Devatā देवता

Indra

Ṛṣi ऋषि

Vāmadeva Gautama

Chandas छन्दस्

Triṣṭubh, Ekapadā Virāj

1. Ṛk 1

   त्वं म॒हाँ इं॑द्र॒ तुभ्यं॑ ह॒ क्षा अनु॑ क्ष॒त्रं मं॒हना॑ मन्यत॒ द्यौः ।
   त्वं वृ॒त्रं शव॑सा जघ॒न्वान्त्सृ॒जः सिंधूँ॒रहि॑ना जग्रसा॒नान् ॥

   त्वम् महां इन्द्र तुभ्यं ह क्षा अनु क्षत्रम् मंहना मन्यत द्यौः |
   त्वं वृत्रं शवसा जघन्वान् सृजः सिन्धूंर् अहिना जग्रसानान् ||

   tvám mahā́m̐ indra túbhyam ha kṣā́ ánu kṣatrám maṃhánā manyata dyáuḥ ǀ
   tvám vṛtrám śávasā jaghanvā́ntsṛjáḥ síndhūm̐ráhinā jagrasānā́n ǁ

   tvam mahāṃ indra tubhyaṃ ha kṣā anu kṣatram maṃhanā manyata dyauḥ |
   tvaṃ vṛtraṃ śavasā jaghanvān sṛjaḥ sindhūṃr ahinā jagrasānān ||

   त्वम् । म॒हान् । इ॒न्द्र॒ । तुभ्य॑म् । ह॒ । क्षाः । अनु॑ । क्ष॒त्रम् । मं॒हना॑ । म॒न्य॒त॒ । द्यौः ।
   त्वम् । वृ॒त्रम् । शव॑सा । ज॒घ॒न्वान् । सृ॒जः । सिन्धू॑न् । अहि॑ना । ज॒ग्र॒सा॒नान् ॥

   त्वम् । महान् । इन्द्र । तुभ्यम् । ह । क्षाः । अनु । क्षत्रम् । मंहना । मन्यत । द्यौः ।
   त्वम् । वृत्रम् । शवसा । जघन्वान् । सृजः । सिन्धून् । अहिना । जग्रसानान् ॥

   tvám ǀ mahā́n ǀ indra ǀ túbhyam ǀ ha ǀ kṣā́ḥ ǀ ánu ǀ kṣatrám ǀ maṃhánā ǀ manyata ǀ dyáuḥ ǀ
   tvám ǀ vṛtrám ǀ śávasā ǀ jaghanvā́n ǀ sṛjáḥ ǀ síndhūn ǀ áhinā ǀ jagrasānā́n ǁ

   tvam ǀ mahān ǀ indra ǀ tubhyam ǀ ha ǀ kṣāḥ ǀ anu ǀ kṣatram ǀ maṃhanā ǀ manyata ǀ dyauḥ ǀ
   tvam ǀ vṛtram ǀ śavasā ǀ jaghanvān ǀ sṛjaḥ ǀ sindhūn ǀ ahinā ǀ jagrasānān ǁ

   4.17.1 Aṣṭaka 3.5.21.1Anuvāka 4.2.54Interpretations

2. Ṛk 2

   तव॑ त्वि॒षो जनि॑मन्रेजत॒ द्यौ रेज॒द्भूमि॑र्भि॒यसा॒ स्वस्य॑ म॒न्योः ।
   ऋ॒घा॒यंत॑ सु॒भ्वः१॒॑ पर्व॑तास॒ आर्दं॒धन्वा॑नि स॒रयं॑त॒ आपः॑ ॥

   तव त्विषो जनिमन् रेजत द्यौ रेजद् भूमिर् भियसा स्वस्य मन्योः |
   ऋघायन्त सुभ्वः पर्वतास आर्दन् धन्वानि सरयन्त आपः ||

   táva tviṣó jánimanrejata dyáu réjadbhū́mirbhiyásā svásya manyóḥ ǀ
   ṛghāyánta subhváḥ párvatāsa ā́rdandhánvāni saráyanta ā́paḥ ǁ

   tava tviṣo janiman rejata dyau rejad bhūmir bhiyasā svasya manyoḥ |
   ṛghāyanta subhvaḥ parvatāsa ārdan dhanvāni sarayanta āpaḥ ||

   तव॑ । त्वि॒षः । जनि॑मन् । रे॒ज॒त॒ । द्यौः । रेज॑त् । भूमिः॑ । भि॒यसा॑ । स्वस्य॑ । म॒न्योः ।
   ऋ॒घा॒यन्त॑ । सु॒ऽभ्वः॑ । पर्व॑तासः । आर्द॑न् । धन्वा॑नि । स॒रय॑न्ते । आपः॑ ॥

   तव । त्विषः । जनिमन् । रेजत । द्यौः । रेजत् । भूमिः । भियसा । स्वस्य । मन्योः ।
   ऋघायन्त । सुऽभ्वः । पर्वतासः । आर्दन् । धन्वानि । सरयन्ते । आपः ॥

   táva ǀ tviṣáḥ ǀ jániman ǀ rejata ǀ dyáuḥ ǀ réjat ǀ bhū́miḥ ǀ bhiyásā ǀ svásya ǀ manyóḥ ǀ
   ṛghāyánta ǀ su-bhváḥ ǀ párvatāsaḥ ǀ ā́rdan ǀ dhánvāni ǀ saráyante ǀ ā́paḥ ǁ

   tava ǀ tviṣaḥ ǀ janiman ǀ rejata ǀ dyauḥ ǀ rejat ǀ bhūmiḥ ǀ bhiyasā ǀ svasya ǀ manyoḥ ǀ
   ṛghāyanta ǀ su-bhvaḥ ǀ parvatāsaḥ ǀ ārdan ǀ dhanvāni ǀ sarayante ǀ āpaḥ ǁ

   4.17.2 Aṣṭaka 3.5.21.2Anuvāka 4.2.55Interpretations

3. Ṛk 3

   भि॒नद्गि॒रिं शव॑सा॒ वज्र॑मि॒ष्णन्ना॑विष्कृण्वा॒नः स॑हसा॒न ओजः॑ ।
   वधी॑द्वृ॒त्रं वज्रे॑ण मंदसा॒नः सर॒न्नापो॒ जव॑सा ह॒तवृ॑ष्णीः ॥

   भिनद् गिरिं शवसा वज्रम् इष्णन्न् आविष्कृण्वानः सहसान ओजः |
   वधीद् वृत्रं वज्रेण मन्दसानः सरन्न् आपो जवसा हतवृष्णीः ||

   bhinádgirím śávasā vájramiṣṇánnāviṣkṛṇvānáḥ sahasāná ójaḥ ǀ
   vádhīdvṛtrám vájreṇa mandasānáḥ sárannā́po jávasā hatávṛṣṇīḥ ǁ

   bhinad giriṃ śavasā vajram iṣṇann āviṣkṛṇvānaḥ sahasāna ojaḥ |
   vadhīd vṛtraṃ vajreṇa mandasānaḥ sarann āpo javasā hatavṛṣṇīḥ ||

