Devatā देवता

Indra

Ṛṣi ऋषि

Bharadvāja Bārhaspatya

Chandas छन्दस्

Triṣṭubh

1. Ṛk 1

   किम॑स्य॒ मदे॒ किम्व॑स्य पी॒ताविंद्रः॒ किम॑स्य स॒ख्ये च॑कार ।
   रणा॑ वा॒ ये नि॒षदि॒ किं ते अ॑स्य पु॒रा वि॑विद्रे॒ किमु॒ नूत॑नासः ॥

   किम् अस्य मदे किम् व् अस्य पीताव् इन्द्रः किम् अस्य सख्ये चकार |
   रणा वा ये निषदि किं ते अस्य पुरा विविद्रे किम् उ नूतनासः ||

   kímasya máde kímvasya pītā́víndraḥ kímasya sakhyé cakāra ǀ
   ráṇā vā yé niṣádi kím té asya purā́ vividre kímu nū́tanāsaḥ ǁ

   kim asya made kim v asya pītāv indraḥ kim asya sakhye cakāra |
   raṇā vā ye niṣadi kiṃ te asya purā vividre kim u nūtanāsaḥ ||

   किम् । अ॒स्य॒ । मदे॑ । किम् । ऊं॒ इति॑ । अ॒स्य॒ । पी॒तौ । इन्द्रः॑ । किम् । अ॒स्य॒ । स॒ख्ये । च॒का॒र॒ ।
   रणाः॑ । वा॒ । ये । नि॒ऽसदि॑ । किम् । ते । अ॒स्य॒ । पु॒रा । वि॒वि॒द्रे॒ । किम् । ऊं॒ इति॑ । नूत॑नासः ॥

   किम् । अस्य । मदे । किम् । ऊं इति । अस्य । पीतौ । इन्द्रः । किम् । अस्य । सख्ये । चकार ।
   रणाः । वा । ये । निऽसदि । किम् । ते । अस्य । पुरा । विविद्रे । किम् । ऊं इति । नूतनासः ॥

   kím ǀ asya ǀ máde ǀ kím ǀ ūṃ íti ǀ asya ǀ pītáu ǀ índraḥ ǀ kím ǀ asya ǀ sakhyé ǀ cakāra ǀ
   ráṇāḥ ǀ vā ǀ yé ǀ ni-sádi ǀ kím ǀ té ǀ asya ǀ purā́ ǀ vividre ǀ kím ǀ ūṃ íti ǀ nū́tanāsaḥ ǁ

   kim ǀ asya ǀ made ǀ kim ǀ ūṃ iti ǀ asya ǀ pītau ǀ indraḥ ǀ kim ǀ asya ǀ sakhye ǀ cakāra ǀ
   raṇāḥ ǀ vā ǀ ye ǀ ni-sadi ǀ kim ǀ te ǀ asya ǀ purā ǀ vividre ǀ kim ǀ ūṃ iti ǀ nūtanāsaḥ ǁ

   6.27.1 Aṣṭaka 4.6.23.1Anuvāka 6.3.28Interpretations

2. Ṛk 2

   सद॑स्य॒ मदे॒ सद्व॑स्य पी॒ताविंद्रः॒ सद॑स्य स॒ख्ये च॑कार ।
   रणा॑ वा॒ ये नि॒षदि॒ सत्ते अ॑स्य पु॒रा वि॑विद्रे॒ सदु॒ नूत॑नासः ॥

   सद् अस्य मदे सद् व् अस्य पीताव् इन्द्रः सद् अस्य सख्ये चकार |
   रणा वा ये निषदि सत् ते अस्य पुरा विविद्रे सद् उ नूतनासः ||

   sádasya máde sádvasya pītā́víndraḥ sádasya sakhyé cakāra ǀ
   ráṇā vā yé niṣádi sátté asya purā́ vividre sádu nū́tanāsaḥ ǁ

   sad asya made sad v asya pītāv indraḥ sad asya sakhye cakāra |
   raṇā vā ye niṣadi sat te asya purā vividre sad u nūtanāsaḥ ||

