Devatā देवता

Indra, Varuṇa

Ṛṣi ऋषि

Vāmadeva Gautama

Chandas छन्दस्

Triṣṭubh

1. Ṛk 1

   इंद्रा॒ को वां॑ वरुणा सु॒म्नमा॑प॒ स्तोमो॑ ह॒विष्माँ॑ अ॒मृतो॒ न होता॑ ।
   यो वां॑ हृ॒दि क्रतु॑माँ अ॒स्मदु॒क्तः प॒स्पर्श॑दिंद्रावरुणा॒ नम॑स्वान् ॥

   इन्द्रा को वां वरुणा सुम्नम् आप स्तोमो हविष्मां अमृतो न होता |
   यो वां हृदि क्रतुमां अस्मद् उक्तः पस्पर्शद् इन्द्रावरुणा नमस्वान् ||

   índrā kó vām varuṇā sumnámāpa stómo havíṣmām̐ amṛ́to ná hótā ǀ
   yó vām hṛdí krátumām̐ asmáduktáḥ paspárśadindrāvaruṇā námasvān ǁ

   indrā ko vāṃ varuṇā sumnam āpa stomo haviṣmāṃ amṛto na hotā |
   yo vāṃ hṛdi kratumāṃ asmad uktaḥ pasparśad indrāvaruṇā namasvān ||

   इन्द्रा॑ । कः । वा॒म् । व॒रु॒णा॒ । सु॒म्नम् । आ॒प॒ । स्तोमः॑ । ह॒विष्मा॑न् । अ॒मृतः॑ । न । होता॑ ।
   यः । वा॒म् । हृ॒दि । क्रतु॑ऽमान् । अ॒स्मत् । उ॒क्तः । प॒स्पर्श॑त् । इ॒न्द्रा॒व॒रु॒णा॒ । नम॑स्वान् ॥

   इन्द्रा । कः । वाम् । वरुणा । सुम्नम् । आप । स्तोमः । हविष्मान् । अमृतः । न । होता ।
   यः । वाम् । हृदि । क्रतुऽमान् । अस्मत् । उक्तः । पस्पर्शत् । इन्द्रावरुणा । नमस्वान् ॥

   índrā ǀ káḥ ǀ vām ǀ varuṇā ǀ sumnám ǀ āpa ǀ stómaḥ ǀ havíṣmān ǀ amṛ́taḥ ǀ ná ǀ hótā ǀ
   yáḥ ǀ vām ǀ hṛdí ǀ krátu-mān ǀ asmát ǀ uktáḥ ǀ paspárśat ǀ indrāvaruṇā ǀ námasvān ǁ

   indrā ǀ kaḥ ǀ vām ǀ varuṇā ǀ sumnam ǀ āpa ǀ stomaḥ ǀ haviṣmān ǀ amṛtaḥ ǀ na ǀ hotā ǀ
   yaḥ ǀ vām ǀ hṛdi ǀ kratu-mān ǀ asmat ǀ uktaḥ ǀ pasparśat ǀ indrāvaruṇā ǀ namasvān ǁ

   4.41.1 Aṣṭaka 3.7.15.1Anuvāka 4.4.70Interpretations

2. Ṛk 2

   इंद्रा॑ ह॒ यो वरु॑णा च॒क्र आ॒पी दे॒वौ मर्तः॑ स॒ख्याय॒ प्रय॑स्वान् ।
   स हं॑ति वृ॒त्रा स॑मि॒थेषु॒ शत्रू॒नवो॑भिर्वा म॒हद्भिः॒ स प्र शृ॑ण्वे ॥

   इन्द्रा ह यो वरुणा चक्र आपी देवौ मर्तः सख्याय प्रयस्वान् |
   स हन्ति वृत्रा समिथेषु शत्रून् अवोभिर् वा महद्भिः स प्र शृण्वे ||