   भि॒नत् । गि॒रिम् । शव॑सा । वज्र॑म् । इ॒ष्णन् । आ॒विः॒ऽकृ॒ण्वा॒नः । स॒ह॒सा॒नः । ओजः॑ ।
   वधी॑त् । वृ॒त्रम् । वज्रे॑ण । म॒न्द॒सा॒नः । सर॑न् । आपः॑ । जव॑सा । ह॒तऽवृ॑ष्णीः ॥

   भिनत् । गिरिम् । शवसा । वज्रम् । इष्णन् । आविःऽकृण्वानः । सहसानः । ओजः ।
   वधीत् । वृत्रम् । वज्रेण । मन्दसानः । सरन् । आपः । जवसा । हतऽवृष्णीः ॥

   bhinát ǀ girím ǀ śávasā ǀ vájram ǀ iṣṇán ǀ āviḥ-kṛṇvānáḥ ǀ sahasānáḥ ǀ ójaḥ ǀ
   vádhīt ǀ vṛtrám ǀ vájreṇa ǀ mandasānáḥ ǀ sáran ǀ ā́paḥ ǀ jávasā ǀ hatá-vṛṣṇīḥ ǁ

   bhinat ǀ girim ǀ śavasā ǀ vajram ǀ iṣṇan ǀ āviḥ-kṛṇvānaḥ ǀ sahasānaḥ ǀ ojaḥ ǀ
   vadhīt ǀ vṛtram ǀ vajreṇa ǀ mandasānaḥ ǀ saran ǀ āpaḥ ǀ javasā ǀ hata-vṛṣṇīḥ ǁ

   4.17.3 Aṣṭaka 3.5.21.3Anuvāka 4.2.56Interpretations

4. Ṛk 4

   सु॒वीर॑स्ते जनि॒ता म॑न्यत॒ द्यौरिंद्र॑स्य क॒र्ता स्वप॑स्तमो भूत् ।
   य ईं॑ ज॒जान॑ स्व॒र्यं॑ सु॒वज्र॒मन॑पच्युतं॒ सद॑सो॒ न भूम॑ ॥

   सुवीरस् ते जनिता मन्यत द्यौर् इन्द्रस्य कर्ता स्वपस्तमो भूत् |
   य ईं जजान स्वर्यं सुवज्रम् अनपच्युतं सदसो न भूम ||

   suvī́raste janitā́ manyata dyáuríndrasya kartā́ svápastamo bhūt ǀ
   yá īm jajā́na svaryám suvájramánapacyutam sádaso ná bhū́ma ǁ

   suvīras te janitā manyata dyaur indrasya kartā svapastamo bhūt |
   ya īṃ jajāna svaryaṃ suvajram anapacyutaṃ sadaso na bhūma ||

   सु॒ऽवीरः॑ । ते॒ । ज॒नि॒ता । म॒न्य॒त॒ । द्यौः । इन्द्र॑स्य । क॒र्ता । स्वपः॑ऽतमः । भू॒त् ।
   यः । ई॒म् । ज॒जान॑ । स्व॒र्य॑म् । सु॒ऽवज्र॑म् । अन॑पऽच्युतम् । सद॑सः । न । भूम॑ ॥

   सुऽवीरः । ते । जनिता । मन्यत । द्यौः । इन्द्रस्य । कर्ता । स्वपःऽतमः । भूत् ।
   यः । ईम् । जजान । स्वर्यम् । सुऽवज्रम् । अनपऽच्युतम् । सदसः । न । भूम ॥

   su-vī́raḥ ǀ te ǀ janitā́ ǀ manyata ǀ dyáuḥ ǀ índrasya ǀ kartā́ ǀ svápaḥ-tamaḥ ǀ bhūt ǀ
   yáḥ ǀ īm ǀ jajā́na ǀ svaryám ǀ su-vájram ǀ ánapa-cyutam ǀ sádasaḥ ǀ ná ǀ bhū́ma ǁ

   su-vīraḥ ǀ te ǀ janitā ǀ manyata ǀ dyauḥ ǀ indrasya ǀ kartā ǀ svapaḥ-tamaḥ ǀ bhūt ǀ
   yaḥ ǀ īm ǀ jajāna ǀ svaryam ǀ su-vajram ǀ anapa-cyutam ǀ sadasaḥ ǀ na ǀ bhūma ǁ

   4.17.4 Aṣṭaka 3.5.21.4Anuvāka 4.2.57Interpretations

5. Ṛk 5

   य एक॑ इच्च्या॒वय॑ति॒ प्र भूमा॒ राजा॑ कृष्टी॒नां पु॑रुहू॒त इंद्रः॑ ।
   स॒त्यमे॑न॒मनु॒ विश्वे॑ मदंति रा॒तिं दे॒वस्य॑ गृण॒तो म॒घोनः॑ ॥

   य एक इच् च्यावयति प्र भूमा राजा कृष्टीनाम् पुरुहूत इन्द्रः |
   सत्यम् एनम् अनु विश्वे मदन्ति रातिं देवस्य गृणतो मघोनः ||

   yá éka iccyāváyati prá bhū́mā rā́jā kṛṣṭīnā́m puruhūtá índraḥ ǀ
   satyámenamánu víśve madanti rātím devásya gṛṇató maghónaḥ ǁ

   ya eka ic cyāvayati pra bhūmā rājā kṛṣṭīnām puruhūta indraḥ |
   satyam enam anu viśve madanti rātiṃ devasya gṛṇato maghonaḥ ||

   यः । एकः॑ । इत् । च्य॒वय॑ति । प्र । भूम॑ । राजा॑ । कृ॒ष्टी॒नाम् । पु॒रु॒ऽहू॒तः । इन्द्रः॑ ।
   स॒त्यम् । ए॒न॒म् । अनु॑ । विश्वे॑ । म॒द॒न्ति॒ । रा॒तिम् । दे॒वस्य॑ । गृ॒ण॒तः । म॒घोनः॑ ॥

   यः । एकः । इत् । च्यवयति । प्र । भूम । राजा । कृष्टीनाम् । पुरुऽहूतः । इन्द्रः ।
   सत्यम् । एनम् । अनु । विश्वे । मदन्ति । रातिम् । देवस्य । गृणतः । मघोनः ॥

   yáḥ ǀ ékaḥ ǀ ít ǀ cyaváyati ǀ prá ǀ bhū́ma ǀ rā́jā ǀ kṛṣṭīnā́m ǀ puru-hūtáḥ ǀ índraḥ ǀ
   satyám ǀ enam ǀ ánu ǀ víśve ǀ madanti ǀ rātím ǀ devásya ǀ gṛṇatáḥ ǀ maghónaḥ ǁ

   yaḥ ǀ ekaḥ ǀ it ǀ cyavayati ǀ pra ǀ bhūma ǀ rājā ǀ kṛṣṭīnām ǀ puru-hūtaḥ ǀ indraḥ ǀ
   satyam ǀ enam ǀ anu ǀ viśve ǀ madanti ǀ rātim ǀ devasya ǀ gṛṇataḥ ǀ maghonaḥ ǁ

   4.17.5 Aṣṭaka 3.5.21.5Anuvāka 4.2.58Interpretations

6. Ṛk 6

   स॒त्रा सोमा॑ अभवन्नस्य॒ विश्वे॑ स॒त्रा मदा॑सो बृह॒तो मदि॑ष्ठाः ।
   स॒त्राभ॑वो॒ वसु॑पति॒र्वसू॑नां॒ दत्रे॒ विश्वा॑ अधिथा इंद्र कृ॒ष्टीः ॥

