अच्छा॒ सिंधुं॑ मा॒तृत॑मामयासं॒ विपा॑शमु॒र्वीं सु॒भगा॑मगन्म ।
व॒त्समि॑व मा॒तरा॑ संरिहा॒णे स॑मा॒नं योनि॒मनु॑ सं॒चरं॑ती ॥

अच्छा सिन्धुम् मातृतमाम् अयासं विपाशम् उर्वीं सुभगाम् अगन्म |
वत्सम् इव मातरा संरिहाणे समानं योनिम् अनु संचरन्ती ||

ácchā síndhum mātṛ́tamāmayāsam vípāśamurvī́m subhágāmaganma ǀ
vatsámiva mātárā saṃrihāṇé samānám yónimánu saṃcárantī ǁ

acchā sindhum mātṛtamām ayāsaṃ vipāśam urvīṃ subhagām aganma |
vatsam iva mātarā saṃrihāṇe samānaṃ yonim anu saṃcarantī ||

अच्छ॑ । सिन्धु॑म् । मा॒तृऽत॑माम् । अ॒या॒स॒म् । विऽपा॑शम् । उ॒र्वीम् । सु॒ऽभगा॑म् । अ॒ग॒न्म॒ ।
व॒त्सम्ऽइ॑व । मा॒तरा॑ । सं॒रि॒हा॒णे इति॑ स॒म्ऽरि॒हा॒णे । स॒मा॒नम् । योनि॑म् । अनु॑ । स॒ञ्चर॑न्ती॒ इति॑ स॒म्ऽचर॑न्ती ॥

अच्छ । सिन्धुम् । मातृऽतमाम् । अयासम् । विऽपाशम् । उर्वीम् । सुऽभगाम् । अगन्म ।
वत्सम्ऽइव । मातरा । संरिहाणे इति सम्ऽरिहाणे । समानम् । योनिम् । अनु । सञ्चरन्ती इति सम्ऽचरन्ती ॥

áccha ǀ síndhum ǀ mātṛ́-tamām ǀ ayāsam ǀ ví-pāśam ǀ urvī́m ǀ su-bhágām ǀ aganma ǀ
vatsám-iva ǀ mātárā ǀ saṃrihāṇé íti sam-rihāṇé ǀ samānám ǀ yónim ǀ ánu ǀ sañcárantī íti sam-cárantī ǁ

accha ǀ sindhum ǀ mātṛ-tamām ǀ ayāsam ǀ vi-pāśam ǀ urvīm ǀ su-bhagām ǀ aganma ǀ
vatsam-iva ǀ mātarā ǀ saṃrihāṇe iti sam-rihāṇe ǀ samānam ǀ yonim ǀ anu ǀ sañcarantī iti sam-carantī ǁ