Devatā देवता

Ṛbhus

Ṛṣi ऋषि

Vāmadeva Gautama

Chandas छन्दस्

Triṣṭubh

1. Ṛk 1

   ऋ॒भुर्विभ्वा॒ वाज॒ इंद्रो॑ नो॒ अच्छे॒मं य॒ज्ञं र॑त्न॒धेयोप॑ यात ।
   इ॒दा हि वो॑ धि॒षणा॑ दे॒व्यह्ना॒मधा॑त्पी॒तिं सं मदा॑ अग्मता वः ॥

   ऋभुर् विभ्वा वाज इन्द्रो नो अच्छेमं यज्ञं रत्नधेयोप यात |
   इदा हि वो धिषणा देव्य् अह्नाम् अधात् पीतिं सम् मदा अग्मता वः ||

   ṛbhúrvíbhvā vā́ja índro no ácchemám yajñám ratnadhéyópa yāta ǀ
   idā́ hí vo dhiṣáṇā devyáhnāmádhātpītím sám mádā agmatā vaḥ ǁ

   ṛbhur vibhvā vāja indro no acchemaṃ yajñaṃ ratnadheyopa yāta |
   idā hi vo dhiṣaṇā devy ahnām adhāt pītiṃ sam madā agmatā vaḥ ||

   ऋ॒भुः । विऽभ्वा॑ । वाजः॑ । इन्द्रः॑ । नः॒ । अच्छ॑ । इ॒मम् । य॒ज्ञम् । र॒त्न॒ऽधेया॑ । उप॑ । या॒त॒ ।
   इ॒दा । हि । वः॒ । धि॒षणा॑ । दे॒वी । अह्ना॑म् । अधा॑त् । पी॒तिम् । सम् । मदाः॑ । अ॒ग्म॒त॒ । वः॒ ॥

   ऋभुः । विऽभ्वा । वाजः । इन्द्रः । नः । अच्छ । इमम् । यज्ञम् । रत्नऽधेया । उप । यात ।
   इदा । हि । वः । धिषणा । देवी । अह्नाम् । अधात् । पीतिम् । सम् । मदाः । अग्मत । वः ॥

   ṛbhúḥ ǀ ví-bhvā ǀ vā́jaḥ ǀ índraḥ ǀ naḥ ǀ áccha ǀ imám ǀ yajñám ǀ ratna-dhéyā ǀ úpa ǀ yāta ǀ
   idā́ ǀ hí ǀ vaḥ ǀ dhiṣáṇā ǀ devī́ ǀ áhnām ǀ ádhāt ǀ pītím ǀ sám ǀ mádāḥ ǀ agmata ǀ vaḥ ǁ

   ṛbhuḥ ǀ vi-bhvā ǀ vājaḥ ǀ indraḥ ǀ naḥ ǀ accha ǀ imam ǀ yajñam ǀ ratna-dheyā ǀ upa ǀ yāta ǀ
   idā ǀ hi ǀ vaḥ ǀ dhiṣaṇā ǀ devī ǀ ahnām ǀ adhāt ǀ pītim ǀ sam ǀ madāḥ ǀ agmata ǀ vaḥ ǁ

   4.34.1 Aṣṭaka 3.7.3.1Anuvāka 4.4.12Interpretations

2. Ṛk 2

   वि॒दा॒नासो॒ जन्म॑नो वाजरत्ना उ॒त ऋ॒तुभि॑र्ऋभवो मादयध्वं ।
   सं वो॒ मदा॒ अग्म॑त॒ सं पुरं॑धिः सु॒वीरा॑म॒स्मे र॒यिमेर॑यध्वं ॥

   विदानासो जन्मनो वाजरत्ना उत ऋतुभिर् ऋभवो मादयध्वम् |
   सं वो मदा अग्मत सम् पुरन्धिः सुवीराम् अस्मे रयिम् एरयध्वम् ||

   vidānā́so jánmano vājaratnā utá ṛtúbhirṛbhavo mādayadhvam ǀ
   sám vo mádā ágmata sám púraṃdhiḥ suvī́rāmasmé rayímérayadhvam ǁ

   vidānāso janmano vājaratnā uta ṛtubhir ṛbhavo mādayadhvam |
   saṃ vo madā agmata sam purandhiḥ suvīrām asme rayim erayadhvam ||