   सत् । अ॒स्य॒ । मदे॑ । सत् । ऊं॒ इति॑ । अ॒स्य॒ । पी॒तौ । इन्द्रः॑ । सत् । अ॒स्य॒ । स॒ख्ये । च॒का॒र॒ ।
   रणाः॑ । वा॒ । ये । नि॒ऽसदि॑ । सत् । ते । अ॒स्य॒ । पु॒रा । वि॒वि॒द्रे॒ । सत् । ऊं॒ इति॑ । नूत॑नासः ॥

   सत् । अस्य । मदे । सत् । ऊं इति । अस्य । पीतौ । इन्द्रः । सत् । अस्य । सख्ये । चकार ।
   रणाः । वा । ये । निऽसदि । सत् । ते । अस्य । पुरा । विविद्रे । सत् । ऊं इति । नूतनासः ॥

   sát ǀ asya ǀ máde ǀ sát ǀ ūṃ íti ǀ asya ǀ pītáu ǀ índraḥ ǀ sát ǀ asya ǀ sakhyé ǀ cakāra ǀ
   ráṇāḥ ǀ vā ǀ yé ǀ ni-sádi ǀ sát ǀ té ǀ asya ǀ purā́ ǀ vividre ǀ sát ǀ ūṃ íti ǀ nū́tanāsaḥ ǁ

   sat ǀ asya ǀ made ǀ sat ǀ ūṃ iti ǀ asya ǀ pītau ǀ indraḥ ǀ sat ǀ asya ǀ sakhye ǀ cakāra ǀ
   raṇāḥ ǀ vā ǀ ye ǀ ni-sadi ǀ sat ǀ te ǀ asya ǀ purā ǀ vividre ǀ sat ǀ ūṃ iti ǀ nūtanāsaḥ ǁ

   6.27.2 Aṣṭaka 4.6.23.2Anuvāka 6.3.29Interpretations

3. Ṛk 3

   न॒हि नु ते॑ महि॒मनः॑ समस्य॒ न म॑घवन्मघव॒त्त्वस्य॑ वि॒द्म ।
   न राध॑सोराधसो॒ नूत॑न॒स्येंद्र॒ नकि॑र्ददृश इंद्रि॒यं ते॑ ॥

   नहि नु ते महिमनः समस्य न मघवन् मघवत्त्वस्य विद्म |
   न राधसो-राधसो नूतनस्येन्द्र नकिर् ददृश इन्द्रियं ते ||

   nahí nú te mahimánaḥ samasya ná maghavanmaghavattvásya vidmá ǀ
   ná rā́dhasorādhaso nū́tanasyéndra nákirdadṛśa indriyám te ǁ

   nahi nu te mahimanaḥ samasya na maghavan maghavattvasya vidma |
   na rādhaso-rādhaso nūtanasyendra nakir dadṛśa indriyaṃ te ||

   न॒हि । नु । ते॒ । म॒हि॒मनः॑ । स॒म॒स्य॒ । न । म॒घ॒ऽव॒न् । म॒घ॒व॒त्ऽत्वस्य॑ । वि॒द्म ।
   न । राध॑सःऽराधसः । नूत॑नस्य । इन्द्र॑ । नकिः॑ । द॒दृ॒शे॒ । इ॒न्द्रि॒यम् । ते॒ ॥

   नहि । नु । ते । महिमनः । समस्य । न । मघऽवन् । मघवत्ऽत्वस्य । विद्म ।
   न । राधसःऽराधसः । नूतनस्य । इन्द्र । नकिः । ददृशे । इन्द्रियम् । ते ॥

   nahí ǀ nú ǀ te ǀ mahimánaḥ ǀ samasya ǀ ná ǀ magha-van ǀ maghavat-tvásya ǀ vidmá ǀ
   ná ǀ rā́dhasaḥ-rādhasaḥ ǀ nū́tanasya ǀ índra ǀ nákiḥ ǀ dadṛśe ǀ indriyám ǀ te ǁ

   nahi ǀ nu ǀ te ǀ mahimanaḥ ǀ samasya ǀ na ǀ magha-van ǀ maghavat-tvasya ǀ vidma ǀ
   na ǀ rādhasaḥ-rādhasaḥ ǀ nūtanasya ǀ indra ǀ nakiḥ ǀ dadṛśe ǀ indriyam ǀ te ǁ

