Devatā देवता

Viśvedevās

Ṛṣi ऋषि

Viśvāmitra Gāthina

Chandas छन्दस्

Triṣṭubh, Anuṣṭubh

1. Ṛk 1

   अं॒जंति॒ त्वाम॑ध्व॒रे दे॑व॒यंतो॒ वन॑स्पते॒ मधु॑ना॒ दैव्ये॑न ।
   यदू॒र्ध्वस्तिष्ठा॒ द्रवि॑णे॒ह ध॑त्ता॒द्यद्वा॒ क्षयो॑ मा॒तुर॒स्या उ॒पस्थे॑ ॥

   अञ्जन्ति त्वाम् अध्वरे देवयन्तो वनस्पते मधुना दैव्येन |
   यद् ऊर्ध्वस् तिष्ठा द्रविणेह धत्ताद् यद् वा क्षयो मातुर् अस्या उपस्थे ||

   añjánti tvā́madhvaré devayánto vánaspate mádhunā dáivyena ǀ
   yádūrdhvástíṣṭhā dráviṇehá dhattādyádvā kṣáyo mātúrasyā́ upásthe ǁ

   añjanti tvām adhvare devayanto vanaspate madhunā daivyena |
   yad ūrdhvas tiṣṭhā draviṇeha dhattād yad vā kṣayo mātur asyā upasthe ||

   अ॒ञ्जन्ति॑ । त्वाम् । अ॒ध्व॒रे । दे॒व॒ऽयन्तः॑ । वन॑स्पते । मधु॑ना । दैव्ये॑न ।
   यत् । ऊ॒र्ध्वः । तिष्ठाः॑ । द्रवि॑णा । इ॒ह । ध॒त्ता॒त् । यत् । वा॒ । क्षयः॑ । मा॒तुः । अ॒स्याः । उ॒पऽस्थे॑ ॥

   अञ्जन्ति । त्वाम् । अध्वरे । देवऽयन्तः । वनस्पते । मधुना । दैव्येन ।
   यत् । ऊर्ध्वः । तिष्ठाः । द्रविणा । इह । धत्तात् । यत् । वा । क्षयः । मातुः । अस्याः । उपऽस्थे ॥

   añjánti ǀ tvā́m ǀ adhvaré ǀ deva-yántaḥ ǀ vánaspate ǀ mádhunā ǀ dáivyena ǀ
   yát ǀ ūrdhváḥ ǀ tíṣṭhāḥ ǀ dráviṇā ǀ ihá ǀ dhattāt ǀ yát ǀ vā ǀ kṣáyaḥ ǀ mātúḥ ǀ asyā́ḥ ǀ upá-sthe ǁ

   añjanti ǀ tvām ǀ adhvare ǀ deva-yantaḥ ǀ vanaspate ǀ madhunā ǀ daivyena ǀ
   yat ǀ ūrdhvaḥ ǀ tiṣṭhāḥ ǀ draviṇā ǀ iha ǀ dhattāt ǀ yat ǀ vā ǀ kṣayaḥ ǀ mātuḥ ǀ asyāḥ ǀ upa-sthe ǁ

   3.8.1 Aṣṭaka 3.1.3.1Anuvāka 3.1.94Interpretations

2. Ṛk 2

   समि॑द्धस्य॒ श्रय॑माणः पु॒रस्ता॒द्ब्रह्म॑ वन्वा॒नो अ॒जरं॑ सु॒वीरं॑ ।
   आ॒रे अ॒स्मदम॑तिं॒ बाध॑मान॒ उच्छ्र॑यस्व मह॒ते सौभ॑गाय ॥

   समिद्धस्य श्रयमाणः पुरस्ताद् ब्रह्म वन्वानो अजरं सुवीरम् |
   आरे अस्मद् अमतिम् बाधमान उच् छ्रयस्व महते सौभगाय ||

   sámiddhasya śráyamāṇaḥ purástādbráhma vanvānó ajáram suvī́ram ǀ
   āré asmádámatim bā́dhamāna úcchrayasva mahaté sáubhagāya ǁ

   samiddhasya śrayamāṇaḥ purastād brahma vanvāno ajaraṃ suvīram |
   āre asmad amatim bādhamāna uc chrayasva mahate saubhagāya ||