   वि॒दा॒नासः॑ । जन्म॑नः । वा॒ज॒ऽर॒त्नाः॒ । उ॒त । ऋ॒तुऽभिः॑ । ऋ॒भ॒वः॒ । मा॒द॒य॒ध्व॒म् ।
   सम् । वः॒ । मदाः॑ । अग्म॑त । सम् । पुर॑म्ऽधिः । सु॒ऽवीरा॑म् । अ॒स्मे इति॑ । र॒यिम् । आ । ई॒र॒य॒ध्व॒म् ॥

   विदानासः । जन्मनः । वाजऽरत्नाः । उत । ऋतुऽभिः । ऋभवः । मादयध्वम् ।
   सम् । वः । मदाः । अग्मत । सम् । पुरम्ऽधिः । सुऽवीराम् । अस्मे इति । रयिम् । आ । ईरयध्वम् ॥

   vidānā́saḥ ǀ jánmanaḥ ǀ vāja-ratnāḥ ǀ utá ǀ ṛtú-bhiḥ ǀ ṛbhavaḥ ǀ mādayadhvam ǀ
   sám ǀ vaḥ ǀ mádāḥ ǀ ágmata ǀ sám ǀ púram-dhiḥ ǀ su-vī́rām ǀ asmé íti ǀ rayím ǀ ā́ ǀ īrayadhvam ǁ

   vidānāsaḥ ǀ janmanaḥ ǀ vāja-ratnāḥ ǀ uta ǀ ṛtu-bhiḥ ǀ ṛbhavaḥ ǀ mādayadhvam ǀ
   sam ǀ vaḥ ǀ madāḥ ǀ agmata ǀ sam ǀ puram-dhiḥ ǀ su-vīrām ǀ asme iti ǀ rayim ǀ ā ǀ īrayadhvam ǁ

   4.34.2 Aṣṭaka 3.7.3.2Anuvāka 4.4.13Interpretations

3. Ṛk 3

   अ॒यं वो॑ य॒ज्ञ ऋ॑भवोऽकारि॒ यमा म॑नु॒ष्वत्प्र॒दिवो॑ दधि॒ध्वे ।
   प्र वोऽच्छा॑ जुजुषा॒णासो॑ अस्थु॒रभू॑त॒ विश्वे॑ अग्रि॒योत वा॑जाः ॥

   अयं वो यज्ञ ऋभवो ऽकारि यम् आ मनुष्वत् प्रदिवो दधिध्वे |
   प्र वो ऽच्छा जुजुषाणासो अस्थुर् अभूत विश्वे अग्रियोत वाजाः ||

   ayám vo yajñá ṛbhavo’kāri yámā́ manuṣvátpradívo dadhidhvé ǀ
   prá vó’cchā jujuṣāṇā́so asthurábhūta víśve agriyótá vājāḥ ǁ

   ayaṃ vo yajña ṛbhavo 'kāri yam ā manuṣvat pradivo dadhidhve |
   pra vo 'cchā jujuṣāṇāso asthur abhūta viśve agriyota vājāḥ ||

   अ॒यम् । वः॒ । य॒ज्ञः । ऋ॒भ॒वः॒ । अ॒का॒रि॒ । यम् । आ । म॒नु॒ष्वत् । प्र॒ऽदिवः॑ । द॒धि॒ध्वे ।
   प्र । वः॒ । अच्छ॑ । जु॒जु॒षा॒णासः॑ । अ॒स्थुः॒ । अभू॑त । विश्वे॑ । अ॒ग्रि॒या । उ॒त । वा॒जाः॒ ॥