   índrā ha yó váruṇā cakrá āpī́ deváu mártaḥ sakhyā́ya práyasvān ǀ
   sá hanti vṛtrā́ samithéṣu śátrūnávobhirvā mahádbhiḥ sá prá śṛṇve ǁ

   indrā ha yo varuṇā cakra āpī devau martaḥ sakhyāya prayasvān |
   sa hanti vṛtrā samitheṣu śatrūn avobhir vā mahadbhiḥ sa pra śṛṇve ||

   इन्द्रा॑ । ह॒ । यः । वरु॑णा । च॒क्रे । आ॒पी इति॑ । दे॒वौ । मर्तः॑ । स॒ख्याय॑ । प्रय॑स्वान् ।
   सः । ह॒न्ति॒ । वृ॒त्रा । स॒म्ऽइ॒थेषु॑ । शत्रू॑न् । अवः॑ऽभिः । वा॒ । म॒हत्ऽभिः॑ । सः । प्र । शृ॒ण्वे॒ ॥

   इन्द्रा । ह । यः । वरुणा । चक्रे । आपी इति । देवौ । मर्तः । सख्याय । प्रयस्वान् ।
   सः । हन्ति । वृत्रा । सम्ऽइथेषु । शत्रून् । अवःऽभिः । वा । महत्ऽभिः । सः । प्र । शृण्वे ॥

   índrā ǀ ha ǀ yáḥ ǀ váruṇā ǀ cakré ǀ āpī́ íti ǀ deváu ǀ mártaḥ ǀ sakhyā́ya ǀ práyasvān ǀ
   sáḥ ǀ hanti ǀ vṛtrā́ ǀ sam-ithéṣu ǀ śátrūn ǀ ávaḥ-bhiḥ ǀ vā ǀ mahát-bhiḥ ǀ sáḥ ǀ prá ǀ śṛṇve ǁ

   indrā ǀ ha ǀ yaḥ ǀ varuṇā ǀ cakre ǀ āpī iti ǀ devau ǀ martaḥ ǀ sakhyāya ǀ prayasvān ǀ
   saḥ ǀ hanti ǀ vṛtrā ǀ sam-itheṣu ǀ śatrūn ǀ avaḥ-bhiḥ ǀ vā ǀ mahat-bhiḥ ǀ saḥ ǀ pra ǀ śṛṇve ǁ

   4.41.2 Aṣṭaka 3.7.15.2Anuvāka 4.4.71Interpretations

3. Ṛk 3

   इंद्रा॑ ह॒ रत्नं॒ वरु॑णा॒ धेष्ठे॒त्था नृभ्यः॑ शशमा॒नेभ्य॒स्ता ।
   यदी॒ सखा॑या स॒ख्याय॒ सोमैः॑ सु॒तेभिः॑ सुप्र॒यसा॑ मा॒दयै॑ते ॥

   इन्द्रा ह रत्नं वरुणा धेष्ठेत्था नृभ्यः शशमानेभ्यस् ता |
   यदी सखाया सख्याय सोमैः सुतेभिः सुप्रयसा मादयैते ||

   índrā ha rátnam váruṇā dhéṣṭhetthā́ nṛ́bhyaḥ śaśamānébhyastā́ ǀ
   yádī sákhāyā sakhyā́ya sómaiḥ sutébhiḥ suprayásā mādáyaite ǁ

   indrā ha ratnaṃ varuṇā dheṣṭhetthā nṛbhyaḥ śaśamānebhyas tā |
   yadī sakhāyā sakhyāya somaiḥ sutebhiḥ suprayasā mādayaite ||

   इन्द्रा॑ । ह॒ । रत्न॑म् । वरु॑णा । धेष्ठा॑ । इ॒त्था । नृऽभ्यः॑ । श॒श॒मा॒नेभ्यः॑ । ता ।
   यदि॑ । सखा॑या । स॒ख्याय॑ । सोमैः॑ । सु॒तेभिः॑ । सु॒ऽप्र॒यसा॑ । मा॒दयै॑ते॒ इति॑ ॥

   इन्द्रा । ह । रत्नम् । वरुणा । धेष्ठा । इत्था । नृऽभ्यः । शशमानेभ्यः । ता ।
   यदि । सखाया । सख्याय । सोमैः । सुतेभिः । सुऽप्रयसा । मादयैते इति ॥