   सत्रा सोमा अभवन्न् अस्य विश्वे सत्रा मदासो बृहतो मदिष्ठाः |
   सत्राभवो वसुपतिर् वसूनां दत्रे विश्वा अधिथा इन्द्र कृष्टीः ||

   satrā́ sómā abhavannasya víśve satrā́ mádāso bṛható mádiṣṭhāḥ ǀ
   satrā́bhavo vásupatirvásūnām dátre víśvā adhithā indra kṛṣṭī́ḥ ǁ

   satrā somā abhavann asya viśve satrā madāso bṛhato madiṣṭhāḥ |
   satrābhavo vasupatir vasūnāṃ datre viśvā adhithā indra kṛṣṭīḥ ||

   स॒त्रा । सोमाः॑ । अ॒भ॒व॒न् । अ॒स्य॒ । विश्वे॑ । स॒त्रा । मदा॑सः । बृ॒ह॒तः । मदि॑ष्ठाः ।
   स॒त्रा । अ॒भ॒वः॒ । वसु॑ऽपतिः । वसू॑नाम् । दत्रे॑ । विश्वाः॑ । अ॒धि॒थाः॒ । इ॒न्द्र॒ । कृ॒ष्टीः ॥

   सत्रा । सोमाः । अभवन् । अस्य । विश्वे । सत्रा । मदासः । बृहतः । मदिष्ठाः ।
   सत्रा । अभवः । वसुऽपतिः । वसूनाम् । दत्रे । विश्वाः । अधिथाः । इन्द्र । कृष्टीः ॥

   satrā́ ǀ sómāḥ ǀ abhavan ǀ asya ǀ víśve ǀ satrā́ ǀ mádāsaḥ ǀ bṛhatáḥ ǀ mádiṣṭhāḥ ǀ
   satrā́ ǀ abhavaḥ ǀ vásu-patiḥ ǀ vásūnām ǀ dátre ǀ víśvāḥ ǀ adhithāḥ ǀ indra ǀ kṛṣṭī́ḥ ǁ

   satrā ǀ somāḥ ǀ abhavan ǀ asya ǀ viśve ǀ satrā ǀ madāsaḥ ǀ bṛhataḥ ǀ madiṣṭhāḥ ǀ
   satrā ǀ abhavaḥ ǀ vasu-patiḥ ǀ vasūnām ǀ datre ǀ viśvāḥ ǀ adhithāḥ ǀ indra ǀ kṛṣṭīḥ ǁ

   4.17.6 Aṣṭaka 3.5.22.1Anuvāka 4.2.59Interpretations

7. Ṛk 7

   त्वमध॑ प्रथ॒मं जाय॑मा॒नोऽमे॒ विश्वा॑ अधिथा इंद्र कृ॒ष्टीः ।
   त्वं प्रति॑ प्र॒वत॑ आ॒शया॑न॒महिं॒ वज्रे॑ण मघव॒न्वि वृ॑श्चः ॥

   त्वम् अध प्रथमं जायमानो ऽमे विश्वा अधिथा इन्द्र कृष्टीः |
   त्वम् प्रति प्रवत आशयानम् अहिं वज्रेण मघवन् वि वृश्चः ||

   tvámádha prathamám jā́yamānó’me víśvā adhithā indra kṛṣṭī́ḥ ǀ
   tvám práti praváta āśáyānamáhim vájreṇa maghavanví vṛścaḥ ǁ

   tvam adha prathamaṃ jāyamāno 'me viśvā adhithā indra kṛṣṭīḥ |
   tvam prati pravata āśayānam ahiṃ vajreṇa maghavan vi vṛścaḥ ||

   त्वम् । अध॑ । प्र॒थ॒मम् । जाय॑मानः । अमे॑ । विश्वाः॑ । अ॒धि॒थाः॒ । इ॒न्द्र॒ । कृ॒ष्टीः ।
   त्वम् । प्रति॑ । प्र॒ऽवतः॑ । आ॒ऽशया॑नम् । अहि॑म् । वज्रे॑ण । म॒घ॒ऽव॒न् । वि । वृ॒श्चः॒ ॥

   त्वम् । अध । प्रथमम् । जायमानः । अमे । विश्वाः । अधिथाः । इन्द्र । कृष्टीः ।
   त्वम् । प्रति । प्रऽवतः । आऽशयानम् । अहिम् । वज्रेण । मघऽवन् । वि । वृश्चः ॥

   tvám ǀ ádha ǀ prathamám ǀ jā́yamānaḥ ǀ áme ǀ víśvāḥ ǀ adhithāḥ ǀ indra ǀ kṛṣṭī́ḥ ǀ
   tvám ǀ práti ǀ pra-vátaḥ ǀ ā-śáyānam ǀ áhim ǀ vájreṇa ǀ magha-van ǀ ví ǀ vṛścaḥ ǁ

   tvam ǀ adha ǀ prathamam ǀ jāyamānaḥ ǀ ame ǀ viśvāḥ ǀ adhithāḥ ǀ indra ǀ kṛṣṭīḥ ǀ
   tvam ǀ prati ǀ pra-vataḥ ǀ ā-śayānam ǀ ahim ǀ vajreṇa ǀ magha-van ǀ vi ǀ vṛścaḥ ǁ

   4.17.7 Aṣṭaka 3.5.22.2Anuvāka 4.2.60Interpretations

8. Ṛk 8

   स॒त्रा॒हणं॒ दाधृ॑षिं॒ तुम्र॒मिंद्रं॑ म॒हाम॑पा॒रं वृ॑ष॒भं सु॒वज्रं॑ ।
   हंता॒ यो वृ॒त्रं सनि॑तो॒त वाजं॒ दाता॑ म॒घानि॑ म॒घवा॑ सु॒राधाः॑ ॥

   सत्राहणं दाधृषिं तुम्रम् इन्द्रम् महाम् अपारं वृषभं सुवज्रम् |
   हन्ता यो वृत्रं सनितोत वाजं दाता मघानि मघवा सुराधाः ||

   satrāháṇam dā́dhṛṣim túmramíndram mahā́mapārám vṛṣabhám suvájram ǀ
   hántā yó vṛtrám sánitotá vā́jam dā́tā maghā́ni maghávā surā́dhāḥ ǁ

   satrāhaṇaṃ dādhṛṣiṃ tumram indram mahām apāraṃ vṛṣabhaṃ suvajram |
   hantā yo vṛtraṃ sanitota vājaṃ dātā maghāni maghavā surādhāḥ ||

   स॒त्रा॒ऽहन॑न् । दधृ॑षिम् । तुम्र॑म् । इन्द्र॑म् । म॒हाम् । अ॒पा॒रम् । वृ॒ष॒भम् । सु॒ऽवज्र॑म् ।
   हन्ता॑ । यः । वृ॒त्रम् । सनि॑ता । उ॒त । वाज॑म् । दाता॑ । म॒घानि॑ । म॒घऽवा॑ । सु॒ऽराधाः॑ ॥