   अयम् । वः । यज्ञः । ऋभवः । अकारि । यम् । आ । मनुष्वत् । प्रऽदिवः । दधिध्वे ।
   प्र । वः । अच्छ । जुजुषाणासः । अस्थुः । अभूत । विश्वे । अग्रिया । उत । वाजाः ॥

   ayám ǀ vaḥ ǀ yajñáḥ ǀ ṛbhavaḥ ǀ akāri ǀ yám ǀ ā́ ǀ manuṣvát ǀ pra-dívaḥ ǀ dadhidhvé ǀ
   prá ǀ vaḥ ǀ áccha ǀ jujuṣāṇā́saḥ ǀ asthuḥ ǀ ábhūta ǀ víśve ǀ agriyā́ ǀ utá ǀ vājāḥ ǁ

   ayam ǀ vaḥ ǀ yajñaḥ ǀ ṛbhavaḥ ǀ akāri ǀ yam ǀ ā ǀ manuṣvat ǀ pra-divaḥ ǀ dadhidhve ǀ
   pra ǀ vaḥ ǀ accha ǀ jujuṣāṇāsaḥ ǀ asthuḥ ǀ abhūta ǀ viśve ǀ agriyā ǀ uta ǀ vājāḥ ǁ

   4.34.3 Aṣṭaka 3.7.3.3Anuvāka 4.4.14Interpretations

4. Ṛk 4

   अभू॑दु वो विध॒ते र॑त्न॒धेय॑मि॒दा न॑रो दा॒शुषे॒ मर्त्या॑य ।
   पिब॑त वाजा ऋभवो द॒दे वो॒ महि॑ तृ॒तीयं॒ सव॑नं॒ मदा॑य ॥

   अभूद् उ वो विधते रत्नधेयम् इदा नरो दाशुषे मर्त्याय |
   पिबत वाजा ऋभवो ददे वो महि तृतीयं सवनम् मदाय ||

   ábhūdu vo vidhaté ratnadhéyamidā́ naro dāśúṣe mártyāya ǀ
   píbata vājā ṛbhavo dadé vo máhi tṛtī́yam sávanam mádāya ǁ

   abhūd u vo vidhate ratnadheyam idā naro dāśuṣe martyāya |
   pibata vājā ṛbhavo dade vo mahi tṛtīyaṃ savanam madāya ||

   अभू॑त् । ऊं॒ इति॑ । वः॒ । वि॒ध॒ते । र॒त्न॒ऽधेय॑म् । इ॒दा । न॒रः॒ । दा॒शुषे॑ । मर्त्या॑य ।
   पिब॑त । वा॒जाः॒ । ऋ॒भ॒वः॒ । द॒दे । वः॒ । महि॑ । तृ॒तीय॑म् । सव॑नम् । मदा॑य ॥

   अभूत् । ऊं इति । वः । विधते । रत्नऽधेयम् । इदा । नरः । दाशुषे । मर्त्याय ।
   पिबत । वाजाः । ऋभवः । ददे । वः । महि । तृतीयम् । सवनम् । मदाय ॥

   ábhūt ǀ ūṃ íti ǀ vaḥ ǀ vidhaté ǀ ratna-dhéyam ǀ idā́ ǀ naraḥ ǀ dāśúṣe ǀ mártyāya ǀ
   píbata ǀ vājāḥ ǀ ṛbhavaḥ ǀ dadé ǀ vaḥ ǀ máhi ǀ tṛtī́yam ǀ sávanam ǀ mádāya ǁ

   abhūt ǀ ūṃ iti ǀ vaḥ ǀ vidhate ǀ ratna-dheyam ǀ idā ǀ naraḥ ǀ dāśuṣe ǀ martyāya ǀ
   pibata ǀ vājāḥ ǀ ṛbhavaḥ ǀ dade ǀ vaḥ ǀ mahi ǀ tṛtīyam ǀ savanam ǀ madāya ǁ

   4.34.4 Aṣṭaka 3.7.3.4Anuvāka 4.4.15Interpretations

5. Ṛk 5

   आ वा॑जा या॒तोप॑ न ऋभुक्षा म॒हो न॑रो॒ द्रवि॑णसो गृणा॒नाः ।
   आ वः॑ पी॒तयो॑ऽभिपि॒त्वे अह्ना॑मि॒मा अस्तं॑ नव॒स्व॑ इव ग्मन् ॥

