स्ती॒र्णे ब॒र्हिषि॑ समिधा॒ने अ॒ग्ना ऊ॒र्ध्वो अ॑ध्व॒र्युर्जु॑जुषा॒णो अ॑स्थात् ।
पर्य॒ग्निः प॑शु॒पा न होता॑ त्रिवि॒ष्ट्ये॑ति प्र॒दिव॑ उरा॒णः ॥

स्तीर्णे बर्हिषि समिधाने अग्ना ऊर्ध्वो अध्वर्युर् जुजुषाणो अस्थात् |
पर्य् अग्निः पशुपा न होता त्रिविष्ट्य् एति प्रदिव उराणः ||

stīrṇé barhíṣi samidhāné agnā́ ūrdhvó adhvaryúrjujuṣāṇó asthāt ǀ
páryagníḥ paśupā́ ná hótā triviṣṭyéti pradíva urāṇáḥ ǁ

stīrṇe barhiṣi samidhāne agnā ūrdhvo adhvaryur jujuṣāṇo asthāt |
pary agniḥ paśupā na hotā triviṣṭy eti pradiva urāṇaḥ ||

स्ती॒र्णे । ब॒र्हिषि॑ । स॒म्ऽइ॒धा॒ने । अ॒ग्नौ । ऊ॒र्ध्वः । अ॒ध्व॒र्युः । जु॒जु॒षा॒णः । अ॒स्था॒त् ।
परि॑ । अ॒ग्निः । प॒शु॒ऽपाः । न । होता॑ । त्रि॒ऽवि॒ष्टि । ए॒ति॒ । प्र॒ऽदिवः॑ । उ॒रा॒णः ॥

स्तीर्णे । बर्हिषि । सम्ऽइधाने । अग्नौ । ऊर्ध्वः । अध्वर्युः । जुजुषाणः । अस्थात् ।
परि । अग्निः । पशुऽपाः । न । होता । त्रिऽविष्टि । एति । प्रऽदिवः । उराणः ॥

stīrṇé ǀ barhíṣi ǀ sam-idhāné ǀ agnáu ǀ ūrdhváḥ ǀ adhvaryúḥ ǀ jujuṣāṇáḥ ǀ asthāt ǀ
pári ǀ agníḥ ǀ paśu-pā́ḥ ǀ ná ǀ hótā ǀ tri-viṣṭí ǀ eti ǀ pra-dívaḥ ǀ urāṇáḥ ǁ

stīrṇe ǀ barhiṣi ǀ sam-idhāne ǀ agnau ǀ ūrdhvaḥ ǀ adhvaryuḥ ǀ jujuṣāṇaḥ ǀ asthāt ǀ
pari ǀ agniḥ ǀ paśu-pāḥ ǀ na ǀ hotā ǀ tri-viṣṭi ǀ eti ǀ pra-divaḥ ǀ urāṇaḥ ǁ