अ॒पो वृ॒त्रं व॑व्रि॒वांसं॒ परा॑ह॒न्प्राव॑त्ते॒ वज्रं॑ पृथि॒वी सचे॑ताः ।
प्रार्णां॑सि समु॒द्रिया॑ण्यैनोः॒ पति॒र्भव॒ञ्छव॑सा शूर धृष्णो ॥

अपो वृत्रं वव्रिवांसम् पराहन् प्रावत् ते वज्रम् पृथिवी सचेताः |
प्रार्णांसि समुद्रियाण्य् ऐनोः पतिर् भवञ् छवसा शूर धृष्णो ||

apó vṛtrám vavrivā́ṃsam párāhanprā́vatte vájram pṛthivī́ sácetāḥ ǀ
prā́rṇāṃsi samudríyāṇyainoḥ pátirbhávañchávasā śūra dhṛṣṇo ǁ

apo vṛtraṃ vavrivāṃsam parāhan prāvat te vajram pṛthivī sacetāḥ |
prārṇāṃsi samudriyāṇy ainoḥ patir bhavañ chavasā śūra dhṛṣṇo ||

अ॒पः । वृ॒त्रम् । व॒व्रि॒ऽवांस॑म् । परा॑ । अ॒ह॒न् । प्र । आ॒व॒त् । ते॒ । वज्र॑म् । पृ॒थि॒वी । सऽचे॑ताः ।
प्र । अर्णां॑सि । स॒मु॒द्रिया॑णि । ऐ॒नोः॒ । पतिः॑ । भव॑न् । शव॑सा । शू॒र॒ । धृ॒ष्णो॒ इति॑ ॥

अपः । वृत्रम् । वव्रिऽवांसम् । परा । अहन् । प्र । आवत् । ते । वज्रम् । पृथिवी । सऽचेताः ।
प्र । अर्णांसि । समुद्रियाणि । ऐनोः । पतिः । भवन् । शवसा । शूर । धृष्णो इति ॥

apáḥ ǀ vṛtrám ǀ vavri-vā́ṃsam ǀ párā ǀ ahan ǀ prá ǀ āvat ǀ te ǀ vájram ǀ pṛthivī́ ǀ sá-cetāḥ ǀ
prá ǀ árṇāṃsi ǀ samudríyāṇi ǀ ainoḥ ǀ pátiḥ ǀ bhávan ǀ śávasā ǀ śūra ǀ dhṛṣṇo íti ǁ

apaḥ ǀ vṛtram ǀ vavri-vāṃsam ǀ parā ǀ ahan ǀ pra ǀ āvat ǀ te ǀ vajram ǀ pṛthivī ǀ sa-cetāḥ ǀ
pra ǀ arṇāṃsi ǀ samudriyāṇi ǀ ainoḥ ǀ patiḥ ǀ bhavan ǀ śavasā ǀ śūra ǀ dhṛṣṇo iti ǁ