   आ वाजा यातोप न ऋभुक्षा महो नरो द्रविणसो गृणानाः |
   आ वः पीतयो ऽभिपित्वे अह्नाम् इमा अस्तं नवस्व इव ग्मन् ||

   ā́ vājā yātópa na ṛbhukṣā mahó naro dráviṇaso gṛṇānā́ḥ ǀ
   ā́ vaḥ pītáyo’bhipitvé áhnāmimā́ ástam navasvá iva gman ǁ

   ā vājā yātopa na ṛbhukṣā maho naro draviṇaso gṛṇānāḥ |
   ā vaḥ pītayo 'bhipitve ahnām imā astaṃ navasva iva gman ||

   आ । वा॒जाः॒ । या॒त॒ । उप॑ । नः॒ । ऋ॒भु॒क्षाः॒ । म॒हः । न॒रः॒ । द्रवि॑णसः । गृ॒णा॒नाः ।
   आ । वः॒ । पी॒तयः॑ । अ॒भि॒ऽपि॒त्वे । अह्ना॑म् । इ॒माः । अस्त॑म् । न॒व॒स्वः॑ऽइव । ग्म॒न् ॥

   आ । वाजाः । यात । उप । नः । ऋभुक्षाः । महः । नरः । द्रविणसः । गृणानाः ।
   आ । वः । पीतयः । अभिऽपित्वे । अह्नाम् । इमाः । अस्तम् । नवस्वःऽइव । ग्मन् ॥

   ā́ ǀ vājāḥ ǀ yāta ǀ úpa ǀ naḥ ǀ ṛbhukṣāḥ ǀ maháḥ ǀ naraḥ ǀ dráviṇasaḥ ǀ gṛṇānā́ḥ ǀ
   ā́ ǀ vaḥ ǀ pītáyaḥ ǀ abhi-pitvé ǀ áhnām ǀ imā́ḥ ǀ ástam ǀ navasváḥ-iva ǀ gman ǁ

   ā ǀ vājāḥ ǀ yāta ǀ upa ǀ naḥ ǀ ṛbhukṣāḥ ǀ mahaḥ ǀ naraḥ ǀ draviṇasaḥ ǀ gṛṇānāḥ ǀ
   ā ǀ vaḥ ǀ pītayaḥ ǀ abhi-pitve ǀ ahnām ǀ imāḥ ǀ astam ǀ navasvaḥ-iva ǀ gman ǁ

   4.34.5 Aṣṭaka 3.7.3.5Anuvāka 4.4.16Interpretations

6. Ṛk 6

   आ न॑पातः शवसो यात॒नोपे॒मं य॒ज्ञं नम॑सा हू॒यमा॑नाः ।
   स॒जोष॑सः सूरयो॒ यस्य॑ च॒ स्थ मध्वः॑ पात रत्न॒धा इंद्र॑वंतः ॥

   आ नपातः शवसो यातनोपेमं यज्ञं नमसा हूयमानाः |
   सजोषसः सूरयो यस्य च स्थ मध्वः पात रत्नधा इन्द्रवन्तः ||

   ā́ napātaḥ śavaso yātanópemám yajñám námasā hūyámānāḥ ǀ
   sajóṣasaḥ sūrayo yásya ca sthá mádhvaḥ pāta ratnadhā́ índravantaḥ ǁ

   ā napātaḥ śavaso yātanopemaṃ yajñaṃ namasā hūyamānāḥ |
   sajoṣasaḥ sūrayo yasya ca stha madhvaḥ pāta ratnadhā indravantaḥ ||

   आ । न॒पा॒तः॒ । श॒व॒सः॒ । या॒त॒न॒ । उप॑ । इ॒मम् । य॒ज्ञम् । नम॑सा । हू॒यमा॑नाः ।
   स॒ऽजोष॑सः । सू॒र॒यः॒ । यस्य॑ । च॒ । स्थ । मध्वः॑ । पा॒त॒ । र॒त्न॒ऽधाः । इन्द्र॑ऽवन्तः ॥