   índrā ǀ ha ǀ rátnam ǀ váruṇā ǀ dhéṣṭhā ǀ itthā́ ǀ nṛ́-bhyaḥ ǀ śaśamānébhyaḥ ǀ tā́ ǀ
   yádi ǀ sákhāyā ǀ sakhyā́ya ǀ sómaiḥ ǀ sutébhiḥ ǀ su-prayásā ǀ mādáyaite íti ǁ

   indrā ǀ ha ǀ ratnam ǀ varuṇā ǀ dheṣṭhā ǀ itthā ǀ nṛ-bhyaḥ ǀ śaśamānebhyaḥ ǀ tā ǀ
   yadi ǀ sakhāyā ǀ sakhyāya ǀ somaiḥ ǀ sutebhiḥ ǀ su-prayasā ǀ mādayaite iti ǁ

   4.41.3 Aṣṭaka 3.7.15.3Anuvāka 4.4.72Interpretations

4. Ṛk 4

   इंद्रा॑ यु॒वं व॑रुणा दि॒द्युम॑स्मि॒न्नोजि॑ष्ठमुग्रा॒ नि व॑धिष्टं॒ वज्रं॑ ।
   यो नो॑ दु॒रेवो॑ वृ॒कति॑र्द॒भीति॒स्तस्मि॑न्मिमाथाम॒भिभू॒त्योजः॑ ॥

   इन्द्रा युवं वरुणा दिद्युम् अस्मिन्न् ओजिष्ठम् उग्रा नि वधिष्टं वज्रम् |
   यो नो दुरेवो वृकतिर् दभीतिस् तस्मिन् मिमाथाम् अभिभूत्य् ओजः ||

   índrā yuvám varuṇā didyúmasminnójiṣṭhamugrā ní vadhiṣṭam vájram ǀ
   yó no durévo vṛkátirdabhī́tistásminmimāthāmabhíbhūtyójaḥ ǁ

   indrā yuvaṃ varuṇā didyum asminn ojiṣṭham ugrā ni vadhiṣṭaṃ vajram |
   yo no durevo vṛkatir dabhītis tasmin mimāthām abhibhūty ojaḥ ||

   इन्द्रा॑ । यु॒वम् । व॒रु॒णा॒ । दि॒द्युम् । अ॒स्मि॒न् । ओजि॑ष्ठम् । उ॒ग्रा॒ । नि । व॒धि॒ष्ट॒म् । वज्र॑म् ।
   यः । नः॒ । दुः॒ऽएवः॑ । वृ॒कतिः॑ । द॒भीतिः॑ । तस्मि॑न् । मि॒मा॒था॒म् । अ॒भिऽभू॑ति । ओजः॑ ॥

   इन्द्रा । युवम् । वरुणा । दिद्युम् । अस्मिन् । ओजिष्ठम् । उग्रा । नि । वधिष्टम् । वज्रम् ।
   यः । नः । दुःऽएवः । वृकतिः । दभीतिः । तस्मिन् । मिमाथाम् । अभिऽभूति । ओजः ॥

   índrā ǀ yuvám ǀ varuṇā ǀ didyúm ǀ asmin ǀ ójiṣṭham ǀ ugrā ǀ ní ǀ vadhiṣṭam ǀ vájram ǀ
   yáḥ ǀ naḥ ǀ duḥ-évaḥ ǀ vṛkátiḥ ǀ dabhī́tiḥ ǀ tásmin ǀ mimāthām ǀ abhí-bhūti ǀ ójaḥ ǁ

   indrā ǀ yuvam ǀ varuṇā ǀ didyum ǀ asmin ǀ ojiṣṭham ǀ ugrā ǀ ni ǀ vadhiṣṭam ǀ vajram ǀ
   yaḥ ǀ naḥ ǀ duḥ-evaḥ ǀ vṛkatiḥ ǀ dabhītiḥ ǀ tasmin ǀ mimāthām ǀ abhi-bhūti ǀ ojaḥ ǁ

