Devatā देवता

Agni Or Sūrya Or Āpas Or Gāvas Or Ghi

Ṛṣi ऋषि

Vāmadeva Gautama

Chandas छन्दस्

Triṣṭubh, Jagatī

1. Ṛk 1

   स॒मु॒द्रादू॒र्मिर्मधु॑माँ॒ उदा॑र॒दुपां॒शुना॒ सम॑मृत॒त्वमा॑नट् ।
   घृ॒तस्य॒ नाम॒ गुह्यं॒ यदस्ति॑ जि॒ह्वा दे॒वाना॑म॒मृत॑स्य॒ नाभिः॑ ॥

   समुद्राद् ऊर्मिर् मधुमां उद् आरद् उपांशुना सम् अमृतत्वम् आनट् |
   घृतस्य नाम गुह्यं यद् अस्ति जिह्वा देवानाम् अमृतस्य नाभिः ||

   samudrā́dūrmírmádhumām̐ údāradúpāṃśúnā sámamṛtatvámānaṭ ǀ
   ghṛtásya nā́ma gúhyam yádásti jihvā́ devā́nāmamṛ́tasya nā́bhiḥ ǁ

   samudrād ūrmir madhumāṃ ud ārad upāṃśunā sam amṛtatvam ānaṭ |
   ghṛtasya nāma guhyaṃ yad asti jihvā devānām amṛtasya nābhiḥ ||

   स॒मु॒द्रात् । ऊ॒र्मिः । मधु॑ऽमान् । उत् । आ॒र॒त् । उप॑ । अं॒शुना॑ । सम् । अ॒मृ॒त॒ऽत्वम् । आ॒न॒ट् ।
   घृ॒तस्य॑ । नाम॑ । गुह्य॑म् । यत् । अस्ति॑ । जि॒ह्वा । दे॒वाना॑म् । अ॒मृत॑स्य । नाभिः॑ ॥

   समुद्रात् । ऊर्मिः । मधुऽमान् । उत् । आरत् । उप । अंशुना । सम् । अमृतऽत्वम् । आनट् ।
   घृतस्य । नाम । गुह्यम् । यत् । अस्ति । जिह्वा । देवानाम् । अमृतस्य । नाभिः ॥

   samudrā́t ǀ ūrmíḥ ǀ mádhu-mān ǀ út ǀ ārat ǀ úpa ǀ aṃśúnā ǀ sám ǀ amṛta-tvám ǀ ānaṭ ǀ
   ghṛtásya ǀ nā́ma ǀ gúhyam ǀ yát ǀ ásti ǀ jihvā́ ǀ devā́nām ǀ amṛ́tasya ǀ nā́bhiḥ ǁ

   samudrāt ǀ ūrmiḥ ǀ madhu-mān ǀ ut ǀ ārat ǀ upa ǀ aṃśunā ǀ sam ǀ amṛta-tvam ǀ ānaṭ ǀ
   ghṛtasya ǀ nāma ǀ guhyam ǀ yat ǀ asti ǀ jihvā ǀ devānām ǀ amṛtasya ǀ nābhiḥ ǁ

   4.58.1 Aṣṭaka 3.8.10.1Anuvāka 4.5.90Interpretations

2. Ṛk 2

   व॒यं नाम॒ प्र ब्र॑वामा घृ॒तस्या॒स्मिन्य॒ज्ञे धा॑रयामा॒ नमो॑भिः ।
   उप॑ ब्र॒ह्मा शृ॑णवच्छ॒स्यमा॑नं॒ चतुः॑शृंगोऽवमीद्गौ॒र ए॒तत् ॥

   वयं नाम प्र ब्रवामा घृतस्यास्मिन् यज्ञे धारयामा नमोभिः |
   उप ब्रह्मा शृणवच् छस्यमानं चतुःशृङ्गो ऽवमीद् गौर एतत् ||

   vayám nā́ma prá bravāmā ghṛtásyāsmínyajñé dhārayāmā námobhiḥ ǀ
   úpa brahmā́ śṛṇavacchasyámānam cátuḥśṛṅgo’vamīdgaurá etát ǁ

   vayaṃ nāma pra bravāmā ghṛtasyāsmin yajñe dhārayāmā namobhiḥ |
   upa brahmā śṛṇavac chasyamānaṃ catuḥśṛṅgo 'vamīd gaura etat ||