   6.27.3 Aṣṭaka 4.6.23.3Anuvāka 6.3.30Interpretations

4. Ṛk 4

   ए॒तत्त्यत्त॑ इंद्रि॒यम॑चेति॒ येनाव॑धीर्व॒रशि॑खस्य॒ शेषः॑ ।
   वज्र॑स्य॒ यत्ते॒ निह॑तस्य॒ शुष्मा॑त्स्व॒नाच्चि॑दिंद्र पर॒मो द॒दार॑ ॥

   एतत् त्यत् त इन्द्रियम् अचेति येनावधीर् वरशिखस्य शेषः |
   वज्रस्य यत् ते निहतस्य शुष्मात् स्वनाच् चिद् इन्द्र परमो ददार ||

   etáttyátta indriyámaceti yénā́vadhīrvaráśikhasya śéṣaḥ ǀ
   vájrasya yátte níhatasya śúṣmātsvanā́ccidindra paramó dadā́ra ǁ

   etat tyat ta indriyam aceti yenāvadhīr varaśikhasya śeṣaḥ |
   vajrasya yat te nihatasya śuṣmāt svanāc cid indra paramo dadāra ||

   ए॒तत् । त्यत् । ते॒ । इ॒न्द्रि॒यम् । अ॒चे॒ति॒ । येन॑ । अव॑धीः । व॒रऽशि॑खस्य । शेषः॑ ।
   वज्र॑स्य । यत् । ते॒ । निऽह॑तस्य । शुष्मा॑त् । स्व॒नात् । चि॒त् । इ॒न्द्र॒ । प॒र॒मः । द॒दार॑ ॥

   एतत् । त्यत् । ते । इन्द्रियम् । अचेति । येन । अवधीः । वरऽशिखस्य । शेषः ।
   वज्रस्य । यत् । ते । निऽहतस्य । शुष्मात् । स्वनात् । चित् । इन्द्र । परमः । ददार ॥

   etát ǀ tyát ǀ te ǀ indriyám ǀ aceti ǀ yéna ǀ ávadhīḥ ǀ vará-śikhasya ǀ śéṣaḥ ǀ
   vájrasya ǀ yát ǀ te ǀ ní-hatasya ǀ śúṣmāt ǀ svanā́t ǀ cit ǀ indra ǀ paramáḥ ǀ dadā́ra ǁ

   etat ǀ tyat ǀ te ǀ indriyam ǀ aceti ǀ yena ǀ avadhīḥ ǀ vara-śikhasya ǀ śeṣaḥ ǀ
   vajrasya ǀ yat ǀ te ǀ ni-hatasya ǀ śuṣmāt ǀ svanāt ǀ cit ǀ indra ǀ paramaḥ ǀ dadāra ǁ

   6.27.4 Aṣṭaka 4.6.23.4Anuvāka 6.3.31Interpretations

5. Ṛk 5

   वधी॒दिंद्रो॑ व॒रशि॑खस्य॒ शेषो॑ऽभ्याव॒र्तिने॑ चायमा॒नाय॒ शिक्ष॑न् ।
   वृ॒चीव॑तो॒ यद्ध॑रियू॒पीया॑यां॒ हन्पूर्वे॒ अर्धे॑ भि॒यसाप॑रो॒ दर्त् ॥

   वधीद् इन्द्रो वरशिखस्य शेषो ऽभ्यावर्तिने चायमानाय शिक्षन् |
   वृचीवतो यद् धरियूपीयायां हन् पूर्वे अर्धे भियसापरो दर्त् ||

   vádhīdíndro varáśikhasya śéṣo’bhyāvartíne cāyamānā́ya śíkṣan ǀ
   vṛcī́vato yáddhariyūpī́yāyām hánpū́rve árdhe bhiyásā́paro dárt ǁ

   vadhīd indro varaśikhasya śeṣo 'bhyāvartine cāyamānāya śikṣan |
   vṛcīvato yad dhariyūpīyāyāṃ han pūrve ardhe bhiyasāparo dart ||

