ति॒स्रो य॒ह्वस्य॑ स॒मिधः॒ परि॑ज्मनो॒ऽग्नेर॑पुनन्नु॒शिजो॒ अमृ॑त्यवः ।
तासा॒मेका॒मद॑धु॒र्मर्त्ये॒ भुज॑मु लो॒कमु॒ द्वे उप॑ जा॒मिमी॑यतुः ॥

तिस्रो यह्वस्य समिधः परिज्मनो ऽग्नेर् अपुनन्न् उशिजो अमृत्यवः |
तासाम् एकाम् अदधुर् मर्त्ये भुजम् उ लोकम् उ द्वे उप जामिम् ईयतुः ||

tisró yahvásya samídhaḥ párijmano’gnérapunannuśíjo ámṛtyavaḥ ǀ
tā́sāmékāmádadhurmártye bhújamu lokámu dvé úpa jāmímīyatuḥ ǁ

tisro yahvasya samidhaḥ parijmano 'gner apunann uśijo amṛtyavaḥ |
tāsām ekām adadhur martye bhujam u lokam u dve upa jāmim īyatuḥ ||

ति॒स्रः । य॒ह्वस्य॑ । स॒म्ऽइधः॑ । परि॑ऽज्मनः । अ॒ग्नेः । अ॒पु॒न॒न् । उ॒शिजः॑ । अमृ॑त्यवः ।
तासा॑म् । एका॑म् । अद॑धुः । मर्त्ये॑ । भुज॑म् । ऊं॒ इति॑ । लो॒कम् । ऊं॒ इति॑ । द्वे इति॑ । उप॑ । जा॒मिम् । ई॒य॒तुः॒ ॥

तिस्रः । यह्वस्य । सम्ऽइधः । परिऽज्मनः । अग्नेः । अपुनन् । उशिजः । अमृत्यवः ।
तासाम् । एकाम् । अदधुः । मर्त्ये । भुजम् । ऊं इति । लोकम् । ऊं इति । द्वे इति । उप । जामिम् । ईयतुः ॥

tisráḥ ǀ yahvásya ǀ sam-ídhaḥ ǀ pári-jmanaḥ ǀ agnéḥ ǀ apunan ǀ uśíjaḥ ǀ ámṛtyavaḥ ǀ
tā́sām ǀ ékām ǀ ádadhuḥ ǀ mártye ǀ bhújam ǀ ūṃ íti ǀ lokám ǀ ūṃ íti ǀ dvé íti ǀ úpa ǀ jāmím ǀ īyatuḥ ǁ

tisraḥ ǀ yahvasya ǀ sam-idhaḥ ǀ pari-jmanaḥ ǀ agneḥ ǀ apunan ǀ uśijaḥ ǀ amṛtyavaḥ ǀ
tāsām ǀ ekām ǀ adadhuḥ ǀ martye ǀ bhujam ǀ ūṃ iti ǀ lokam ǀ ūṃ iti ǀ dve iti ǀ upa ǀ jāmim ǀ īyatuḥ ǁ