   व॒यम् । नाम॑ । प्र । ब्र॒वा॒म॒ । घृ॒तस्य॑ । अ॒स्मिन् । य॒ज्ञे । धा॒र॒या॒म॒ । नमः॑ऽभिः ।
   उप॑ । ब्र॒ह्मा । शृ॒ण॒व॒त् । श॒स्यमा॑नम् । चतुः॑ऽशृङ्गः । अ॒व॒मी॒त् । गौ॒रः । ए॒तत् ॥

   वयम् । नाम । प्र । ब्रवाम । घृतस्य । अस्मिन् । यज्ञे । धारयाम । नमःऽभिः ।
   उप । ब्रह्मा । शृणवत् । शस्यमानम् । चतुःऽशृङ्गः । अवमीत् । गौरः । एतत् ॥

   vayám ǀ nā́ma ǀ prá ǀ bravāma ǀ ghṛtásya ǀ asmín ǀ yajñé ǀ dhārayāma ǀ námaḥ-bhiḥ ǀ
   úpa ǀ brahmā́ ǀ śṛṇavat ǀ śasyámānam ǀ cátuḥ-śṛṅgaḥ ǀ avamīt ǀ gauráḥ ǀ etát ǁ

   vayam ǀ nāma ǀ pra ǀ bravāma ǀ ghṛtasya ǀ asmin ǀ yajñe ǀ dhārayāma ǀ namaḥ-bhiḥ ǀ
   upa ǀ brahmā ǀ śṛṇavat ǀ śasyamānam ǀ catuḥ-śṛṅgaḥ ǀ avamīt ǀ gauraḥ ǀ etat ǁ

   4.58.2 Aṣṭaka 3.8.10.2Anuvāka 4.5.91Interpretations

3. Ṛk 3

   च॒त्वारि॒ शृंगा॒ त्रयो॑ अस्य॒ पादा॒ द्वे शी॒र्षे स॒प्त हस्ता॑सो अस्य ।
   त्रिधा॑ ब॒द्धो वृ॑ष॒भो रो॑रवीति म॒हो दे॒वो मर्त्याँ॒ आ वि॑वेश ॥

   चत्वारि शृङ्गा त्रयो अस्य पादा द्वे शीर्षे सप्त हस्तासो अस्य |
   त्रिधा बद्धो वृषभो रोरवीति महो देवो मर्त्यां आ विवेश ||

   catvā́ri śṛ́ṅgā tráyo asya pā́dā dvé śīrṣé saptá hástāso asya ǀ
   trídhā baddhó vṛṣabhó roravīti mahó devó mártyām̐ ā́ viveśa ǁ

   catvāri śṛṅgā trayo asya pādā dve śīrṣe sapta hastāso asya |
   tridhā baddho vṛṣabho roravīti maho devo martyāṃ ā viveśa ||

   च॒त्वारि॑ । शृङ्गा॑ । त्रयः॑ । अ॒स्य॒ । पादाः॑ । द्वे इति॑ । शी॒र्षे इति॑ । स॒प्त । हस्ता॑सः । अ॒स्य॒ ।
   त्रिधा॑ । ब॒द्धः । वृ॒ष॒भः । रो॒र॒वी॒ति॒ । म॒हः । दे॒वः । मर्त्या॑न् । आ । वि॒वे॒श॒ ॥