   सम्ऽइ॑द्धस्य । श्रय॑माणः । पु॒रस्ता॑त् । ब्रह्म॑ । व॒न्वा॒नः । अ॒जर॑म् । सु॒ऽवीर॑म् ।
   आ॒रे । अ॒स्मत् । अम॑तिम् । बाध॑मानः । उत् । श्र॒य॒स्व॒ । म॒ह॒ते । सौभ॑गाय ॥

   सम्ऽइद्धस्य । श्रयमाणः । पुरस्तात् । ब्रह्म । वन्वानः । अजरम् । सुऽवीरम् ।
   आरे । अस्मत् । अमतिम् । बाधमानः । उत् । श्रयस्व । महते । सौभगाय ॥

   sám-iddhasya ǀ śráyamāṇaḥ ǀ purástāt ǀ bráhma ǀ vanvānáḥ ǀ ajáram ǀ su-vī́ram ǀ
   āré ǀ asmát ǀ ámatim ǀ bā́dhamānaḥ ǀ út ǀ śrayasva ǀ mahaté ǀ sáubhagāya ǁ

   sam-iddhasya ǀ śrayamāṇaḥ ǀ purastāt ǀ brahma ǀ vanvānaḥ ǀ ajaram ǀ su-vīram ǀ
   āre ǀ asmat ǀ amatim ǀ bādhamānaḥ ǀ ut ǀ śrayasva ǀ mahate ǀ saubhagāya ǁ

   3.8.2 Aṣṭaka 3.1.3.2Anuvāka 3.1.95Interpretations

3. Ṛk 3

   उच्छ्र॑यस्व वनस्पते॒ वर्ष्म॑न्पृथि॒व्या अधि॑ ।
   सुमि॑ती मी॒यमा॑नो॒ वर्चो॑ धा य॒ज्ञवा॑हसे ॥

   उच् छ्रयस्व वनस्पते वर्ष्मन् पृथिव्या अधि |
   सुमिती मीयमानो वर्चो धा यज्ञवाहसे ||

   úcchrayasva vanaspate várṣmanpṛthivyā́ ádhi ǀ
   súmitī mīyámāno várco dhā yajñávāhase ǁ

   uc chrayasva vanaspate varṣman pṛthivyā adhi |
   sumitī mīyamāno varco dhā yajñavāhase ||

   उत् । श्र॒य॒स्व॒ । व॒न॒स्प॒ते॒ । वर्ष्म॑न् । पृ॒थि॒व्याः । अधि॑ ।
   सुऽमि॑ती । मी॒यमा॑नः । वर्चः॑ । धाः॒ । य॒ज्ञऽवा॑हसे ॥

   उत् । श्रयस्व । वनस्पते । वर्ष्मन् । पृथिव्याः । अधि ।
   सुऽमिती । मीयमानः । वर्चः । धाः । यज्ञऽवाहसे ॥

   út ǀ śrayasva ǀ vanaspate ǀ várṣman ǀ pṛthivyā́ḥ ǀ ádhi ǀ
   sú-mitī ǀ mīyámānaḥ ǀ várcaḥ ǀ dhāḥ ǀ yajñá-vāhase ǁ

   ut ǀ śrayasva ǀ vanaspate ǀ varṣman ǀ pṛthivyāḥ ǀ adhi ǀ
   su-mitī ǀ mīyamānaḥ ǀ varcaḥ ǀ dhāḥ ǀ yajña-vāhase ǁ

   3.8.3 Aṣṭaka 3.1.3.3Anuvāka 3.1.96Interpretations

4. Ṛk 4

   युवा॑ सु॒वासाः॒ परि॑वीत॒ आगा॒त्स उ॒ श्रेया॑न्भवति॒ जाय॑मानः ।
   तं धीरा॑सः क॒वय॒ उन्न॑यंति स्वा॒ध्यो॒३॒॑ मन॑सा देव॒यंतः॑ ॥

   युवा सुवासाः परिवीत आगात् स उ श्रेयान् भवति जायमानः |
   तं धीरासः कवय उन् नयन्ति स्वाध्यो मनसा देवयन्तः ||

   yúvā suvā́sāḥ párivīta ā́gātsá u śréyānbhavati jā́yamānaḥ ǀ
   tám dhī́rāsaḥ kaváya únnayanti svādhyo mánasā devayántaḥ ǁ

   yuvā suvāsāḥ parivīta āgāt sa u śreyān bhavati jāyamānaḥ |
   taṃ dhīrāsaḥ kavaya un nayanti svādhyo manasā devayantaḥ ||