   सत्राऽहनन् । दधृषिम् । तुम्रम् । इन्द्रम् । महाम् । अपारम् । वृषभम् । सुऽवज्रम् ।
   हन्ता । यः । वृत्रम् । सनिता । उत । वाजम् । दाता । मघानि । मघऽवा । सुऽराधाः ॥

   satrā-hánan ǀ dádhṛṣim ǀ túmram ǀ índram ǀ mahā́m ǀ apārám ǀ vṛṣabhám ǀ su-vájram ǀ
   hántā ǀ yáḥ ǀ vṛtrám ǀ sánitā ǀ utá ǀ vā́jam ǀ dā́tā ǀ maghā́ni ǀ maghá-vā ǀ su-rā́dhāḥ ǁ

   satrā-hanan ǀ dadhṛṣim ǀ tumram ǀ indram ǀ mahām ǀ apāram ǀ vṛṣabham ǀ su-vajram ǀ
   hantā ǀ yaḥ ǀ vṛtram ǀ sanitā ǀ uta ǀ vājam ǀ dātā ǀ maghāni ǀ magha-vā ǀ su-rādhāḥ ǁ

   4.17.8 Aṣṭaka 3.5.22.3Anuvāka 4.2.61Interpretations

9. Ṛk 9

   अ॒यं वृत॑श्चातयते समी॒चीर्य आ॒जिषु॑ म॒घवा॑ शृ॒ण्व एकः॑ ।
   अ॒यं वाजं॑ भरति॒ यं स॒नोत्य॒स्य प्रि॒यासः॑ स॒ख्ये स्या॑म ॥

   अयं वृतश् चातयते समीचीर् य आजिषु मघवा शृण्व एकः |
   अयं वाजम् भरति यं सनोत्य् अस्य प्रियासः सख्ये स्याम ||

   ayám vṛ́taścātayate samīcī́ryá ājíṣu maghávā śṛṇvá ékaḥ ǀ
   ayám vā́jam bharati yám sanótyasyá priyā́saḥ sakhyé syāma ǁ

   ayaṃ vṛtaś cātayate samīcīr ya ājiṣu maghavā śṛṇva ekaḥ |
   ayaṃ vājam bharati yaṃ sanoty asya priyāsaḥ sakhye syāma ||

   अ॒यम् । वृतः॑ । चा॒त॒य॒ते॒ । स॒म्ऽई॒चीः । यः । आ॒जिषु॑ । म॒घऽवा॑ । शृ॒ण्वे । एकः॑ ।
   अ॒यम् । वाज॑म् । भ॒र॒ति॒ । यम् । स॒नोति॑ । अ॒स्य । प्रि॒यासः॑ । स॒ख्ये । स्या॒म॒ ॥

   अयम् । वृतः । चातयते । सम्ऽईचीः । यः । आजिषु । मघऽवा । शृण्वे । एकः ।
   अयम् । वाजम् । भरति । यम् । सनोति । अस्य । प्रियासः । सख्ये । स्याम ॥

   ayám ǀ vṛ́taḥ ǀ cātayate ǀ sam-īcī́ḥ ǀ yáḥ ǀ ājíṣu ǀ maghá-vā ǀ śṛṇvé ǀ ékaḥ ǀ
   ayám ǀ vā́jam ǀ bharati ǀ yám ǀ sanóti ǀ asyá ǀ priyā́saḥ ǀ sakhyé ǀ syāma ǁ

   ayam ǀ vṛtaḥ ǀ cātayate ǀ sam-īcīḥ ǀ yaḥ ǀ ājiṣu ǀ magha-vā ǀ śṛṇve ǀ ekaḥ ǀ
   ayam ǀ vājam ǀ bharati ǀ yam ǀ sanoti ǀ asya ǀ priyāsaḥ ǀ sakhye ǀ syāma ǁ

   4.17.9 Aṣṭaka 3.5.22.4Anuvāka 4.2.62Interpretations

10. Ṛk 10

    अ॒यं शृ॑ण्वे॒ अध॒ जय॑न्नु॒त घ्नन्न॒यमु॒त प्र कृ॑णुते यु॒धा गाः ।
    य॒दा स॒त्यं कृ॑णु॒ते म॒न्युमिंद्रो॒ विश्वं॑ दृ॒ळ्हं भ॑यत॒ एज॑दस्मात् ॥

    अयं शृण्वे अध जयन्न् उत घ्नन्न् अयम् उत प्र कृणुते युधा गाः |
    यदा सत्यं कृणुते मन्युम् इन्द्रो विश्वं दृऌहम् भयत एजद् अस्मात् ||

    ayám śṛṇve ádha jáyannutá ghnánnayámutá prá kṛṇute yudhā́ gā́ḥ ǀ
    yadā́ satyám kṛṇuté manyúmíndro víśvam dṛḷhám bhayata éjadasmāt ǁ

    ayaṃ śṛṇve adha jayann uta ghnann ayam uta pra kṛṇute yudhā gāḥ |
    yadā satyaṃ kṛṇute manyum indro viśvaṃ dṛḷham bhayata ejad asmāt ||

    अ॒यम् । शृ॒ण्वे॒ । अध॑ । जय॑न् । उ॒त । घ्नन् । अ॒यम् । उ॒त । प्र । कृ॒णु॒ते॒ । यु॒धा । गाः ।
    य॒दा । स॒त्यम् । कृ॒णु॒ते । म॒न्युम् । इन्द्रः॑ । विश्व॑म् । दृ॒ळ्हम् । भ॒य॒ते॒ । एज॑त् । अ॒स्मा॒त् ॥

    अयम् । शृण्वे । अध । जयन् । उत । घ्नन् । अयम् । उत । प्र । कृणुते । युधा । गाः ।
    यदा । सत्यम् । कृणुते । मन्युम् । इन्द्रः । विश्वम् । दृळ्हम् । भयते । एजत् । अस्मात् ॥

    ayám ǀ śṛṇve ǀ ádha ǀ jáyan ǀ utá ǀ ghnán ǀ ayám ǀ utá ǀ prá ǀ kṛṇute ǀ yudhā́ ǀ gā́ḥ ǀ
    yadā́ ǀ satyám ǀ kṛṇuté ǀ manyúm ǀ índraḥ ǀ víśvam ǀ dṛḷhám ǀ bhayate ǀ éjat ǀ asmāt ǁ

    ayam ǀ śṛṇve ǀ adha ǀ jayan ǀ uta ǀ ghnan ǀ ayam ǀ uta ǀ pra ǀ kṛṇute ǀ yudhā ǀ gāḥ ǀ
    yadā ǀ satyam ǀ kṛṇute ǀ manyum ǀ indraḥ ǀ viśvam ǀ dṛḷham ǀ bhayate ǀ ejat ǀ asmāt ǁ

    4.17.10 Aṣṭaka 3.5.22.5Anuvāka 4.2.63Interpretations

11. Ṛk 11

    समिंद्रो॒ गा अ॑जय॒त्सं हिर॑ण्या॒ सम॑श्वि॒या म॒घवा॒ यो ह॑ पू॒र्वीः ।
    ए॒भिर्नृभि॒र्नृत॑मो अस्य शा॒कै रा॒यो वि॑भ॒क्ता सं॑भ॒रश्च॒ वस्वः॑ ॥