   चत्वारि । शृङ्गा । त्रयः । अस्य । पादाः । द्वे इति । शीर्षे इति । सप्त । हस्तासः । अस्य ।
   त्रिधा । बद्धः । वृषभः । रोरवीति । महः । देवः । मर्त्यान् । आ । विवेश ॥

   catvā́ri ǀ śṛ́ṅgā ǀ tráyaḥ ǀ asya ǀ pā́dāḥ ǀ dvé íti ǀ śīrṣé íti ǀ saptá ǀ hástāsaḥ ǀ asya ǀ
   trídhā ǀ baddháḥ ǀ vṛṣabháḥ ǀ roravīti ǀ maháḥ ǀ deváḥ ǀ mártyān ǀ ā́ ǀ viveśa ǁ

   catvāri ǀ śṛṅgā ǀ trayaḥ ǀ asya ǀ pādāḥ ǀ dve iti ǀ śīrṣe iti ǀ sapta ǀ hastāsaḥ ǀ asya ǀ
   tridhā ǀ baddhaḥ ǀ vṛṣabhaḥ ǀ roravīti ǀ mahaḥ ǀ devaḥ ǀ martyān ǀ ā ǀ viveśa ǁ

   4.58.3 Aṣṭaka 3.8.10.3Anuvāka 4.5.92Interpretations

4. Ṛk 4

   त्रिधा॑ हि॒तं प॒णिभि॑र्गु॒ह्यमा॑नं॒ गवि॑ दे॒वासो॑ घृ॒तमन्व॑विंदन् ।
   इंद्र॒ एकं॒ सूर्य॒ एकं॑ जजान वे॒नादेकं॑ स्व॒धया॒ निष्ट॑तक्षुः ॥

   त्रिधा हितम् पणिभिर् गुह्यमानं गवि देवासो घृतम् अन्व् अविन्दन् |
   इन्द्र एकं सूर्य एकं जजान वेनाद् एकं स्वधया निष् टतक्षुः ||

   trídhā hitám paṇíbhirguhyámānam gávi devā́so ghṛtámánvavindan ǀ
   índra ékam sū́rya ékam jajāna venā́dékam svadháyā níṣṭatakṣuḥ ǁ

   tridhā hitam paṇibhir guhyamānaṃ gavi devāso ghṛtam anv avindan |
   indra ekaṃ sūrya ekaṃ jajāna venād ekaṃ svadhayā niṣ ṭatakṣuḥ ||

   त्रिधा॑ । हि॒तम् । प॒णिऽभिः॑ । गु॒ह्यमा॑नम् । गवि॑ । दे॒वासः॑ । घृ॒तम् । अनु॑ । अ॒वि॒न्द॒न् ।
   इन्द्रः॑ । एक॑म् । सूर्यः॑ । एक॑म् । ज॒जा॒न॒ । वे॒नात् । एक॑म् । स्व॒धया॑ । निः । त॒त॒क्षुः॒ ॥

   त्रिधा । हितम् । पणिऽभिः । गुह्यमानम् । गवि । देवासः । घृतम् । अनु । अविन्दन् ।
   इन्द्रः । एकम् । सूर्यः । एकम् । जजान । वेनात् । एकम् । स्वधया । निः । ततक्षुः ॥

   trídhā ǀ hitám ǀ paṇí-bhiḥ ǀ guhyámānam ǀ gávi ǀ devā́saḥ ǀ ghṛtám ǀ ánu ǀ avindan ǀ
   índraḥ ǀ ékam ǀ sū́ryaḥ ǀ ékam ǀ jajāna ǀ venā́t ǀ ékam ǀ svadháyā ǀ níḥ ǀ tatakṣuḥ ǁ

   tridhā ǀ hitam ǀ paṇi-bhiḥ ǀ guhyamānam ǀ gavi ǀ devāsaḥ ǀ ghṛtam ǀ anu ǀ avindan ǀ
   indraḥ ǀ ekam ǀ sūryaḥ ǀ ekam ǀ jajāna ǀ venāt ǀ ekam ǀ svadhayā ǀ niḥ ǀ tatakṣuḥ ǁ