   युवा॑ । सु॒ऽवासाः॑ । परि॑ऽवीतः । आ । अ॒गा॒त् । सः । ऊं॒ इति॑ । श्रेया॑न् । भ॒व॒ति॒ । जाय॑मानः ।
   तम् । धीरा॑सः । क॒वयः॑ । उत् । न॒य॒न्ति॒ । सु॒ऽआ॒ध्यः॑ । मन॑सा । दे॒व॒ऽयन्तः॑ ॥

   युवा । सुऽवासाः । परिऽवीतः । आ । अगात् । सः । ऊं इति । श्रेयान् । भवति । जायमानः ।
   तम् । धीरासः । कवयः । उत् । नयन्ति । सुऽआध्यः । मनसा । देवऽयन्तः ॥

   yúvā ǀ su-vā́sāḥ ǀ pári-vītaḥ ǀ ā́ ǀ agāt ǀ sáḥ ǀ ūṃ íti ǀ śréyān ǀ bhavati ǀ jā́yamānaḥ ǀ
   tám ǀ dhī́rāsaḥ ǀ kaváyaḥ ǀ út ǀ nayanti ǀ su-ādhyáḥ ǀ mánasā ǀ deva-yántaḥ ǁ

   yuvā ǀ su-vāsāḥ ǀ pari-vītaḥ ǀ ā ǀ agāt ǀ saḥ ǀ ūṃ iti ǀ śreyān ǀ bhavati ǀ jāyamānaḥ ǀ
   tam ǀ dhīrāsaḥ ǀ kavayaḥ ǀ ut ǀ nayanti ǀ su-ādhyaḥ ǀ manasā ǀ deva-yantaḥ ǁ

   3.8.4 Aṣṭaka 3.1.3.4Anuvāka 3.1.97Interpretations

5. Ṛk 5

   जा॒तो जा॑यते सुदिन॒त्वे अह्नां॑ सम॒र्य आ वि॒दथे॒ वर्ध॑मानः ।
   पु॒नंति॒ धीरा॑ अ॒पसो॑ मनी॒षा दे॑व॒या विप्र॒ उदि॑यर्ति॒ वाचं॑ ॥

   जातो जायते सुदिनत्वे अह्नां समर्य आ विदथे वर्धमानः |
   पुनन्ति धीरा अपसो मनीषा देवया विप्र उद् इयर्ति वाचम् ||

   jātó jāyate sudinatvé áhnām samaryá ā́ vidáthe várdhamānaḥ ǀ
   punánti dhī́rā apáso manīṣā́ devayā́ vípra údiyarti vā́cam ǁ

   jāto jāyate sudinatve ahnāṃ samarya ā vidathe vardhamānaḥ |
   punanti dhīrā apaso manīṣā devayā vipra ud iyarti vācam ||

   जा॒तः । जा॒य॒ते॒ । सु॒दि॒न॒ऽत्वे । अह्ना॑म् । स॒ऽम॒र्ये । आ । वि॒दथे॑ । वर्ध॑मानः ।
   पु॒नन्ति॑ । धीराः॑ । अ॒पसः॑ । म॒नी॒षा । दे॒व॒ऽयाः । विप्रः॑ । उत् । इ॒य॒र्ति॒ । वाच॑म् ॥

   जातः । जायते । सुदिनऽत्वे । अह्नाम् । सऽमर्ये । आ । विदथे । वर्धमानः ।
   पुनन्ति । धीराः । अपसः । मनीषा । देवऽयाः । विप्रः । उत् । इयर्ति । वाचम् ॥

   jātáḥ ǀ jāyate ǀ sudina-tvé ǀ áhnām ǀ sa-maryé ǀ ā́ ǀ vidáthe ǀ várdhamānaḥ ǀ
   punánti ǀ dhī́rāḥ ǀ apásaḥ ǀ manīṣā́ ǀ deva-yā́ḥ ǀ vípraḥ ǀ út ǀ iyarti ǀ vā́cam ǁ

   jātaḥ ǀ jāyate ǀ sudina-tve ǀ ahnām ǀ sa-marye ǀ ā ǀ vidathe ǀ vardhamānaḥ ǀ
   punanti ǀ dhīrāḥ ǀ apasaḥ ǀ manīṣā ǀ deva-yāḥ ǀ vipraḥ ǀ ut ǀ iyarti ǀ vācam ǁ

