑मु॒ग्रमू॒तये॑ स॒मत्सु॒ घ्नंतं॑ वृ॒त्राणि॑ सं॒जितं॒ धना॑नां ॥

    शुनं हुवेम मघवानम् इन्द्रम् अस्मिन् भरे नृतमं वाजसातौ |
    शृण्वन्तम् उग्रम् ऊतये समत्सु घ्नन्तं वृत्राणि संजितं धनानाम् ||

    śunám huvema maghávānamíndramasmínbháre nṛ́tamam vā́jasātau ǀ
    śṛṇvántamugrámūtáye samátsu ghnántam vṛtrā́ṇi saṃjítam dhánānām ǁ

    śunaṃ huvema maghavānam indram asmin bhare nṛtamaṃ vājasātau |
    śṛṇvantam ugram ūtaye samatsu ghnantaṃ vṛtrāṇi saṃjitaṃ dhanānām ||

    शु॒नम् । हु॒वे॒म॒ । म॒घऽवा॑नम् । इन्द्र॑म् । अ॒स्मिन् । भरे॑ । नृऽत॑मम् । वाज॑ऽसातौ ।
    शृ॒ण्वन्त॑म् । उ॒ग्रम् । ऊ॒तये॑ । स॒मत्ऽसु॑ । घ्नन्त॑म् । वृ॒त्राणि॑ । स॒म्ऽजित॑म् । धना॑नाम् ॥

    शुनम् । हुवेम । मघऽवानम् । इन्द्रम् । अस्मिन् । भरे । नृऽतमम् । वाजऽसातौ ।
    शृण्वन्तम् । उग्रम् । ऊतये । समत्ऽसु । घ्नन्तम् । वृत्राणि । सम्ऽजितम् । धनानाम् ॥

    śunám ǀ huvema ǀ maghá-vānam ǀ índram ǀ asmín ǀ bháre ǀ nṛ́-tamam ǀ vā́ja-sātau ǀ
    śṛṇvántam ǀ ugrám ǀ ūtáye ǀ samát-su ǀ ghnántam ǀ vṛtrā́ṇi ǀ sam-jítam ǀ dhánānām ǁ

    śunam ǀ huvema ǀ magha-vānam ǀ indram ǀ asmin ǀ bhare ǀ nṛ-tamam ǀ vāja-sātau ǀ
    śṛṇvantam ǀ ugram ǀ ūtaye ǀ samat-su ǀ ghnantam ǀ vṛtrāṇi ǀ sam-jitam ǀ dhanānām ǁ

    3.36.11 Aṣṭaka 3.2.20.6Anuvāka 3.3.107Interpretations

Text, recitation and interpretations from the Ṛgveda database of theveda.org.in.