   4.58.4 Aṣṭaka 3.8.10.4Anuvāka 4.5.93Interpretations

5. Ṛk 5

   ए॒ता अ॑र्षंति॒ हृद्या॑त्समु॒द्राच्छ॒तव्र॑जा रि॒पुणा॒ नाव॒चक्षे॑ ।
   घृ॒तस्य॒ धारा॑ अ॒भि चा॑कशीमि हिर॒ण्ययो॑ वेत॒सो मध्य॑ आसां ॥

   एता अर्षन्ति हृद्यात् समुद्राच् छतव्रजा रिपुणा नावचक्षे |
   घृतस्य धारा अभि चाकशीमि हिरण्ययो वेतसो मध्य आसाम् ||

   etā́ arṣanti hṛ́dyātsamudrā́cchatávrajā ripúṇā nā́vacákṣe ǀ
   ghṛtásya dhā́rā abhí cākaśīmi hiraṇyáyo vetasó mádhya āsām ǁ

   etā arṣanti hṛdyāt samudrāc chatavrajā ripuṇā nāvacakṣe |
   ghṛtasya dhārā abhi cākaśīmi hiraṇyayo vetaso madhya āsām ||

   ए॒ताः । अ॒र्ष॒न्ति॒ । हृद्या॑त् । स॒मु॒द्रात् । श॒तऽव्र॑जाः । रि॒पुणा॑ । न । अ॒व॒ऽचक्षे॑ ।
   घृ॒तस्य॑ । धाराः॑ । अ॒भि । चा॒क॒शी॒मि॒ । हि॒र॒ण्ययः॑ । वे॒त॒सः । मध्ये॑ । आ॒सा॒म् ॥

   एताः । अर्षन्ति । हृद्यात् । समुद्रात् । शतऽव्रजाः । रिपुणा । न । अवऽचक्षे ।
   घृतस्य । धाराः । अभि । चाकशीमि । हिरण्ययः । वेतसः । मध्ये । आसाम् ॥

   etā́ḥ ǀ arṣanti ǀ hṛ́dyāt ǀ samudrā́t ǀ śatá-vrajāḥ ǀ ripúṇā ǀ ná ǀ ava-cákṣe ǀ
   ghṛtásya ǀ dhā́rāḥ ǀ abhí ǀ cākaśīmi ǀ hiraṇyáyaḥ ǀ vetasáḥ ǀ mádhye ǀ āsām ǁ

   etāḥ ǀ arṣanti ǀ hṛdyāt ǀ samudrāt ǀ śata-vrajāḥ ǀ ripuṇā ǀ na ǀ ava-cakṣe ǀ
   ghṛtasya ǀ dhārāḥ ǀ abhi ǀ cākaśīmi ǀ hiraṇyayaḥ ǀ vetasaḥ ǀ madhye ǀ āsām ǁ

   4.58.5 Aṣṭaka 3.8.10.5Anuvāka 4.5.94Interpretations

6. Ṛk 6

   स॒म्यक्स्र॑वंति स॒रितो॒ न धेना॑ अं॒तर्हृ॒दा मन॑सा पू॒यमा॑नाः ।
   ए॒ते अ॑र्षंत्यू॒र्मयो॑ घृ॒तस्य॑ मृ॒गा इ॑व क्षिप॒णोरीष॑माणाः ॥

   सम्यक् स्रवन्ति सरितो न धेना अन्तर् हृदा मनसा पूयमानाः |
   एते अर्षन्त्य् ऊर्मयो घृतस्य मृगा इव क्षिपणोर् ईषमाणाः ||

   samyáksravanti saríto ná dhénā antárhṛdā́ mánasā pūyámānāḥ ǀ
   eté arṣantyūrmáyo ghṛtásya mṛgā́ iva kṣipaṇórī́ṣamāṇāḥ ǁ

   samyak sravanti sarito na dhenā antar hṛdā manasā pūyamānāḥ |
   ete arṣanty ūrmayo ghṛtasya mṛgā iva kṣipaṇor īṣamāṇāḥ ||