   आ । नपातः । शवसः । यातन । उप । इमम् । यज्ञम् । नमसा । हूयमानाः ।
   सऽजोषसः । सूरयः । यस्य । च । स्थ । मध्वः । पात । रत्नऽधाः । इन्द्रऽवन्तः ॥

   ā́ ǀ napātaḥ ǀ śavasaḥ ǀ yātana ǀ úpa ǀ imám ǀ yajñám ǀ námasā ǀ hūyámānāḥ ǀ
   sa-jóṣasaḥ ǀ sūrayaḥ ǀ yásya ǀ ca ǀ sthá ǀ mádhvaḥ ǀ pāta ǀ ratna-dhā́ḥ ǀ índra-vantaḥ ǁ

   ā ǀ napātaḥ ǀ śavasaḥ ǀ yātana ǀ upa ǀ imam ǀ yajñam ǀ namasā ǀ hūyamānāḥ ǀ
   sa-joṣasaḥ ǀ sūrayaḥ ǀ yasya ǀ ca ǀ stha ǀ madhvaḥ ǀ pāta ǀ ratna-dhāḥ ǀ indra-vantaḥ ǁ

   4.34.6 Aṣṭaka 3.7.4.1Anuvāka 4.4.17Interpretations

7. Ṛk 7

   स॒जोषा॑ इंद्र॒ वरु॑णेन॒ सोमं॑ स॒जोषाः॑ पाहि गिर्वणो म॒रुद्भिः॑ ।
   अ॒ग्रे॒पाभि॑र्ऋतु॒पाभिः॑ स॒जोषा॒ ग्नास्पत्नी॑भी रत्न॒धाभिः॑ स॒जोषाः॑ ॥

   सजोषा इन्द्र वरुणेन सोमं सजोषाः पाहि गिर्वणो मरुद्भिः |
   अग्रेपाभिर् ऋतुपाभिः सजोषा ग्नास्पत्नीभी रत्नधाभिः सजोषाः ||

   sajóṣā indra váruṇena sómam sajóṣāḥ pāhi girvaṇo marúdbhiḥ ǀ
   agrepā́bhirṛtupā́bhiḥ sajóṣā gnā́spátnībhī ratnadhā́bhiḥ sajóṣāḥ ǁ

   sajoṣā indra varuṇena somaṃ sajoṣāḥ pāhi girvaṇo marudbhiḥ |
   agrepābhir ṛtupābhiḥ sajoṣā gnāspatnībhī ratnadhābhiḥ sajoṣāḥ ||

   स॒ऽजोषाः॑ । इ॒न्द्र॒ । वरु॑णेन । सोम॑म् । स॒ऽजोषाः॑ । पा॒हि॒ । गि॒र्व॒णः॒ । म॒रुत्ऽभिः॑ ।
   अ॒ग्रे॒ऽपाभिः॑ । ऋ॒तु॒ऽपाभिः॑ । स॒ऽजोषाः॑ । ग्नाःपत्नी॑भिः । र॒त्न॒ऽधाभिः॑ । स॒ऽजोषाः॑ ॥

   सऽजोषाः । इन्द्र । वरुणेन । सोमम् । सऽजोषाः । पाहि । गिर्वणः । मरुत्ऽभिः ।
   अग्रेऽपाभिः । ऋतुऽपाभिः । सऽजोषाः । ग्नाःपत्नीभिः । रत्नऽधाभिः । सऽजोषाः ॥

   sa-jóṣāḥ ǀ indra ǀ váruṇena ǀ sómam ǀ sa-jóṣāḥ ǀ pāhi ǀ girvaṇaḥ ǀ marút-bhiḥ ǀ
   agre-pā́bhiḥ ǀ ṛtu-pā́bhiḥ ǀ sa-jóṣāḥ ǀ gnā́ḥpátnībhiḥ ǀ ratna-dhā́bhiḥ ǀ sa-jóṣāḥ ǁ

   sa-joṣāḥ ǀ indra ǀ varuṇena ǀ somam ǀ sa-joṣāḥ ǀ pāhi ǀ girvaṇaḥ ǀ marut-bhiḥ ǀ
   agre-pābhiḥ ǀ ṛtu-pābhiḥ ǀ sa-joṣāḥ ǀ gnāḥpatnībhiḥ ǀ ratna-dhābhiḥ ǀ sa-joṣāḥ ǁ