    सम् इन्द्रो गा अजयत् सं हिरण्या सम् अश्विया मघवा यो ह पूर्वीः |
    एभिर् नृभिर् नृतमो अस्य शाकै रायो विभक्ता सम्भरश् च वस्वः ||

    sámíndro gā́ ajayatsám híraṇyā sámaśviyā́ maghávā yó ha pūrvī́ḥ ǀ
    ebhírnṛ́bhirnṛ́tamo asya śākái rāyó vibhaktā́ sambharáśca vásvaḥ ǁ

    sam indro gā ajayat saṃ hiraṇyā sam aśviyā maghavā yo ha pūrvīḥ |
    ebhir nṛbhir nṛtamo asya śākai rāyo vibhaktā sambharaś ca vasvaḥ ||

    सम् । इन्द्रः॑ । गाः । अ॒ज॒य॒त् । सम् । हिर॑ण्या । सम् । अ॒श्वि॒या । म॒घऽवा॑ । यः । ह॒ । पू॒र्वीः ।
    ए॒भिः । नृऽभिः॑ । नृऽत॑मः । अ॒स्य॒ । शा॒कैः । रा॒यः । वि॒ऽभ॒क्ता । स॒म्ऽभ॒रः । च॒ । वस्वः॑ ॥

    सम् । इन्द्रः । गाः । अजयत् । सम् । हिरण्या । सम् । अश्विया । मघऽवा । यः । ह । पूर्वीः ।
    एभिः । नृऽभिः । नृऽतमः । अस्य । शाकैः । रायः । विऽभक्ता । सम्ऽभरः । च । वस्वः ॥

    sám ǀ índraḥ ǀ gā́ḥ ǀ ajayat ǀ sám ǀ híraṇyā ǀ sám ǀ aśviyā́ ǀ maghá-vā ǀ yáḥ ǀ ha ǀ pūrvī́ḥ ǀ
    ebhíḥ ǀ nṛ́-bhiḥ ǀ nṛ́-tamaḥ ǀ asya ǀ śākáiḥ ǀ rāyáḥ ǀ vi-bhaktā́ ǀ sam-bharáḥ ǀ ca ǀ vásvaḥ ǁ

    sam ǀ indraḥ ǀ gāḥ ǀ ajayat ǀ sam ǀ hiraṇyā ǀ sam ǀ aśviyā ǀ magha-vā ǀ yaḥ ǀ ha ǀ pūrvīḥ ǀ
    ebhiḥ ǀ nṛ-bhiḥ ǀ nṛ-tamaḥ ǀ asya ǀ śākaiḥ ǀ rāyaḥ ǀ vi-bhaktā ǀ sam-bharaḥ ǀ ca ǀ vasvaḥ ǁ

    4.17.11 Aṣṭaka 3.5.23.1Anuvāka 4.2.64Interpretations

12. Ṛk 12

    किय॑त्स्वि॒दिंद्रो॒ अध्ये॑ति मा॒तुः किय॑त्पि॒तुर्ज॑नि॒तुर्यो ज॒जान॑ ।
    यो अ॑स्य॒ शुष्मं॑ मुहु॒कैरिय॑र्ति॒ वातो॒ न जू॒तः स्त॒नय॑द्भिर॒भ्रैः ॥

    कियत् स्विद् इन्द्रो अध्य् एति मातुः कियत् पितुर् जनितुर् यो जजान |
    यो अस्य शुष्मम् मुहुकैर् इयर्ति वातो न जूत स्तनयद्भिर् अभ्रैः ||

    kíyatsvidíndro ádhyeti mātúḥ kíyatpitúrjanitúryó jajā́na ǀ
    yó asya śúṣmam muhukáiríyarti vā́to ná jūtáḥ stanáyadbhirabhráiḥ ǁ

    kiyat svid indro adhy eti mātuḥ kiyat pitur janitur yo jajāna |
    yo asya śuṣmam muhukair iyarti vāto na jūta stanayadbhir abhraiḥ ||

    किय॑त् । स्वि॒त् । इन्द्रः॑ । अधि॑ । ए॒ति॒ । मा॒तुः । किय॑त् । पि॒तुः । ज॒नि॒तुः । यः । ज॒जान॑ ।
    यः । अ॒स्य॒ । शुष्म॑म् । मु॒हु॒कैः । इय॑र्ति । वातः॑ । न । जू॒तः । स्त॒नय॑त्ऽभिः । अ॒भ्रैः ॥

    कियत् । स्वित् । इन्द्रः । अधि । एति । मातुः । कियत् । पितुः । जनितुः । यः । जजान ।
    यः । अस्य । शुष्मम् । मुहुकैः । इयर्ति । वातः । न । जूतः । स्तनयत्ऽभिः । अभ्रैः ॥

    kíyat ǀ svit ǀ índraḥ ǀ ádhi ǀ eti ǀ mātúḥ ǀ kíyat ǀ pitúḥ ǀ janitúḥ ǀ yáḥ ǀ jajā́na ǀ
    yáḥ ǀ asya ǀ śúṣmam ǀ muhukáiḥ ǀ íyarti ǀ vā́taḥ ǀ ná ǀ jūtáḥ ǀ stanáyat-bhiḥ ǀ abhráiḥ ǁ

    kiyat ǀ svit ǀ indraḥ ǀ adhi ǀ eti ǀ mātuḥ ǀ kiyat ǀ pituḥ ǀ janituḥ ǀ yaḥ ǀ jajāna ǀ
    yaḥ ǀ asya ǀ śuṣmam ǀ muhukaiḥ ǀ iyarti ǀ vātaḥ ǀ na ǀ jūtaḥ ǀ stanayat-bhiḥ ǀ abhraiḥ ǁ

    4.17.12 Aṣṭaka 3.5.23.2Anuvāka 4.2.65Interpretations

13. Ṛk 13

    क्षि॒यंतं॑ त्व॒मक्षि॑यंतं कृणो॒तीय॑र्ति रे॒णुं म॒घवा॑ स॒मोहं॑ ।
    वि॒भं॒ज॒नुर॒शनि॑माँ इव॒ द्यौरु॒त स्तो॒तारं॑ म॒घवा॒ वसौ॑ धात् ॥

    क्षियन्तं त्वम् अक्षियन्तं कृणोतीयर्ति रेणुम् मघवा समोहम् |
    विभञ्जनुर् अशनिमां इव द्यौर् उत स्तोतारम् मघवा वसौ धात् ||

    kṣiyántam tvamákṣiyantam kṛṇotī́yarti reṇúm maghávā samóham ǀ
    vibhañjanúraśánimām̐ iva dyáurutá stotā́ram maghávā vásau dhāt ǁ

    kṣiyantaṃ tvam akṣiyantaṃ kṛṇotīyarti reṇum maghavā samoham |
    vibhañjanur aśanimāṃ iva dyaur uta stotāram maghavā vasau dhāt ||

    क्षि॒यन्त॑म् । त्व॒म् । अक्षि॑यन्तम् । कृ॒णो॒ति॒ । इय॑र्ति । रे॒णुम् । म॒घऽवा॑ । स॒म्ऽओह॑म् ।
    वि॒ऽभ॒ञ्ज॒नुः । अ॒शनि॑मान्ऽइव । द्यौः । उ॒त । स्तो॒तार॑म् । म॒घऽवा॑ । वसौ॑ । धा॒त् ॥