   4.41.4 Aṣṭaka 3.7.15.4Anuvāka 4.4.73Interpretations

5. Ṛk 5

   इंद्रा॑ यु॒वं व॑रुणा भू॒तम॒स्या धि॒यः प्रे॒तारा॑ वृष॒भेव॑ धे॒नोः ।
   सा नो॑ दुहीय॒द्यव॑सेव ग॒त्वी स॒हस्र॑धारा॒ पय॑सा म॒ही गौः ॥

   इन्द्रा युवं वरुणा भूतम् अस्या धियः प्रेतारा वृषभेव धेनोः |
   सा नो दुहीयद् यवसेव गत्वी सहस्रधारा पयसा मही गौः ||

   índrā yuvám varuṇā bhūtámasyā́ dhiyáḥ pretā́rā vṛṣabhéva dhenóḥ ǀ
   sā́ no duhīyadyávaseva gatvī́ sahásradhārā páyasā mahī́ gáuḥ ǁ

   indrā yuvaṃ varuṇā bhūtam asyā dhiyaḥ pretārā vṛṣabheva dhenoḥ |
   sā no duhīyad yavaseva gatvī sahasradhārā payasā mahī gauḥ ||

   इन्द्रा॑ । यु॒वम् । व॒रु॒णा॒ । भू॒तम् । अ॒स्याः । धि॒यः । प्रे॒तारा॑ । वृ॒ष॒भाऽइ॑व । धे॒नोः ।
   सा । नः॒ । दु॒ही॒य॒त् । यव॑साऽइव । ग॒त्वी । स॒हस्र॑ऽधारा । पय॑सा । म॒ही । गौः ॥

   इन्द्रा । युवम् । वरुणा । भूतम् । अस्याः । धियः । प्रेतारा । वृषभाऽइव । धेनोः ।
   सा । नः । दुहीयत् । यवसाऽइव । गत्वी । सहस्रऽधारा । पयसा । मही । गौः ॥

   índrā ǀ yuvám ǀ varuṇā ǀ bhūtám ǀ asyā́ḥ ǀ dhiyáḥ ǀ pretā́rā ǀ vṛṣabhā́-iva ǀ dhenóḥ ǀ
   sā́ ǀ naḥ ǀ duhīyat ǀ yávasā-iva ǀ gatvī́ ǀ sahásra-dhārā ǀ páyasā ǀ mahī́ ǀ gáuḥ ǁ

   indrā ǀ yuvam ǀ varuṇā ǀ bhūtam ǀ asyāḥ ǀ dhiyaḥ ǀ pretārā ǀ vṛṣabhā-iva ǀ dhenoḥ ǀ
   sā ǀ naḥ ǀ duhīyat ǀ yavasā-iva ǀ gatvī ǀ sahasra-dhārā ǀ payasā ǀ mahī ǀ gauḥ ǁ

   4.41.5 Aṣṭaka 3.7.15.5Anuvāka 4.4.74Interpretations

6. Ṛk 6

   तो॒के हि॒ते तन॑य उ॒र्वरा॑सु॒ सूरो॒ दृशी॑के॒ वृष॑णश्च॒ पौंस्ये॑ ।
   इंद्रा॑ नो॒ अत्र॒ वरु॑णा स्याता॒मवो॑भिर्द॒स्मा परि॑तक्म्यायां ॥

   तोके हिते तनय उर्वरासु सूरो दृशीके वृषणश् च पौंस्ये |
   इन्द्रा नो अत्र वरुणा स्याताम् अवोभिर् दस्मा परितक्म्यायाम् ||

   toké hité tánaya urvárāsu sū́ro dṛ́śīke vṛ́ṣaṇaśca páuṃsye ǀ
   índrā no átra váruṇā syātāmávobhirdasmā́ páritakmyāyām ǁ

   toke hite tanaya urvarāsu sūro dṛśīke vṛṣaṇaś ca pauṃsye |
   indrā no atra varuṇā syātām avobhir dasmā paritakmyāyām ||