   स॒म्यक् । स्र॒व॒न्ति॒ । स॒रितः॑ । न । धेनाः॑ । अ॒न्तः । हृ॒दा । मन॑सा । पू॒यमा॑नाः ।
   ए॒ते । अ॒र्ष॒न्ति॒ । ऊ॒र्मयः॑ । घृ॒तस्य॑ । मृ॒गाःऽइ॑व । क्षि॒प॒णोः । ईष॑माणाः ॥

   सम्यक् । स्रवन्ति । सरितः । न । धेनाः । अन्तः । हृदा । मनसा । पूयमानाः ।
   एते । अर्षन्ति । ऊर्मयः । घृतस्य । मृगाःऽइव । क्षिपणोः । ईषमाणाः ॥

   samyák ǀ sravanti ǀ sarítaḥ ǀ ná ǀ dhénāḥ ǀ antáḥ ǀ hṛdā́ ǀ mánasā ǀ pūyámānāḥ ǀ
   eté ǀ arṣanti ǀ ūrmáyaḥ ǀ ghṛtásya ǀ mṛgā́ḥ-iva ǀ kṣipaṇóḥ ǀ ī́ṣamāṇāḥ ǁ

   samyak ǀ sravanti ǀ saritaḥ ǀ na ǀ dhenāḥ ǀ antaḥ ǀ hṛdā ǀ manasā ǀ pūyamānāḥ ǀ
   ete ǀ arṣanti ǀ ūrmayaḥ ǀ ghṛtasya ǀ mṛgāḥ-iva ǀ kṣipaṇoḥ ǀ īṣamāṇāḥ ǁ

   4.58.6 Aṣṭaka 3.8.11.1Anuvāka 4.5.95Interpretations

7. Ṛk 7

   सिंधो॑रिव प्राध्व॒ने शू॑घ॒नासो॒ वात॑प्रमियः पतयंति य॒ह्वाः ।
   घृ॒तस्य॒ धारा॑ अरु॒षो न वा॒जी काष्ठा॑ भिं॒दन्नू॒र्मिभिः॒ पिन्व॑मानः ॥

   सिन्धोर् इव प्राध्वने शूघनासो वातप्रमियः पतयन्ति यह्वाः |
   घृतस्य धारा अरुषो न वाजी काष्ठा भिन्दन्न् ऊर्मिभिः पिन्वमानः ||

   síndhoriva prādhvané śūghanā́so vā́tapramiyaḥ patayanti yahvā́ḥ ǀ
   ghṛtásya dhā́rā aruṣó ná vājī́ kā́ṣṭhā bhindánnūrmíbhiḥ pínvamānaḥ ǁ

   sindhor iva prādhvane śūghanāso vātapramiyaḥ patayanti yahvāḥ |
   ghṛtasya dhārā aruṣo na vājī kāṣṭhā bhindann ūrmibhiḥ pinvamānaḥ ||

   सिन्धोः॑ऽइव । प्र॒ऽअ॒ध्व॒ने । शू॒घ॒नासः॑ । वात॑ऽप्रमियः । प॒त॒य॒न्ति॒ । य॒ह्वाः ।
   घृ॒तस्य॑ । धाराः॑ । अ॒रु॒षः । न । वा॒जी । काष्ठाः॑ । भि॒न्दन् । ऊ॒र्मिभिः॑ । पिन्व॑मानः ॥

   सिन्धोःऽइव । प्रऽअध्वने । शूघनासः । वातऽप्रमियः । पतयन्ति । यह्वाः ।
   घृतस्य । धाराः । अरुषः । न । वाजी । काष्ठाः । भिन्दन् । ऊर्मिभिः । पिन्वमानः ॥

   síndhoḥ-iva ǀ pra-adhvané ǀ śūghanā́saḥ ǀ vā́ta-pramiyaḥ ǀ patayanti ǀ yahvā́ḥ ǀ
   ghṛtásya ǀ dhā́rāḥ ǀ aruṣáḥ ǀ ná ǀ vājī́ ǀ kā́ṣṭhāḥ ǀ bhindán ǀ ūrmíbhiḥ ǀ pínvamānaḥ ǁ

   sindhoḥ-iva ǀ pra-adhvane ǀ śūghanāsaḥ ǀ vāta-pramiyaḥ ǀ patayanti ǀ yahvāḥ ǀ
   ghṛtasya ǀ dhārāḥ ǀ aruṣaḥ ǀ na ǀ vājī ǀ kāṣṭhāḥ ǀ bhindan ǀ ūrmibhiḥ ǀ pinvamānaḥ ǁ