    क्षियन्तम् । त्वम् । अक्षियन्तम् । कृणोति । इयर्ति । रेणुम् । मघऽवा । सम्ऽओहम् ।
    विऽभञ्जनुः । अशनिमान्ऽइव । द्यौः । उत । स्तोतारम् । मघऽवा । वसौ । धात् ॥

    kṣiyántam ǀ tvam ǀ ákṣiyantam ǀ kṛṇoti ǀ íyarti ǀ reṇúm ǀ maghá-vā ǀ sam-óham ǀ
    vi-bhañjanúḥ ǀ aśánimān-iva ǀ dyáuḥ ǀ utá ǀ stotā́ram ǀ maghá-vā ǀ vásau ǀ dhāt ǁ

    kṣiyantam ǀ tvam ǀ akṣiyantam ǀ kṛṇoti ǀ iyarti ǀ reṇum ǀ magha-vā ǀ sam-oham ǀ
    vi-bhañjanuḥ ǀ aśanimān-iva ǀ dyauḥ ǀ uta ǀ stotāram ǀ magha-vā ǀ vasau ǀ dhāt ǁ

    4.17.13 Aṣṭaka 3.5.23.3Anuvāka 4.2.66Interpretations

14. Ṛk 14

    अ॒यं च॒क्रमि॑षण॒त्सूर्य॑स्य॒ न्येत॑शं रीरमत्ससृमा॒णं ।
    आ कृ॒ष्ण ईं॑ जुहुरा॒णो जि॑घर्ति त्व॒चो बु॒ध्ने रज॑सो अ॒स्य योनौ॑ ॥

    अयं चक्रम् इषणत् सूर्यस्य न्य् एतशं रीरमत् ससृमाणम् |
    आ कृष्ण ईं जुहुराणो जिघर्ति त्वचो बुध्ने रजसो अस्य योनौ ||

    ayám cakrámiṣaṇatsū́ryasya nyétaśam rīramatsasṛmāṇám ǀ
    ā́ kṛṣṇá īm juhurāṇó jigharti tvacó budhné rájaso asyá yónau ǁ

    ayaṃ cakram iṣaṇat sūryasya ny etaśaṃ rīramat sasṛmāṇam |
    ā kṛṣṇa īṃ juhurāṇo jigharti tvaco budhne rajaso asya yonau ||

    अ॒यम् । च॒क्रम् । इ॒ष॒ण॒त् । सूर्य॑स्य । नि । एत॑शम् । री॒र॒म॒त् । स॒सृ॒मा॒णम् ।
    आ । कृ॒ष्णः । ई॒म् । जु॒हु॒रा॒णः । जि॒घ॒र्ति॒ । त्व॒चः । बु॒ध्ने । रज॑सः । अ॒स्य । योनौ॑ ॥

    अयम् । चक्रम् । इषणत् । सूर्यस्य । नि । एतशम् । रीरमत् । ससृमाणम् ।
    आ । कृष्णः । ईम् । जुहुराणः । जिघर्ति । त्वचः । बुध्ने । रजसः । अस्य । योनौ ॥

    ayám ǀ cakrám ǀ iṣaṇat ǀ sū́ryasya ǀ ní ǀ étaśam ǀ rīramat ǀ sasṛmāṇám ǀ
    ā́ ǀ kṛṣṇáḥ ǀ īm ǀ juhurāṇáḥ ǀ jigharti ǀ tvacáḥ ǀ budhné ǀ rájasaḥ ǀ asyá ǀ yónau ǁ

    ayam ǀ cakram ǀ iṣaṇat ǀ sūryasya ǀ ni ǀ etaśam ǀ rīramat ǀ sasṛmāṇam ǀ
    ā ǀ kṛṣṇaḥ ǀ īm ǀ juhurāṇaḥ ǀ jigharti ǀ tvacaḥ ǀ budhne ǀ rajasaḥ ǀ asya ǀ yonau ǁ

    4.17.14 Aṣṭaka 3.5.23.4Anuvāka 4.2.67Interpretations

15. Ṛk 15

    असि॑क्न्यां॒ यज॑मानो॒ न होता॑ ॥

    असिक्न्यां यजमानो न होता ||

    ásiknyām yájamāno ná hótā ǁ

    asiknyāṃ yajamāno na hotā ||

    असि॑क्न्याम् । यज॑मानः । न । होता॑ ॥

    असिक्न्याम् । यजमानः । न । होता ॥

    ásiknyām ǀ yájamānaḥ ǀ ná ǀ hótā ǁ

    asiknyām ǀ yajamānaḥ ǀ na ǀ hotā ǁ

    4.17.15 Aṣṭaka 3.5.23.5Anuvāka 4.2.68Interpretations

16. Ṛk 16

    ग॒व्यंत॒ इंद्रं॑ स॒ख्याय॒ विप्रा॑ अश्वा॒यंतो॒ वृष॑णं वा॒जयं॑तः ।
    ज॒नी॒यंतो॑ जनि॒दामक्षि॑तोति॒मा च्या॑वयामोऽव॒ते न कोशं॑ ॥

    गव्यन्त इन्द्रं सख्याय विप्रा अश्वायन्तो वृषणं वाजयन्तः |
    जनीयन्तो जनिदाम् अक्षितोतिम् आ च्यावयामो ऽवते न कोशम् ||

    gavyánta índram sakhyā́ya víprā aśvāyánto vṛ́ṣaṇam vājáyantaḥ ǀ
    janīyánto janidā́mákṣitotimā́ cyāvayāmo’vaté ná kóśam ǁ

    gavyanta indraṃ sakhyāya viprā aśvāyanto vṛṣaṇaṃ vājayantaḥ |
    janīyanto janidām akṣitotim ā cyāvayāmo 'vate na kośam ||

    ग॒व्यन्तः॑ । इन्द्र॑म् । स॒ख्याय॑ । विप्राः॑ । अ॒श्व॒ऽयन्तः॑ । वृष॑णम् । वा॒जय॑न्तः ।
    ज॒नि॒ऽयन्तः॑ । ज॒नि॒ऽदाम् । अक्षि॑तऽऊतिम् । आ । च्य॒व॒या॒मः॒ । अ॒व॒ते । न । कोश॑म् ॥

    गव्यन्तः । इन्द्रम् । सख्याय । विप्राः । अश्वऽयन्तः । वृषणम् । वाजयन्तः ।
    जनिऽयन्तः । जनिऽदाम् । अक्षितऽऊतिम् । आ । च्यवयामः । अवते । न । कोशम् ॥

    gavyántaḥ ǀ índram ǀ sakhyā́ya ǀ víprāḥ ǀ aśva-yántaḥ ǀ vṛ́ṣaṇam ǀ vājáyantaḥ ǀ
    jani-yántaḥ ǀ jani-dā́m ǀ ákṣita-ūtim ǀ ā́ ǀ cyavayāmaḥ ǀ avaté ǀ ná ǀ kóśam ǁ

    gavyantaḥ ǀ indram ǀ sakhyāya ǀ viprāḥ ǀ aśva-yantaḥ ǀ vṛṣaṇam ǀ vājayantaḥ ǀ
    jani-yantaḥ ǀ jani-dām ǀ akṣita-ūtim ǀ ā ǀ cyavayāmaḥ ǀ avate ǀ na ǀ kośam ǁ