   3.8.5 Aṣṭaka 3.1.3.5Anuvāka 3.1.98Interpretations

6. Ṛk 6

   यान्वो॒ नरो॑ देव॒यंतो॑ निमि॒म्युर्वन॑स्पते॒ स्वधि॑तिर्वा त॒तक्ष॑ ।
   ते दे॒वासः॒ स्वर॑वस्तस्थि॒वांसः॑ प्र॒जाव॑द॒स्मे दि॑धिषंतु॒ रत्नं॑ ॥

   यान् वो नरो देवयन्तो निमिम्युर् वनस्पते स्वधितिर् वा ततक्ष |
   ते देवासः स्वरवस् तस्थिवांसः प्रजावद् अस्मे दिधिषन्तु रत्नम् ||

   yā́nvo náro devayánto nimimyúrvánaspate svádhitirvā tatákṣa ǀ
   té devā́saḥ sváravastasthivā́ṃsaḥ prajā́vadasmé didhiṣantu rátnam ǁ

   yān vo naro devayanto nimimyur vanaspate svadhitir vā tatakṣa |
   te devāsaḥ svaravas tasthivāṃsaḥ prajāvad asme didhiṣantu ratnam ||

   यान् । वः॒ । नरः॑ । दे॒व॒ऽयन्तः॑ । नि॒ऽमि॒म्युः । वन॑स्पते । स्वऽधि॑तिः । वा॒ । त॒तक्ष॑ ।
   ते । दे॒वासः॑ । स्वर॑वः । त॒स्थि॒ऽवांसः॑ । प्र॒जाऽव॑त् । अ॒स्मे इति॑ । दि॒धि॒ष॒न्तु॒ । रत्न॑म् ॥

   यान् । वः । नरः । देवऽयन्तः । निऽमिम्युः । वनस्पते । स्वऽधितिः । वा । ततक्ष ।
   ते । देवासः । स्वरवः । तस्थिऽवांसः । प्रजाऽवत् । अस्मे इति । दिधिषन्तु । रत्नम् ॥

   yā́n ǀ vaḥ ǀ náraḥ ǀ deva-yántaḥ ǀ ni-mimyúḥ ǀ vánaspate ǀ svá-dhitiḥ ǀ vā ǀ tatákṣa ǀ
   té ǀ devā́saḥ ǀ sváravaḥ ǀ tasthi-vā́ṃsaḥ ǀ prajā́-vat ǀ asmé íti ǀ didhiṣantu ǀ rátnam ǁ

   yān ǀ vaḥ ǀ naraḥ ǀ deva-yantaḥ ǀ ni-mimyuḥ ǀ vanaspate ǀ sva-dhitiḥ ǀ vā ǀ tatakṣa ǀ
   te ǀ devāsaḥ ǀ svaravaḥ ǀ tasthi-vāṃsaḥ ǀ prajā-vat ǀ asme iti ǀ didhiṣantu ǀ ratnam ǁ

   3.8.6 Aṣṭaka 3.1.4.1Anuvāka 3.1.99Interpretations

7. Ṛk 7

   ये वृ॒क्णासो॒ अधि॒ क्षमि॒ निमि॑तासो य॒तस्रु॑चः ।
   ते नो॑ व्यंतु॒ वार्यं॑ देव॒त्रा क्षे॑त्र॒साध॑सः ॥

   ये वृक्णासो अधि क्षमि निमितासो यतस्रुचः |
   ते नो व्यन्तु वार्यं देवत्रा क्षेत्रसाधसः ||

   yé vṛkṇā́so ádhi kṣámi nímitāso yatásrucaḥ ǀ
   té no vyantu vā́ryam devatrā́ kṣetrasā́dhasaḥ ǁ

   ye vṛkṇāso adhi kṣami nimitāso yatasrucaḥ |
   te no vyantu vāryaṃ devatrā kṣetrasādhasaḥ ||