   4.58.7 Aṣṭaka 3.8.11.2Anuvāka 4.5.96Interpretations

8. Ṛk 8

   अ॒भि प्र॑वंत॒ सम॑नेव॒ योषाः॑ कल्या॒ण्यः१॒॑ स्मय॑मानासो अ॒ग्निं ।
   घृ॒तस्य॒ धाराः॑ स॒मिधो॑ नसंत॒ ता जु॑षा॒णो ह॑र्यति जा॒तवे॑दाः ॥

   अभि प्रवन्त समनेव योषाः कल्याण्यः स्मयमानासो अग्निम् |
   घृतस्य धाराः समिधो नसन्त ता जुषाणो हर्यति जातवेदाः ||

   abhí pravanta sámaneva yóṣāḥ kalyāṇyáḥ smáyamānāso agním ǀ
   ghṛtásya dhā́rāḥ samídho nasanta tā́ juṣāṇó haryati jātávedāḥ ǁ

   abhi pravanta samaneva yoṣāḥ kalyāṇyaḥ smayamānāso agnim |
   ghṛtasya dhārāḥ samidho nasanta tā juṣāṇo haryati jātavedāḥ ||

   अ॒भि । प्र॒व॒न्त॒ । सम॑नाऽइव । योषाः॑ । क॒ल्या॒ण्यः॑ । स्मय॑मानासः । अ॒ग्निम् ।
   घृ॒तस्य॑ । धाराः॑ । स॒म्ऽइधः॑ । न॒स॒न्त॒ । ताः । जु॒षा॒णः । ह॒र्य॒ति॒ । जा॒तऽवे॑दाः ॥

   अभि । प्रवन्त । समनाऽइव । योषाः । कल्याण्यः । स्मयमानासः । अग्निम् ।
   घृतस्य । धाराः । सम्ऽइधः । नसन्त । ताः । जुषाणः । हर्यति । जातऽवेदाः ॥

   abhí ǀ pravanta ǀ sámanā-iva ǀ yóṣāḥ ǀ kalyāṇyáḥ ǀ smáyamānāsaḥ ǀ agním ǀ
   ghṛtásya ǀ dhā́rāḥ ǀ sam-ídhaḥ ǀ nasanta ǀ tā́ḥ ǀ juṣāṇáḥ ǀ haryati ǀ jātá-vedāḥ ǁ

   abhi ǀ pravanta ǀ samanā-iva ǀ yoṣāḥ ǀ kalyāṇyaḥ ǀ smayamānāsaḥ ǀ agnim ǀ
   ghṛtasya ǀ dhārāḥ ǀ sam-idhaḥ ǀ nasanta ǀ tāḥ ǀ juṣāṇaḥ ǀ haryati ǀ jāta-vedāḥ ǁ

   4.58.8 Aṣṭaka 3.8.11.3Anuvāka 4.5.97Interpretations

9. Ṛk 9

   क॒न्या॑ इव वह॒तुमेत॒वा उ॑ अं॒ज्यं॑जा॒ना अ॒भि चा॑कशीमि ।
   यत्र॒ सोमः॑ सू॒यते॒ यत्र॑ य॒ज्ञो घृ॒तस्य॒ धारा॑ अ॒भि तत्प॑वंते ॥