    4.17.16 Aṣṭaka 3.5.24.1Anuvāka 4.2.69Interpretations

17. Ṛk 17

    त्रा॒ता नो॑ बोधि॒ ददृ॑शान आ॒पिर॑भिख्या॒ता म॑र्डि॒ता सो॒म्यानां॑ ।
    सखा॑ पि॒ता पि॒तृत॑मः पितॄ॒णां कर्ते॑मु लो॒कमु॑श॒ते व॑यो॒धाः ॥

    त्राता नो बोधि ददृशान आपिर् अभिख्याता मर्डिता सोम्यानाम् |
    सखा पिता पितृतमः पितॄणां कर्तेम् उ लोकम् उशते वयोधाः ||

    trātā́ no bodhi dádṛśāna āpírabhikhyātā́ marḍitā́ somyā́nām ǀ
    sákhā pitā́ pitṛ́tamaḥ pitṝṇā́m kártemu lokámuśaté vayodhā́ḥ ǁ

    trātā no bodhi dadṛśāna āpir abhikhyātā marḍitā somyānām |
    sakhā pitā pitṛtamaḥ pitṝṇāṃ kartem u lokam uśate vayodhāḥ ||

    त्रा॒ता । नः॒ । बो॒धि॒ । ददृ॑शानः । आ॒पिः । अ॒भि॒ऽख्या॒ता । म॒र्डि॒ता । सो॒म्याना॑म् ।
    सखा॑ । पि॒ता । पि॒तृऽत॑मः । पि॒तॄ॒णाम् । कर्ता॑ । ई॒म् । ऊं॒ इति॑ । लो॒कम् । उ॒श॒ते । व॒यः॒ऽधाः ॥

    त्राता । नः । बोधि । ददृशानः । आपिः । अभिऽख्याता । मर्डिता । सोम्यानाम् ।
    सखा । पिता । पितृऽतमः । पितॄणाम् । कर्ता । ईम् । ऊं इति । लोकम् । उशते । वयःऽधाः ॥

    trātā́ ǀ naḥ ǀ bodhi ǀ dádṛśānaḥ ǀ āpíḥ ǀ abhi-khyātā́ ǀ marḍitā́ ǀ somyā́nām ǀ
    sákhā ǀ pitā́ ǀ pitṛ́-tamaḥ ǀ pitṝṇā́m ǀ kártā ǀ īm ǀ ūṃ íti ǀ lokám ǀ uśaté ǀ vayaḥ-dhā́ḥ ǁ

    trātā ǀ naḥ ǀ bodhi ǀ dadṛśānaḥ ǀ āpiḥ ǀ abhi-khyātā ǀ marḍitā ǀ somyānām ǀ
    sakhā ǀ pitā ǀ pitṛ-tamaḥ ǀ pitṝṇām ǀ kartā ǀ īm ǀ ūṃ iti ǀ lokam ǀ uśate ǀ vayaḥ-dhāḥ ǁ

    4.17.17 Aṣṭaka 3.5.24.2Anuvāka 4.2.70Interpretations

18. Ṛk 18

    स॒खी॒य॒ताम॑वि॒ता बो॑धि॒ सखा॑ गृणा॒न इं॑द्र स्तुव॒ते वयो॑ धाः ।
    व॒यं ह्या ते॑ चकृ॒मा स॒बाध॑ आ॒भिः शमी॑भिर्म॒हयं॑त इंद्र ॥

    सखीयताम् अविता बोधि सखा गृणान इन्द्र स्तुवते वयो धाः |
    वयं ह्य् आ ते चकृमा सबाध आभिः शमीभिर् महयन्त इन्द्र ||

    sakhīyatā́mavitā́ bodhi sákhā gṛṇāná indra stuvaté váyo dhāḥ ǀ
    vayám hyā́ te cakṛmā́ sabā́dha ābhíḥ śámībhirmaháyanta indra ǁ

    sakhīyatām avitā bodhi sakhā gṛṇāna indra stuvate vayo dhāḥ |
    vayaṃ hy ā te cakṛmā sabādha ābhiḥ śamībhir mahayanta indra ||

    स॒खि॒ऽय॒ताम् । अ॒वि॒ता । बो॒धि॒ । सखा॑ । गृ॒णा॒नः । इ॒न्द्र॒ । स्तु॒व॒ते । वयः॑ । धाः॒ ।
    व॒यम् । हि । आ । ते॒ । च॒कृ॒म । स॒ऽबाधः॑ । आ॒भिः । शमी॑भिः । म॒हय॑न्तः । इ॒न्द्र॒ ॥

    सखिऽयताम् । अविता । बोधि । सखा । गृणानः । इन्द्र । स्तुवते । वयः । धाः ।
    वयम् । हि । आ । ते । चकृम । सऽबाधः । आभिः । शमीभिः । महयन्तः । इन्द्र ॥

    sakhi-yatā́m ǀ avitā́ ǀ bodhi ǀ sákhā ǀ gṛṇānáḥ ǀ indra ǀ stuvaté ǀ váyaḥ ǀ dhāḥ ǀ
    vayám ǀ hí ǀ ā́ ǀ te ǀ cakṛmá ǀ sa-bā́dhaḥ ǀ ābhíḥ ǀ śámībhiḥ ǀ maháyantaḥ ǀ indra ǁ

    sakhi-yatām ǀ avitā ǀ bodhi ǀ sakhā ǀ gṛṇānaḥ ǀ indra ǀ stuvate ǀ vayaḥ ǀ dhāḥ ǀ
    vayam ǀ hi ǀ ā ǀ te ǀ cakṛma ǀ sa-bādhaḥ ǀ ābhiḥ ǀ śamībhiḥ ǀ mahayantaḥ ǀ indra ǁ

    4.17.18 Aṣṭaka 3.5.24.3Anuvāka 4.2.71Interpretations

19. Ṛk 19

    स्तु॒त इंद्रो॑ म॒घवा॒ यद्ध॑ वृ॒त्रा भूरी॒ण्येको॑ अप्र॒तीनि॑ हंति ।
    अ॒स्य प्रि॒यो ज॑रि॒ता यस्य॒ शर्म॒न्नकि॑र्दे॒वा वा॒रयं॑ते॒ न मर्ताः॑ ॥

    स्तुत इन्द्रो मघवा यद् ध वृत्रा भूरीण्य् एको अप्रतीनि हन्ति |
    अस्य प्रियो जरिता यस्य शर्मन् नकिर् देवा वारयन्ते न मर्ताः ||

    stutá índro maghávā yáddha vṛtrā́ bhū́rīṇyéko apratī́ni hanti ǀ
    asyá priyó jaritā́ yásya śármannákirdevā́ vāráyante ná mártāḥ ǁ

    stuta indro maghavā yad dha vṛtrā bhūrīṇy eko apratīni hanti |
    asya priyo jaritā yasya śarman nakir devā vārayante na martāḥ ||