   तो॒के । हि॒ते । तन॑ये । उ॒र्वरा॑सु । सूरः॑ । दृशी॑के । वृष॑णः । च॒ । पौंस्ये॑ ।
   इन्द्रा॑ । नः॒ । अत्र॑ । वरु॑णा । स्या॒ता॒म् । अवः॑ऽभिः । द॒स्मा । परि॑ऽतक्म्यायाम् ॥

   तोके । हिते । तनये । उर्वरासु । सूरः । दृशीके । वृषणः । च । पौंस्ये ।
   इन्द्रा । नः । अत्र । वरुणा । स्याताम् । अवःऽभिः । दस्मा । परिऽतक्म्यायाम् ॥

   toké ǀ hité ǀ tánaye ǀ urvárāsu ǀ sū́raḥ ǀ dṛ́śīke ǀ vṛ́ṣaṇaḥ ǀ ca ǀ páuṃsye ǀ
   índrā ǀ naḥ ǀ átra ǀ váruṇā ǀ syātām ǀ ávaḥ-bhiḥ ǀ dasmā́ ǀ pári-takmyāyām ǁ

   toke ǀ hite ǀ tanaye ǀ urvarāsu ǀ sūraḥ ǀ dṛśīke ǀ vṛṣaṇaḥ ǀ ca ǀ pauṃsye ǀ
   indrā ǀ naḥ ǀ atra ǀ varuṇā ǀ syātām ǀ avaḥ-bhiḥ ǀ dasmā ǀ pari-takmyāyām ǁ

   4.41.6 Aṣṭaka 3.7.16.1Anuvāka 4.4.75Interpretations

7. Ṛk 7

   यु॒वामिद्ध्यव॑से पू॒र्व्याय॒ परि॒ प्रभू॑ती ग॒विषः॑ स्वापी ।
   वृ॒णी॒महे॑ स॒ख्याय॑ प्रि॒याय॒ शूरा॒ मंहि॑ष्ठा पि॒तरे॑व शं॒भू ॥

   युवाम् इद् ध्य् अवसे पूर्व्याय परि प्रभूती गविषः स्वापी |
   वृणीमहे सख्याय प्रियाय शूरा मंहिष्ठा पितरेव शम्भू ||

   yuvā́míddhyávase pūrvyā́ya pári prábhūtī gavíṣaḥ svāpī ǀ
   vṛṇīmáhe sakhyā́ya priyā́ya śū́rā máṃhiṣṭhā pitáreva śambhū́ ǁ

   yuvām id dhy avase pūrvyāya pari prabhūtī gaviṣaḥ svāpī |
   vṛṇīmahe sakhyāya priyāya śūrā maṃhiṣṭhā pitareva śambhū ||

   यु॒वाम् । इत् । हि । अव॑से । पू॒र्व्याय॑ । परि॑ । प्रभू॑ती॒ इति॒ प्रऽभू॑ती । गो॒ऽइषः॑ । स्वा॒पी॒ इति॑ सुऽआपी ।
   वृ॒णी॒महे॑ । स॒ख्याय॑ । प्रि॒याय॑ । शूरा॑ । मंहि॑ष्ठा । पि॒तरा॑ऽइव । श॒म्भू इति॑ श॒म्ऽभू ॥

   युवाम् । इत् । हि । अवसे । पूर्व्याय । परि । प्रभूती इति प्रऽभूती । गोऽइषः । स्वापी इति सुऽआपी ।
   वृणीमहे । सख्याय । प्रियाय । शूरा । मंहिष्ठा । पितराऽइव । शम्भू इति शम्ऽभू ॥

   yuvā́m ǀ ít ǀ hí ǀ ávase ǀ pūrvyā́ya ǀ pári ǀ prábhūtī íti prá-bhūtī ǀ go-íṣaḥ ǀ svāpī íti su-āpī ǀ
   vṛṇīmáhe ǀ sakhyā́ya ǀ priyā́ya ǀ śū́rā ǀ máṃhiṣṭhā ǀ pitárā-iva ǀ śambhū́ íti śam-bhū́ ǁ

   yuvām ǀ it ǀ hi ǀ avase ǀ pūrvyāya ǀ pari ǀ prabhūtī iti pra-bhūtī ǀ go-iṣaḥ ǀ svāpī iti su-āpī ǀ
   vṛṇīmahe ǀ sakhyāya ǀ priyāya ǀ śūrā ǀ maṃhiṣṭhā ǀ pitarā-iva ǀ śambhū iti śam-bhū ǁ