   कन्या इव वहतुम् एतवा उ अञ्ज्य् अञ्जाना अभि चाकशीमि |
   यत्र सोमः सूयते यत्र यज्ञो घृतस्य धारा अभि तत् पवन्ते ||

   kanyā́ iva vahatúmétavā́ u añjyáñjānā́ abhí cākaśīmi ǀ
   yátra sómaḥ sūyáte yátra yajñó ghṛtásya dhā́rā abhí tátpavante ǁ

   kanyā iva vahatum etavā u añjy añjānā abhi cākaśīmi |
   yatra somaḥ sūyate yatra yajño ghṛtasya dhārā abhi tat pavante ||

   क॒न्याः॑ऽइव । व॒ह॒तुम् । एत॒वै । ऊं॒ इति॑ । अ॒ञ्जि । अ॒ञ्जा॒नाः । अ॒भि । चा॒क॒शी॒मि॒ ।
   यत्र॑ । सोमः॑ । सू॒यते॑ । यत्र॑ । य॒ज्ञः । घृ॒तस्य॑ । धाराः॑ । अ॒भि । तत् । प॒व॒न्ते॒ ॥

   कन्याःऽइव । वहतुम् । एतवै । ऊं इति । अञ्जि । अञ्जानाः । अभि । चाकशीमि ।
   यत्र । सोमः । सूयते । यत्र । यज्ञः । घृतस्य । धाराः । अभि । तत् । पवन्ते ॥

   kanyā́ḥ-iva ǀ vahatúm ǀ étavái ǀ ūṃ íti ǀ añjí ǀ añjānā́ḥ ǀ abhí ǀ cākaśīmi ǀ
   yátra ǀ sómaḥ ǀ sūyáte ǀ yátra ǀ yajñáḥ ǀ ghṛtásya ǀ dhā́rāḥ ǀ abhí ǀ tát ǀ pavante ǁ

   kanyāḥ-iva ǀ vahatum ǀ etavai ǀ ūṃ iti ǀ añji ǀ añjānāḥ ǀ abhi ǀ cākaśīmi ǀ
   yatra ǀ somaḥ ǀ sūyate ǀ yatra ǀ yajñaḥ ǀ ghṛtasya ǀ dhārāḥ ǀ abhi ǀ tat ǀ pavante ǁ

   4.58.9 Aṣṭaka 3.8.11.4Anuvāka 4.5.98Interpretations

10. Ṛk 10

    अ॒भ्य॑र्षत सुष्टु॒तिं गव्य॑मा॒जिम॒स्मासु॑ भ॒द्रा द्रवि॑णानि धत्त ।
    इ॒मं य॒ज्ञं न॑यत दे॒वता॑ नो घृ॒तस्य॒ धारा॒ मधु॑मत्पवंते ॥

    अभ्य् अर्षत सुष्टुतिं गव्यम् आजिम् अस्मासु भद्रा द्रविणानि धत्त |
    इमं यज्ञं नयत देवता नो घृतस्य धारा मधुमत् पवन्ते ||

    abhyárṣata suṣṭutím gávyamājímasmā́su bhadrā́ dráviṇāni dhatta ǀ
    imám yajñám nayata devátā no ghṛtásya dhā́rā mádhumatpavante ǁ

    abhy arṣata suṣṭutiṃ gavyam ājim asmāsu bhadrā draviṇāni dhatta |
    imaṃ yajñaṃ nayata devatā no ghṛtasya dhārā madhumat pavante ||

    अ॒भि । अ॒र्ष॒त॒ । सु॒ऽस्तु॒तिम् । गव्य॑म् । आ॒जिम् । अ॒स्मासु॑ । भ॒द्रा । द्रवि॑णानि । ध॒त्त॒ ।
    इ॒मम् । य॒ज्ञम् । न॒य॒त॒ । दे॒वता॑ । नः॒ । घृ॒तस्य॑ । धाराः॑ । मधु॑ऽमत् । प॒व॒न्ते॒ ॥