   ये । वृ॒क्णासः॑ । अधि॑ । क्षमि॑ । निऽमि॑तासः । य॒तऽस्रु॑चः ।
   ते । नः॒ । व्य॒न्तु॒ । वार्य॑म् । दे॒व॒ऽत्रा । क्षे॒त्र॒ऽसाध॑सः ॥

   ये । वृक्णासः । अधि । क्षमि । निऽमितासः । यतऽस्रुचः ।
   ते । नः । व्यन्तु । वार्यम् । देवऽत्रा । क्षेत्रऽसाधसः ॥

   yé ǀ vṛkṇā́saḥ ǀ ádhi ǀ kṣámi ǀ ní-mitāsaḥ ǀ yatá-srucaḥ ǀ
   té ǀ naḥ ǀ vyantu ǀ vā́ryam ǀ deva-trā́ ǀ kṣetra-sā́dhasaḥ ǁ

   ye ǀ vṛkṇāsaḥ ǀ adhi ǀ kṣami ǀ ni-mitāsaḥ ǀ yata-srucaḥ ǀ
   te ǀ naḥ ǀ vyantu ǀ vāryam ǀ deva-trā ǀ kṣetra-sādhasaḥ ǁ

   3.8.7 Aṣṭaka 3.1.4.2Anuvāka 3.1.100Interpretations

8. Ṛk 8

   आ॒दि॒त्या रु॒द्रा वस॑वः सुनी॒था द्यावा॒क्षामा॑ पृथि॒वी अं॒तरि॑क्षं ।
   स॒जोष॑सो य॒ज्ञम॑वंतु दे॒वा ऊ॒र्ध्वं कृ॑ण्वंत्वध्व॒रस्य॑ के॒तुं ॥

   आदित्या रुद्रा वसवः सुनीथा द्यावाक्षामा पृथिवी अन्तरिक्षम् |
   सजोषसो यज्ञम् अवन्तु देवा ऊर्ध्वं कृण्वन्त्व् अध्वरस्य केतुम् ||

   ādityā́ rudrā́ vásavaḥ sunīthā́ dyā́vākṣā́mā pṛthivī́ antárikṣam ǀ
   sajóṣaso yajñámavantu devā́ ūrdhvám kṛṇvantvadhvarásya ketúm ǁ

   ādityā rudrā vasavaḥ sunīthā dyāvākṣāmā pṛthivī antarikṣam |
   sajoṣaso yajñam avantu devā ūrdhvaṃ kṛṇvantv adhvarasya ketum ||

   आ॒दि॒त्याः । रु॒द्राः । वस॑वः । सु॒ऽनी॒थाः । द्यावा॒क्षामा॑ । पृ॒थि॒वी । अ॒न्तरि॑क्षम् ।
   स॒ऽजोष॑सः । य॒ज्ञम् । अ॒व॒न्तु॒ । दे॒वाः । ऊ॒र्ध्वम् । कृ॒ण्व॒न्तु॒ । अ॒ध्व॒रस्य॑ । के॒तुम् ॥

   आदित्याः । रुद्राः । वसवः । सुऽनीथाः । द्यावाक्षामा । पृथिवी । अन्तरिक्षम् ।
   सऽजोषसः । यज्ञम् । अवन्तु । देवाः । ऊर्ध्वम् । कृण्वन्तु । अध्वरस्य । केतुम् ॥

   ādityā́ḥ ǀ rudrā́ḥ ǀ vásavaḥ ǀ su-nīthā́ḥ ǀ dyā́vākṣā́mā ǀ pṛthivī́ ǀ antárikṣam ǀ
   sa-jóṣasaḥ ǀ yajñám ǀ avantu ǀ devā́ḥ ǀ ūrdhvám ǀ kṛṇvantu ǀ adhvarásya ǀ ketúm ǁ

   ādityāḥ ǀ rudrāḥ ǀ vasavaḥ ǀ su-nīthāḥ ǀ dyāvākṣāmā ǀ pṛthivī ǀ antarikṣam ǀ
   sa-joṣasaḥ ǀ yajñam ǀ avantu ǀ devāḥ ǀ ūrdhvam ǀ kṛṇvantu ǀ adhvarasya ǀ ketum ǁ