   4.34.7 Aṣṭaka 3.7.4.2Anuvāka 4.4.18Interpretations

8. Ṛk 8

   स॒जोष॑स आदि॒त्यैर्मा॑दयध्वं स॒जोष॑स ऋभवः॒ पर्व॑तेभिः ।
   स॒जोष॑सो॒ दैव्ये॑ना सवि॒त्रा स॒जोष॑सः॒ सिंधु॑भी रत्न॒धेभिः॑ ॥

   सजोषस आदित्यैर् मादयध्वं सजोषस ऋभवः पर्वतेभिः |
   सजोषसो दैव्येना सवित्रा सजोषसः सिन्धुभी रत्नधेभिः ||

   sajóṣasa ādityáirmādayadhvam sajóṣasa ṛbhavaḥ párvatebhiḥ ǀ
   sajóṣaso dáivyenā savitrā́ sajóṣasaḥ síndhubhī ratnadhébhiḥ ǁ

   sajoṣasa ādityair mādayadhvaṃ sajoṣasa ṛbhavaḥ parvatebhiḥ |
   sajoṣaso daivyenā savitrā sajoṣasaḥ sindhubhī ratnadhebhiḥ ||

   स॒ऽजोष॑सः । आ॒दि॒त्यैः । मा॒द॒य॒ध्व॒म् । स॒ऽजोष॑सः । ऋ॒भ॒वः॒ । पर्व॑तेभिः ।
   स॒ऽजोष॑सः । दैव्ये॑न । स॒वि॒त्रा । स॒ऽजोष॑सः । सिन्धु॑ऽभिः । र॒त्न॒ऽधेभिः॑ ॥

   सऽजोषसः । आदित्यैः । मादयध्वम् । सऽजोषसः । ऋभवः । पर्वतेभिः ।
   सऽजोषसः । दैव्येन । सवित्रा । सऽजोषसः । सिन्धुऽभिः । रत्नऽधेभिः ॥

   sa-jóṣasaḥ ǀ ādityáiḥ ǀ mādayadhvam ǀ sa-jóṣasaḥ ǀ ṛbhavaḥ ǀ párvatebhiḥ ǀ
   sa-jóṣasaḥ ǀ dáivyena ǀ savitrā́ ǀ sa-jóṣasaḥ ǀ síndhu-bhiḥ ǀ ratna-dhébhiḥ ǁ

   sa-joṣasaḥ ǀ ādityaiḥ ǀ mādayadhvam ǀ sa-joṣasaḥ ǀ ṛbhavaḥ ǀ parvatebhiḥ ǀ
   sa-joṣasaḥ ǀ daivyena ǀ savitrā ǀ sa-joṣasaḥ ǀ sindhu-bhiḥ ǀ ratna-dhebhiḥ ǁ

   4.34.8 Aṣṭaka 3.7.4.3Anuvāka 4.4.19Interpretations

9. Ṛk 9

   ये अ॒श्विना॒ ये पि॒तरा॒ य ऊ॒ती धे॒नुं त॑त॒क्षुर्ऋ॒भवो॒ ये अश्वा॑ ।
   ये अंस॑त्रा॒ य ऋध॒ग्रोद॑सी॒ ये विभ्वो॒ नरः॑ स्वप॒त्यानि॑ च॒क्रुः ॥

   ये अश्विना ये पितरा य ऊती धेनुं ततक्षुर् ऋभवो ये अश्वा |
   ये अंसत्रा य ऋधग् रोदसी ये विभ्वो नरः स्वपत्यानि चक्रुः ||

   yé aśvínā yé pitárā yá ūtī́ dhenúm tatakṣúrṛbhávo yé áśvā ǀ
   yé áṃsatrā yá ṛ́dhagródasī yé víbhvo náraḥ svapatyā́ni cakrúḥ ǁ

   ye aśvinā ye pitarā ya ūtī dhenuṃ tatakṣur ṛbhavo ye aśvā |
   ye aṃsatrā ya ṛdhag rodasī ye vibhvo naraḥ svapatyāni cakruḥ ||