    स्तु॒तः । इन्द्रः॑ । म॒घऽवा॑ । यत् । ह॒ । वृ॒त्रा । भूरी॑णि । एकः॑ । अ॒प्र॒तीनि॑ । ह॒न्ति॒ ।
    अ॒स्य । प्रि॒यः । ज॒रि॒ता । यस्य॑ । शर्म॑न् । नकिः॑ । दे॒वाः । वा॒रय॑न्ते । न । मर्ताः॑ ॥

    स्तुतः । इन्द्रः । मघऽवा । यत् । ह । वृत्रा । भूरीणि । एकः । अप्रतीनि । हन्ति ।
    अस्य । प्रियः । जरिता । यस्य । शर्मन् । नकिः । देवाः । वारयन्ते । न । मर्ताः ॥

    stutáḥ ǀ índraḥ ǀ maghá-vā ǀ yát ǀ ha ǀ vṛtrā́ ǀ bhū́rīṇi ǀ ékaḥ ǀ apratī́ni ǀ hanti ǀ
    asyá ǀ priyáḥ ǀ jaritā́ ǀ yásya ǀ śárman ǀ nákiḥ ǀ devā́ḥ ǀ vāráyante ǀ ná ǀ mártāḥ ǁ

    stutaḥ ǀ indraḥ ǀ magha-vā ǀ yat ǀ ha ǀ vṛtrā ǀ bhūrīṇi ǀ ekaḥ ǀ apratīni ǀ hanti ǀ
    asya ǀ priyaḥ ǀ jaritā ǀ yasya ǀ śarman ǀ nakiḥ ǀ devāḥ ǀ vārayante ǀ na ǀ martāḥ ǁ

    4.17.19 Aṣṭaka 3.5.24.4Anuvāka 4.2.72Interpretations

20. Ṛk 20

    ए॒वा न॒ इंद्रो॑ म॒घवा॑ विर॒प्शी कर॑त्स॒त्या च॑र्षणी॒धृद॑न॒र्वा ।
    त्वं राजा॑ ज॒नुषां॑ धेह्य॒स्मे अधि॒ श्रवो॒ माहि॑नं॒ यज्ज॑रि॒त्रे ॥

    एवा न इन्द्रो मघवा विरप्शी करत् सत्या चर्षणीधृद् अनर्वा |
    त्वं राजा जनुषां धेह्य् अस्मे अधि श्रवो माहिनं यज् जरित्रे ||

    evā́ na índro maghávā virapśī́ káratsatyā́ carṣaṇīdhṛ́danarvā́ ǀ
    tvám rā́jā janúṣām dhehyasmé ádhi śrávo mā́hinam yájjaritré ǁ

    evā na indro maghavā virapśī karat satyā carṣaṇīdhṛd anarvā |
    tvaṃ rājā januṣāṃ dhehy asme adhi śravo māhinaṃ yaj jaritre ||

    ए॒व । नः॒ । इन्द्रः॑ । म॒घऽवा॑ । वि॒ऽर॒प्शी । कर॑त् । स॒त्या । च॒र्ष॒णि॒ऽधृत् । अ॒न॒र्वा ।
    त्वम् । राजा॑ । ज॒नुषा॑म् । धे॒हि॒ । अ॒स्मे इति॑ । अधि॑ । श्रवः॑ । माहि॑नम् । यत् । ज॒रि॒त्रे ॥

    एव । नः । इन्द्रः । मघऽवा । विऽरप्शी । करत् । सत्या । चर्षणिऽधृत् । अनर्वा ।
    त्वम् । राजा । जनुषाम् । धेहि । अस्मे इति । अधि । श्रवः । माहिनम् । यत् । जरित्रे ॥

    evá ǀ naḥ ǀ índraḥ ǀ maghá-vā ǀ vi-rapśī́ ǀ kárat ǀ satyā́ ǀ carṣaṇi-dhṛ́t ǀ anarvā́ ǀ
    tvám ǀ rā́jā ǀ janúṣām ǀ dhehi ǀ asmé íti ǀ ádhi ǀ śrávaḥ ǀ mā́hinam ǀ yát ǀ jaritré ǁ

    eva ǀ naḥ ǀ indraḥ ǀ magha-vā ǀ vi-rapśī ǀ karat ǀ satyā ǀ carṣaṇi-dhṛt ǀ anarvā ǀ
    tvam ǀ rājā ǀ januṣām ǀ dhehi ǀ asme iti ǀ adhi ǀ śravaḥ ǀ māhinam ǀ yat ǀ jaritre ǁ

    4.17.20 Aṣṭaka 3.5.24.5Anuvāka 4.2.73Interpretations

21. Ṛk 21

    नू ष्टु॒त इं॑द्र॒ नू गृ॑णा॒न इषं॑ जरि॒त्रे न॒द्यो॒३॒॑ न पी॑पेः ।
    अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ॥

    नू ष्टुत इन्द्र नू गृणान इषं जरित्रे नद्यो न पीपेः |
    अकारि ते हरिवो ब्रह्म नव्यं धिया स्याम रथ्यः सदासाः ||

    nū́ ṣṭutá indra nū́ gṛṇāná íṣam jaritré nadyó ná pīpeḥ ǀ
    ákāri te harivo bráhma návyam dhiyā́ syāma rathyáḥ sadāsā́ḥ ǁ

    nū ṣṭuta indra nū gṛṇāna iṣaṃ jaritre nadyo na pīpeḥ |
    akāri te harivo brahma navyaṃ dhiyā syāma rathyaḥ sadāsāḥ ||

    नु । स्तु॒तः । इ॒न्द्र॒ । नु । गृ॒णा॒नः । इष॑म् । ज॒रि॒त्रे । न॒द्यः॑ । न । पी॒पे॒रिति॑ पीपेः ।
    अका॑रि । ते॒ । ह॒रि॒ऽवः॒ । ब्रह्म॑ । नव्य॑म् । धि॒या । स्या॒म॒ । र॒थ्यः॑ । स॒दा॒ऽसाः ॥

    नु । स्तुतः । इन्द्र । नु । गृणानः । इषम् । जरित्रे । नद्यः । न । पीपेरिति पीपेः ।
    अकारि । ते । हरिऽवः । ब्रह्म । नव्यम् । धिया । स्याम । रथ्यः । सदाऽसाः ॥

    nú ǀ stutáḥ ǀ indra ǀ nú ǀ gṛṇānáḥ ǀ íṣam ǀ jaritré ǀ nadyáḥ ǀ ná ǀ pīperíti pīpeḥ ǀ
    ákāri ǀ te ǀ hari-vaḥ ǀ bráhma ǀ návyam ǀ dhiyā́ ǀ syāma ǀ rathyáḥ ǀ sadā-sā́ḥ ǁ

    nu ǀ stutaḥ ǀ indra ǀ nu ǀ gṛṇānaḥ ǀ iṣam ǀ jaritre ǀ nadyaḥ ǀ na ǀ pīperiti pīpeḥ ǀ
    akāri ǀ te ǀ hari-vaḥ ǀ brahma ǀ navyam ǀ dhiyā ǀ syāma ǀ rathyaḥ ǀ sadā-sāḥ ǁ

    4.17.21 Aṣṭaka 3.5.24.6Anuvāka 4.2.74Interpretations

Text, recitation and interpretations from the Ṛgveda database of theveda.org.in.