   4.41.7 Aṣṭaka 3.7.16.2Anuvāka 4.4.76Interpretations

8. Ṛk 8

   ता वां॒ धियोऽव॑से वाज॒यंती॑रा॒जिं न ज॑ग्मुर्युव॒यूः सु॑दानू ।
   श्रि॒ये न गाव॒ उप॒ सोम॑मस्थु॒रिंद्रं॒ गिरो॒ वरु॑णं मे मनी॒षाः ॥

   ता वां धियो ऽवसे वाजयन्तीर् आजिं न जग्मुर् युवयूः सुदानू |
   श्रिये न गाव उप सोमम् अस्थुर् इन्द्रं गिरो वरुणम् मे मनीषाः ||

   tā́ vām dhíyó’vase vājayántīrājím ná jagmuryuvayū́ḥ sudānū ǀ
   śriyé ná gā́va úpa sómamasthuríndram gíro váruṇam me manīṣā́ḥ ǁ

   tā vāṃ dhiyo 'vase vājayantīr ājiṃ na jagmur yuvayūḥ sudānū |
   śriye na gāva upa somam asthur indraṃ giro varuṇam me manīṣāḥ ||

   ताः । वा॒म् । धियः॑ । अव॑से । वा॒ज॒ऽयन्तीः॑ । आ॒जिम् । न । ज॒ग्मुः॒ । यु॒व॒ऽयूः । सु॒दा॒नू॒ इति॑ सुऽदानू ।
   श्रि॒ये । न । गावः॑ । उप॑ । सोम॑म् । अ॒स्थुः॒ । इन्द्र॑म् । गिरः॑ । वरु॑णम् । मे॒ । म॒नी॒षाः ॥

   ताः । वाम् । धियः । अवसे । वाजऽयन्तीः । आजिम् । न । जग्मुः । युवऽयूः । सुदानू इति सुऽदानू ।
   श्रिये । न । गावः । उप । सोमम् । अस्थुः । इन्द्रम् । गिरः । वरुणम् । मे । मनीषाः ॥

   tā́ḥ ǀ vām ǀ dhíyaḥ ǀ ávase ǀ vāja-yántīḥ ǀ ājím ǀ ná ǀ jagmuḥ ǀ yuva-yū́ḥ ǀ sudānū íti su-dānū ǀ
   śriyé ǀ ná ǀ gā́vaḥ ǀ úpa ǀ sómam ǀ asthuḥ ǀ índram ǀ gíraḥ ǀ váruṇam ǀ me ǀ manīṣā́ḥ ǁ

   tāḥ ǀ vām ǀ dhiyaḥ ǀ avase ǀ vāja-yantīḥ ǀ ājim ǀ na ǀ jagmuḥ ǀ yuva-yūḥ ǀ sudānū iti su-dānū ǀ
   śriye ǀ na ǀ gāvaḥ ǀ upa ǀ somam ǀ asthuḥ ǀ indram ǀ giraḥ ǀ varuṇam ǀ me ǀ manīṣāḥ ǁ

   4.41.8 Aṣṭaka 3.7.16.3Anuvāka 4.4.77Interpretations

9. Ṛk 9

   इ॒मा इंद्रं॒ वरु॑णं मे मनी॒षा अग्म॒न्नुप॒ द्रवि॑णमि॒च्छमा॑नाः ।
   उपे॑मस्थुर्जो॒ष्टार॑ इव॒ वस्वो॑ र॒घ्वीरि॑व॒ श्रव॑सो॒ भिक्ष॑माणाः ॥