   ये । अ॒श्विना॑ । ये । पि॒तरा॑ । ये । ऊ॒ती । धे॒नुम् । त॒त॒क्षुः । ऋ॒भवः॑ । ये । अश्वा॑ ।
   ये । अंस॑त्रा । ये । ऋध॑क् । रोद॑सी॒ इति॑ । ये । विऽभ्वः॑ । नरः॑ । सु॒ऽअ॒प॒त्यानि॑ । च॒क्रुः ॥

   ये । अश्विना । ये । पितरा । ये । ऊती । धेनुम् । ततक्षुः । ऋभवः । ये । अश्वा ।
   ये । अंसत्रा । ये । ऋधक् । रोदसी इति । ये । विऽभ्वः । नरः । सुऽअपत्यानि । चक्रुः ॥

   yé ǀ aśvínā ǀ yé ǀ pitárā ǀ yé ǀ ūtī́ ǀ dhenúm ǀ tatakṣúḥ ǀ ṛbhávaḥ ǀ yé ǀ áśvā ǀ
   yé ǀ áṃsatrā ǀ yé ǀ ṛ́dhak ǀ ródasī íti ǀ yé ǀ ví-bhvaḥ ǀ náraḥ ǀ su-apatyā́ni ǀ cakrúḥ ǁ

   ye ǀ aśvinā ǀ ye ǀ pitarā ǀ ye ǀ ūtī ǀ dhenum ǀ tatakṣuḥ ǀ ṛbhavaḥ ǀ ye ǀ aśvā ǀ
   ye ǀ aṃsatrā ǀ ye ǀ ṛdhak ǀ rodasī iti ǀ ye ǀ vi-bhvaḥ ǀ naraḥ ǀ su-apatyāni ǀ cakruḥ ǁ

   4.34.9 Aṣṭaka 3.7.4.4Anuvāka 4.4.20Interpretations

10. Ṛk 10

    ये गोमं॑तं॒ वाज॑वंतं सु॒वीरं॑ र॒यिं ध॒त्थ वसु॑मंतं पुरु॒क्षुं ।
    ते अ॑ग्रे॒पा ऋ॑भवो मंदसा॒ना अ॒स्मे ध॑त्त॒ ये च॑ रा॒तिं गृ॒णंति॑ ॥

    ये गोमन्तं वाजवन्तं सुवीरं रयिं धत्थ वसुमन्तम् पुरुक्षुम् |
    ते अग्रेपा ऋभवो मन्दसाना अस्मे धत्त ये च रातिं गृणन्ति ||

    yé gómantam vā́javantam suvī́ram rayím dhatthá vásumantam purukṣúm ǀ
    té agrepā́ ṛbhavo mandasānā́ asmé dhatta yé ca rātím gṛṇánti ǁ

    ye gomantaṃ vājavantaṃ suvīraṃ rayiṃ dhattha vasumantam purukṣum |
    te agrepā ṛbhavo mandasānā asme dhatta ye ca rātiṃ gṛṇanti ||

    ये । गोऽम॑न्तम् । वाज॑ऽवन्तम् । सु॒ऽवीर॑म् । र॒यिम् । ध॒त्थ । वसु॑ऽमन्तम् । पु॒रु॒ऽक्षुम् ।
    ते । अ॒ग्रे॒ऽपाः । ऋ॒भ॒वः॒ । म॒न्द॒सा॒नाः । अ॒स्मे इति॑ । ध॒त्त॒ । ये । च॒ । रा॒तिम् । गृ॒णन्ति॑ ॥