   3.8.8 Aṣṭaka 3.1.4.3Anuvāka 3.1.101Interpretations

9. Ṛk 9

   हं॒सा इ॑व श्रेणि॒शो यता॑नाः शु॒क्रा वसा॑नाः॒ स्वर॑वो न॒ आगुः॑ ।
   उ॒न्नी॒यमा॑नाः क॒विभिः॑ पु॒रस्ता॑द्दे॒वा दे॒वाना॒मपि॑ यंति॒ पाथः॑ ॥

   हंसा इव श्रेणिशो यतानाः शुक्रा वसानाः स्वरवो न आगुः |
   उन्नीयमानाः कविभिः पुरस्ताद् देवा देवानाम् अपि यन्ति पाथः ||

   haṃsā́ iva śreṇiśó yátānāḥ śukrā́ vásānāḥ sváravo na ā́guḥ ǀ
   unnīyámānāḥ kavíbhiḥ purástāddevā́ devā́nāmápi yanti pā́thaḥ ǁ

   haṃsā iva śreṇiśo yatānāḥ śukrā vasānāḥ svaravo na āguḥ |
   unnīyamānāḥ kavibhiḥ purastād devā devānām api yanti pāthaḥ ||

   हं॒साःऽइ॑व । श्रे॒णि॒ऽशः । यता॑नाः । शु॒क्रा । वसा॑नाः । स्वर॑वः । नः॒ । आ । अ॒गुः॒ ।
   उ॒त्ऽनी॒यमा॑नाः । क॒विऽभिः॑ । पु॒रस्ता॑त् । दे॒वाः । दे॒वाना॑म् । अपि॑ । य॒न्ति॒ । पाथः॑ ॥

   हंसाःऽइव । श्रेणिऽशः । यतानाः । शुक्रा । वसानाः । स्वरवः । नः । आ । अगुः ।
   उत्ऽनीयमानाः । कविऽभिः । पुरस्तात् । देवाः । देवानाम् । अपि । यन्ति । पाथः ॥

   haṃsā́ḥ-iva ǀ śreṇi-śáḥ ǀ yátānāḥ ǀ śukrā́ ǀ vásānāḥ ǀ sváravaḥ ǀ naḥ ǀ ā́ ǀ aguḥ ǀ
   ut-nīyámānāḥ ǀ kaví-bhiḥ ǀ purástāt ǀ devā́ḥ ǀ devā́nām ǀ ápi ǀ yanti ǀ pā́thaḥ ǁ

   haṃsāḥ-iva ǀ śreṇi-śaḥ ǀ yatānāḥ ǀ śukrā ǀ vasānāḥ ǀ svaravaḥ ǀ naḥ ǀ ā ǀ aguḥ ǀ
   ut-nīyamānāḥ ǀ kavi-bhiḥ ǀ purastāt ǀ devāḥ ǀ devānām ǀ api ǀ yanti ǀ pāthaḥ ǁ

   3.8.9 Aṣṭaka 3.1.4.4Anuvāka 3.1.102Interpretations

10. Ṛk 10

    शृंगा॑णी॒वेच्छृं॒गिणां॒ सं द॑दृश्रे च॒षाल॑वंतः॒ स्वर॑वः पृथि॒व्यां ।
    वा॒घद्भि॑र्वा विह॒वे श्रोष॑माणा अ॒स्माँ अ॑वंतु पृत॒नाज्ये॑षु ॥

    शृङ्गाणीवेच् छृङ्गिणां सं ददृश्रे चषालवन्तः स्वरवः पृथिव्याम् |
    वाघद्भिर् वा विहवे श्रोषमाणा अस्मां अवन्तु पृतनाज्येषु ||

    śṛ́ṅgāṇīvécchṛṅgíṇām sám dadṛśre caṣā́lavantaḥ sváravaḥ pṛthivyā́m ǀ
    vāghádbhirvā vihavé śróṣamāṇā asmā́m̐ avantu pṛtanā́jyeṣu ǁ

    śṛṅgāṇīvec chṛṅgiṇāṃ saṃ dadṛśre caṣālavantaḥ svaravaḥ pṛthivyām |
    vāghadbhir vā vihave śroṣamāṇā asmāṃ avantu pṛtanājyeṣu ||