    अभि । अर्षत । सुऽस्तुतिम् । गव्यम् । आजिम् । अस्मासु । भद्रा । द्रविणानि । धत्त ।
    इमम् । यज्ञम् । नयत । देवता । नः । घृतस्य । धाराः । मधुऽमत् । पवन्ते ॥

    abhí ǀ arṣata ǀ su-stutím ǀ gávyam ǀ ājím ǀ asmā́su ǀ bhadrā́ ǀ dráviṇāni ǀ dhatta ǀ
    imám ǀ yajñám ǀ nayata ǀ devátā ǀ naḥ ǀ ghṛtásya ǀ dhā́rāḥ ǀ mádhu-mat ǀ pavante ǁ

    abhi ǀ arṣata ǀ su-stutim ǀ gavyam ǀ ājim ǀ asmāsu ǀ bhadrā ǀ draviṇāni ǀ dhatta ǀ
    imam ǀ yajñam ǀ nayata ǀ devatā ǀ naḥ ǀ ghṛtasya ǀ dhārāḥ ǀ madhu-mat ǀ pavante ǁ

    4.58.10 Aṣṭaka 3.8.11.5Anuvāka 4.5.99Interpretations

11. Ṛk 11

    धामं॑ते॒ विश्वं॒ भुव॑न॒मधि॑ श्रि॒तमं॒तः स॑मु॒द्रे हृ॒द्यं१॒॑तरायु॑षि ।
    अ॒पामनी॑के समि॒थे य आभृ॑त॒स्तम॑श्याम॒ मधु॑मंतं त ऊ॒र्मिं ॥

    धामन् ते विश्वम् भुवनम् अधि श्रितम् अन्तः समुद्रे हृद्य् अन्तर् आयुषि |
    अपाम् अनीके समिथे य आभृतस् तम् अश्याम मधुमन्तं त ऊर्मिम् ||

    dhā́mante víśvam bhúvanamádhi śritámantáḥ samudré hṛdyántárā́yuṣi ǀ
    apā́mánīke samithé yá ā́bhṛtastámaśyāma mádhumantam ta ūrmím ǁ

    dhāman te viśvam bhuvanam adhi śritam antaḥ samudre hṛdy antar āyuṣi |
    apām anīke samithe ya ābhṛtas tam aśyāma madhumantaṃ ta ūrmim ||

    धाम॑न् । ते॒ । विश्व॑म् । भुव॑नम् । अधि॑ । श्रि॒तम् । अ॒न्तरिति॑ । स॒मु॒द्रे । हृ॒दि । अ॒न्तः । आयु॑षि ।
    अ॒पाम् । अनी॑के । स॒म्ऽइ॒थे । यः । आऽभृ॑तः । तम् । अ॒श्या॒म॒ । मधु॑ऽमन्तम् । ते॒ । ऊ॒र्मिम् ॥

    धामन् । ते । विश्वम् । भुवनम् । अधि । श्रितम् । अन्तरिति । समुद्रे । हृदि । अन्तः । आयुषि ।
    अपाम् । अनीके । सम्ऽइथे । यः । आऽभृतः । तम् । अश्याम । मधुऽमन्तम् । ते । ऊर्मिम् ॥

    dhā́man ǀ te ǀ víśvam ǀ bhúvanam ǀ ádhi ǀ śritám ǀ antáríti ǀ samudré ǀ hṛdí ǀ antáḥ ǀ ā́yuṣi ǀ
    apā́m ǀ ánīke ǀ sam-ithé ǀ yáḥ ǀ ā́-bhṛtaḥ ǀ tám ǀ aśyāma ǀ mádhu-mantam ǀ te ǀ ūrmím ǁ

    dhāman ǀ te ǀ viśvam ǀ bhuvanam ǀ adhi ǀ śritam ǀ antariti ǀ samudre ǀ hṛdi ǀ antaḥ ǀ āyuṣi ǀ
    apām ǀ anīke ǀ sam-ithe ǀ yaḥ ǀ ā-bhṛtaḥ ǀ tam ǀ aśyāma ǀ madhu-mantam ǀ te ǀ ūrmim ǁ

    4.58.11 Aṣṭaka 3.8.11.6Anuvāka 4.5.100Interpretations

Text, recitation and interpretations from the Ṛgveda database of theveda.org.in.