    ये । गोऽमन्तम् । वाजऽवन्तम् । सुऽवीरम् । रयिम् । धत्थ । वसुऽमन्तम् । पुरुऽक्षुम् ।
    ते । अग्रेऽपाः । ऋभवः । मन्दसानाः । अस्मे इति । धत्त । ये । च । रातिम् । गृणन्ति ॥

    yé ǀ gó-mantam ǀ vā́ja-vantam ǀ su-vī́ram ǀ rayím ǀ dhatthá ǀ vásu-mantam ǀ puru-kṣúm ǀ
    té ǀ agre-pā́ḥ ǀ ṛbhavaḥ ǀ mandasānā́ḥ ǀ asmé íti ǀ dhatta ǀ yé ǀ ca ǀ rātím ǀ gṛṇánti ǁ

    ye ǀ go-mantam ǀ vāja-vantam ǀ su-vīram ǀ rayim ǀ dhattha ǀ vasu-mantam ǀ puru-kṣum ǀ
    te ǀ agre-pāḥ ǀ ṛbhavaḥ ǀ mandasānāḥ ǀ asme iti ǀ dhatta ǀ ye ǀ ca ǀ rātim ǀ gṛṇanti ǁ

    4.34.10 Aṣṭaka 3.7.4.5Anuvāka 4.4.21Interpretations

11. Ṛk 11

    नापा॑भूत॒ न वो॑ऽतीतृषा॒मानिः॑शस्ता ऋभवो य॒ज्ञे अ॒स्मिन् ।
    समिंद्रे॑ण॒ मद॑थ॒ सं म॒रुद्भिः॒ सं राज॑भी रत्न॒धेया॑य देवाः ॥

    नापाभूत न वो ऽतीतृषामानिःशस्ता ऋभवो यज्ञे अस्मिन् |
    सम् इन्द्रेण मदथ सम् मरुद्भिः सं राजभी रत्नधेयाय देवाः ||

    nā́pābhūta ná vo’tītṛṣāmā́niḥśastā ṛbhavo yajñé asmín ǀ
    sámíndreṇa mádatha sám marúdbhiḥ sám rā́jabhī ratnadhéyāya devāḥ ǁ

    nāpābhūta na vo 'tītṛṣāmāniḥśastā ṛbhavo yajñe asmin |
    sam indreṇa madatha sam marudbhiḥ saṃ rājabhī ratnadheyāya devāḥ ||

    न । अप॑ । अ॒भू॒त॒ । न । वः॒ । अ॒ती॒तृ॒षा॒म॒ । अनिः॑ऽशस्ताः । ऋ॒भ॒वः॒ । य॒ज्ञे । अ॒स्मिन् ।
    सम् । इन्द्रे॑ण । मद॑थ । सम् । म॒रुत्ऽभिः॑ । सम् । राज॑ऽभिः । र॒त्न॒ऽधेया॑य । दे॒वाः॒ ॥

    न । अप । अभूत । न । वः । अतीतृषाम । अनिःऽशस्ताः । ऋभवः । यज्ञे । अस्मिन् ।
    सम् । इन्द्रेण । मदथ । सम् । मरुत्ऽभिः । सम् । राजऽभिः । रत्नऽधेयाय । देवाः ॥

    ná ǀ ápa ǀ abhūta ǀ ná ǀ vaḥ ǀ atītṛṣāma ǀ ániḥ-śastāḥ ǀ ṛbhavaḥ ǀ yajñé ǀ asmín ǀ
    sám ǀ índreṇa ǀ mádatha ǀ sám ǀ marút-bhiḥ ǀ sám ǀ rā́ja-bhiḥ ǀ ratna-dhéyāya ǀ devāḥ ǁ

    na ǀ apa ǀ abhūta ǀ na ǀ vaḥ ǀ atītṛṣāma ǀ aniḥ-śastāḥ ǀ ṛbhavaḥ ǀ yajñe ǀ asmin ǀ
    sam ǀ indreṇa ǀ madatha ǀ sam ǀ marut-bhiḥ ǀ sam ǀ rāja-bhiḥ ǀ ratna-dheyāya ǀ devāḥ ǁ

    4.34.11 Aṣṭaka 3.7.4.6Anuvāka 4.4.22Interpretations

Text, recitation and interpretations from the Ṛgveda database of theveda.org.in.