   इमा इन्द्रं वरुणम् मे मनीषा अग्मन्न् उप द्रविणम् इच्छमानाः |
   उपेम् अस्थुर् जोष्टार इव वस्वो रघ्वीर् इव श्रवसो भिक्षमाणाः ||

   imā́ índram váruṇam me manīṣā́ ágmannúpa dráviṇamicchámānāḥ ǀ
   úpemasthurjoṣṭā́ra iva vásvo raghvī́riva śrávaso bhíkṣamāṇāḥ ǁ

   imā indraṃ varuṇam me manīṣā agmann upa draviṇam icchamānāḥ |
   upem asthur joṣṭāra iva vasvo raghvīr iva śravaso bhikṣamāṇāḥ ||

   इ॒माः । इन्द्र॑म् । वरु॑णम् । मे॒ । म॒नी॒षाः । अग्म॑न् । उप॑ । द्रवि॑णम् । इ॒च्छमा॑नाः ।
   उप॑ । ई॒म् । अ॒स्थुः॒ । जो॒ष्टारः॑ऽइव । वस्वः॑ । र॒घ्वीःऽइ॑व । श्रव॑सः । भिक्ष॑माणाः ॥

   इमाः । इन्द्रम् । वरुणम् । मे । मनीषाः । अग्मन् । उप । द्रविणम् । इच्छमानाः ।
   उप । ईम् । अस्थुः । जोष्टारःऽइव । वस्वः । रघ्वीःऽइव । श्रवसः । भिक्षमाणाः ॥

   imā́ḥ ǀ índram ǀ váruṇam ǀ me ǀ manīṣā́ḥ ǀ ágman ǀ úpa ǀ dráviṇam ǀ icchámānāḥ ǀ
   úpa ǀ īm ǀ asthuḥ ǀ joṣṭā́raḥ-iva ǀ vásvaḥ ǀ raghvī́ḥ-iva ǀ śrávasaḥ ǀ bhíkṣamāṇāḥ ǁ

   imāḥ ǀ indram ǀ varuṇam ǀ me ǀ manīṣāḥ ǀ agman ǀ upa ǀ draviṇam ǀ icchamānāḥ ǀ
   upa ǀ īm ǀ asthuḥ ǀ joṣṭāraḥ-iva ǀ vasvaḥ ǀ raghvīḥ-iva ǀ śravasaḥ ǀ bhikṣamāṇāḥ ǁ

   4.41.9 Aṣṭaka 3.7.16.4Anuvāka 4.4.78Interpretations

10. Ṛk 10

    अश्व्य॑स्य॒ त्मना॒ रथ्य॑स्य पु॒ष्टेर्नित्य॑स्य रा॒यः पत॑यः स्याम ।
    ता च॑क्रा॒णा ऊ॒तिभि॒र्नव्य॑सीभिरस्म॒त्रा रायो॑ नि॒युतः॑ सचंतां ॥

    अश्व्यस्य त्मना रथ्यस्य पुष्टेर् नित्यस्य रायः पतयः स्याम |
    ता चक्राणा ऊतिभिर् नव्यसीभिर् अस्मत्रा रायो नियुतः सचन्ताम् ||

    áśvyasya tmánā ráthyasya puṣṭérnítyasya rāyáḥ pátayaḥ syāma ǀ
    tā́ cakrāṇā́ ūtíbhirnávyasībhirasmatrā́ rā́yo niyútaḥ sacantām ǁ

    aśvyasya tmanā rathyasya puṣṭer nityasya rāyaḥ patayaḥ syāma |
    tā cakrāṇā ūtibhir navyasībhir asmatrā rāyo niyutaḥ sacantām ||

    अश्व्य॑स्य । त्मना॑ । रथ्य॑स्य । पु॒ष्टेः । नित्य॑स्य । रा॒यः । पत॑यः । स्या॒म॒ ।
    ता । च॒क्रा॒णौ । ऊ॒तिऽभिः॑ । नव्य॑सीभिः । अ॒स्म॒ऽत्रा । रायः॑ । नि॒ऽयुतः॑ । स॒च॒न्ता॒म् ॥

    अश्व्यस्य । त्मना । रथ्यस्य । पुष्टेः । नित्यस्य । रायः । पतयः । स्याम ।
    ता । चक्राणौ । ऊतिऽभिः । नव्यसीभिः । अस्मऽत्रा । रायः । निऽयुतः । सचन्ताम् ॥