   वधी॑त् । इन्द्रः॑ । व॒रऽशि॑खस्य । शेषः॑ । अ॒भि॒ऽआ॒व॒र्तिने॑ । चा॒य॒मा॒नाय॑ । शिक्ष॑न् ।
   वृ॒चीव॑तः । यत् । ह॒रि॒ऽयू॒पीया॑याम् । हन् । पूर्वे॑ । अर्धे॑ । भि॒यसा॑ । अप॑रः । दर्त् ॥

   वधीत् । इन्द्रः । वरऽशिखस्य । शेषः । अभिऽआवर्तिने । चायमानाय । शिक्षन् ।
   वृचीवतः । यत् । हरिऽयूपीयायाम् । हन् । पूर्वे । अर्धे । भियसा । अपरः । दर्त् ॥

   vádhīt ǀ índraḥ ǀ vará-śikhasya ǀ śéṣaḥ ǀ abhi-āvartíne ǀ cāyamānā́ya ǀ śíkṣan ǀ
   vṛcī́vataḥ ǀ yát ǀ hari-yūpī́yāyām ǀ hán ǀ pū́rve ǀ árdhe ǀ bhiyásā ǀ áparaḥ ǀ dárt ǁ

   vadhīt ǀ indraḥ ǀ vara-śikhasya ǀ śeṣaḥ ǀ abhi-āvartine ǀ cāyamānāya ǀ śikṣan ǀ
   vṛcīvataḥ ǀ yat ǀ hari-yūpīyāyām ǀ han ǀ pūrve ǀ ardhe ǀ bhiyasā ǀ aparaḥ ǀ dart ǁ

   6.27.5 Aṣṭaka 4.6.23.5Anuvāka 6.3.32Interpretations

6. Ṛk 6

   त्रिं॒शच्छ॑तं व॒र्मिण॑ इंद्र सा॒कं य॒व्याव॑त्यां पुरुहूत श्रव॒स्या ।
   वृ॒चीवं॑तः॒ शर॑वे॒ पत्य॑मानाः॒ पात्रा॑ भिंदा॒ना न्य॒र्थान्या॑यन् ॥

   त्रिंशच्छतं वर्मिण इन्द्र साकं यव्यावत्याम् पुरुहूत श्रवस्या |
   वृचीवन्तः शरवे पत्यमानाः पात्रा भिन्दाना न्यर्थान्य् आयन् ||

   triṃśácchatam varmíṇa indra sākám yavyā́vatyām puruhūta śravasyā́ ǀ
   vṛcī́vantaḥ śárave pátyamānāḥ pā́trā bhindānā́ nyarthā́nyāyan ǁ

   triṃśacchataṃ varmiṇa indra sākaṃ yavyāvatyām puruhūta śravasyā |
   vṛcīvantaḥ śarave patyamānāḥ pātrā bhindānā nyarthāny āyan ||

   त्रिं॒शत्ऽश॑तम् । व॒र्मिणः॑ । इ॒न्द्र॒ । सा॒कम् । य॒व्याऽव॑त्याम् । पु॒रु॒ऽहू॒त॒ । श्र॒व॒स्या ।
   वृ॒चीव॑न्तः । शर॑वे । पत्य॑मानाः । पात्रा॑ । भि॒न्दा॒नाः । नि॒ऽअ॒र्थानि॑ । आ॒य॒न् ॥

   त्रिंशत्ऽशतम् । वर्मिणः । इन्द्र । साकम् । यव्याऽवत्याम् । पुरुऽहूत । श्रवस्या ।
   वृचीवन्तः । शरवे । पत्यमानाः । पात्रा । भिन्दानाः । निऽअर्थानि । आयन् ॥

   triṃśát-śatam ǀ varmíṇaḥ ǀ indra ǀ sākám ǀ yavyā́-vatyām ǀ puru-hūta ǀ śravasyā́ ǀ
   vṛcī́vantaḥ ǀ śárave ǀ pátyamānāḥ ǀ pā́trā ǀ bhindānā́ḥ ǀ ni-arthā́ni ǀ āyan ǁ

   triṃśat-śatam ǀ varmiṇaḥ ǀ indra ǀ sākam ǀ yavyā-vatyām ǀ puru-hūta ǀ śravasyā ǀ
   vṛcīvantaḥ ǀ śarave ǀ patyamānāḥ ǀ pātrā ǀ bhindānāḥ ǀ ni-arthāni ǀ āyan ǁ