    शृङ्गा॑णिऽइव । इत् । शृ॒ङ्गिणा॑म् । सम् । द॒दृ॒श्रे॒ । च॒षाल॑ऽवन्तः । स्वर॑वः । पृ॒थि॒व्याम् ।
    वा॒घत्ऽभिः॑ । वा॒ । वि॒ऽह॒वे । श्रोष॑माणाः । अ॒स्मान् । अ॒व॒न्तु॒ । पृ॒त॒नाज्ये॑षु ॥

    शृङ्गाणिऽइव । इत् । शृङ्गिणाम् । सम् । ददृश्रे । चषालऽवन्तः । स्वरवः । पृथिव्याम् ।
    वाघत्ऽभिः । वा । विऽहवे । श्रोषमाणाः । अस्मान् । अवन्तु । पृतनाज्येषु ॥

    śṛ́ṅgāṇi-iva ǀ ít ǀ śṛṅgíṇām ǀ sám ǀ dadṛśre ǀ caṣā́la-vantaḥ ǀ sváravaḥ ǀ pṛthivyā́m ǀ
    vāghát-bhiḥ ǀ vā ǀ vi-havé ǀ śróṣamāṇāḥ ǀ asmā́n ǀ avantu ǀ pṛtanā́jyeṣu ǁ

    śṛṅgāṇi-iva ǀ it ǀ śṛṅgiṇām ǀ sam ǀ dadṛśre ǀ caṣāla-vantaḥ ǀ svaravaḥ ǀ pṛthivyām ǀ
    vāghat-bhiḥ ǀ vā ǀ vi-have ǀ śroṣamāṇāḥ ǀ asmān ǀ avantu ǀ pṛtanājyeṣu ǁ

    3.8.10 Aṣṭaka 3.1.4.5Anuvāka 3.1.103Interpretations

11. Ṛk 11

    वन॑स्पते श॒तव॑ल्शो॒ वि रो॑ह स॒हस्र॑वल्शा॒ वि व॒यं रु॑हेम ।
    यं त्वाम॒यं स्वधि॑ति॒स्तेज॑मानः प्रणि॒नाय॑ मह॒ते सौभ॑गाय ॥

    वनस्पते शतवल्शो वि रोह सहस्रवल्शा वि वयं रुहेम |
    यं त्वाम् अयं स्वधितिस् तेजमानः प्रणिनाय महते सौभगाय ||

    vánaspate śatávalśo ví roha sahásravalśā ví vayám ruhema ǀ
    yám tvā́mayám svádhitistéjamānaḥ praṇinā́ya mahaté sáubhagāya ǁ

    vanaspate śatavalśo vi roha sahasravalśā vi vayaṃ ruhema |
    yaṃ tvām ayaṃ svadhitis tejamānaḥ praṇināya mahate saubhagāya ||

    वन॑स्पते । श॒तऽव॑ल्शः । वि । रो॒ह॒ । स॒हस्र॑ऽवल्शाः । वि । व॒यम् । रु॒हे॒म॒ ।
    यम् । त्वाम् । अ॒यम् । स्वऽधि॑तिः । तेज॑मानः । प्र॒ऽनि॒नाय॑ । म॒ह॒ते । सौभ॑गाय ॥

    वनस्पते । शतऽवल्शः । वि । रोह । सहस्रऽवल्शाः । वि । वयम् । रुहेम ।
    यम् । त्वाम् । अयम् । स्वऽधितिः । तेजमानः । प्रऽनिनाय । महते । सौभगाय ॥

    vánaspate ǀ śatá-valśaḥ ǀ ví ǀ roha ǀ sahásra-valśāḥ ǀ ví ǀ vayám ǀ ruhema ǀ
    yám ǀ tvā́m ǀ ayám ǀ svá-dhitiḥ ǀ téjamānaḥ ǀ pra-ninā́ya ǀ mahaté ǀ sáubhagāya ǁ

    vanaspate ǀ śata-valśaḥ ǀ vi ǀ roha ǀ sahasra-valśāḥ ǀ vi ǀ vayam ǀ ruhema ǀ
    yam ǀ tvām ǀ ayam ǀ sva-dhitiḥ ǀ tejamānaḥ ǀ pra-nināya ǀ mahate ǀ saubhagāya ǁ

    3.8.11 Aṣṭaka 3.1.4.6Anuvāka 3.1.104Interpretations

Text, recitation and interpretations from the Ṛgveda database of theveda.org.in.