    áśvyasya ǀ tmánā ǀ ráthyasya ǀ puṣṭéḥ ǀ nítyasya ǀ rāyáḥ ǀ pátayaḥ ǀ syāma ǀ
    tā́ ǀ cakrāṇáu ǀ ūtí-bhiḥ ǀ návyasībhiḥ ǀ asma-trā́ ǀ rā́yaḥ ǀ ni-yútaḥ ǀ sacantām ǁ

    aśvyasya ǀ tmanā ǀ rathyasya ǀ puṣṭeḥ ǀ nityasya ǀ rāyaḥ ǀ patayaḥ ǀ syāma ǀ
    tā ǀ cakrāṇau ǀ ūti-bhiḥ ǀ navyasībhiḥ ǀ asma-trā ǀ rāyaḥ ǀ ni-yutaḥ ǀ sacantām ǁ

    4.41.10 Aṣṭaka 3.7.16.5Anuvāka 4.4.79Interpretations

11. Ṛk 11

    आ नो॑ बृहंता बृह॒तीभि॑रू॒ती इंद्र॑ या॒तं व॑रुण॒ वाज॑सातौ ।
    यद्दि॒द्यवः॒ पृत॑नासु प्र॒क्रीळां॒तस्य॑ वां स्याम सनि॒तार॑ आ॒जेः ॥

    आ नो बृहन्ता बृहतीभिर् ऊती इन्द्र यातं वरुण वाजसातौ |
    यद् दिद्यवः पृतनासु प्रक्रीऌआन् तस्य वां स्याम सनितार आजेः ||

    ā́ no bṛhantā bṛhatī́bhirūtī́ índra yātám varuṇa vā́jasātau ǀ
    yáddidyávaḥ pṛ́tanāsu prakrī́ḷāntásya vām syāma sanitā́ra ājéḥ ǁ

    ā no bṛhantā bṛhatībhir ūtī indra yātaṃ varuṇa vājasātau |
    yad didyavaḥ pṛtanāsu prakrīḷān tasya vāṃ syāma sanitāra ājeḥ ||

    आ । नः॒ । बृ॒ह॒न्ता॒ । बृ॒ह॒तीभिः॑ । ऊ॒ती । इन्द्र॑ । या॒तम् । व॒रु॒ण॒ । वाज॑ऽसातौ ।
    यत् । दि॒द्यवः॑ । पृत॑नासु । प्र॒ऽक्रीळा॑न् । तस्य॑ । वा॒म् । स्या॒म॒ । स॒नि॒तारः॑ । आ॒जेः ॥

    आ । नः । बृहन्ता । बृहतीभिः । ऊती । इन्द्र । यातम् । वरुण । वाजऽसातौ ।
    यत् । दिद्यवः । पृतनासु । प्रऽक्रीळान् । तस्य । वाम् । स्याम । सनितारः । आजेः ॥

    ā́ ǀ naḥ ǀ bṛhantā ǀ bṛhatī́bhiḥ ǀ ūtī́ ǀ índra ǀ yātám ǀ varuṇa ǀ vā́ja-sātau ǀ
    yát ǀ didyávaḥ ǀ pṛ́tanāsu ǀ pra-krī́ḷān ǀ tásya ǀ vām ǀ syāma ǀ sanitā́raḥ ǀ ājéḥ ǁ

    ā ǀ naḥ ǀ bṛhantā ǀ bṛhatībhiḥ ǀ ūtī ǀ indra ǀ yātam ǀ varuṇa ǀ vāja-sātau ǀ
    yat ǀ didyavaḥ ǀ pṛtanāsu ǀ pra-krīḷān ǀ tasya ǀ vām ǀ syāma ǀ sanitāraḥ ǀ ājeḥ ǁ

    4.41.11 Aṣṭaka 3.7.16.6Anuvāka 4.4.80Interpretations

Text, recitation and interpretations from the Ṛgveda database of theveda.org.in.