   6.27.6 Aṣṭaka 4.6.24.1Anuvāka 6.3.33Interpretations

7. Ṛk 7

   यस्य॒ गावा॑वरु॒षा सू॑यव॒स्यू अं॒तरू॒ षु चर॑तो॒ रेरि॑हाणा ।
   स सृंज॑याय तु॒र्वशं॒ परा॑दाद्वृ॒चीव॑तो दैववा॒ताय॒ शिक्ष॑न् ॥

   यस्य गावाव् अरुषा सूयवस्यू अन्तर् ऊ षु चरतो रेरिहाणा |
   स सृञ्जयाय तुर्वशम् परादाद् वृचीवतो दैववाताय शिक्षन् ||

   yásya gā́vāvaruṣā́ sūyavasyū́ antárū ṣú cárato rérihāṇā ǀ
   sá sṛ́ñjayāya turváśam párādādvṛcī́vato daivavātā́ya śíkṣan ǁ

   yasya gāvāv aruṣā sūyavasyū antar ū ṣu carato rerihāṇā |
   sa sṛñjayāya turvaśam parādād vṛcīvato daivavātāya śikṣan ||

   यस्य॑ । गावौ॑ । अ॒रु॒षा । सु॒य॒व॒स्यू इति॑ सु॒ऽय॒व॒स्यू । अ॒न्तः । ऊं॒ इति॑ । सु । चर॑तः । रेरि॑हाणा ।
   सः । सृञ्ज॑याय । तु॒र्वश॑म् । परा॑ । अ॒दा॒त् । वृ॒चीव॑तः । दै॒व॒ऽवा॒ताय॑ । शिक्ष॑न् ॥

   यस्य । गावौ । अरुषा । सुयवस्यू इति सुऽयवस्यू । अन्तः । ऊं इति । सु । चरतः । रेरिहाणा ।
   सः । सृञ्जयाय । तुर्वशम् । परा । अदात् । वृचीवतः । दैवऽवाताय । शिक्षन् ॥

   yásya ǀ gā́vau ǀ aruṣā́ ǀ suyavasyū́ íti su-yavasyū́ ǀ antáḥ ǀ ūṃ íti ǀ sú ǀ cárataḥ ǀ rérihāṇā ǀ
   sáḥ ǀ sṛ́ñjayāya ǀ turváśam ǀ párā ǀ adāt ǀ vṛcī́vataḥ ǀ daiva-vātā́ya ǀ śíkṣan ǁ

   yasya ǀ gāvau ǀ aruṣā ǀ suyavasyū iti su-yavasyū ǀ antaḥ ǀ ūṃ iti ǀ su ǀ carataḥ ǀ rerihāṇā ǀ
   saḥ ǀ sṛñjayāya ǀ turvaśam ǀ parā ǀ adāt ǀ vṛcīvataḥ ǀ daiva-vātāya ǀ śikṣan ǁ

   6.27.7 Aṣṭaka 4.6.24.2Anuvāka 6.3.34Interpretations

8. Ṛk 8

   द्व॒याँ अ॑ग्ने र॒थिनो॑ विंश॒तिं गा व॒धूम॑तो म॒घवा॒ मह्यं॑ सं॒राट् ।
   अ॒भ्या॒व॒र्ती चा॑यमा॒नो द॑दाति दू॒णाशे॒यं दक्षि॑णा पार्थ॒वानां॑ ॥

   द्वयां अग्ने रथिनो विंशतिं गा वधूमतो मघवा मह्यं सम्राट् |
   अभ्यावर्ती चायमानो ददाति दूणाशेयं दक्षिणा पार्थवानाम् ||

   dvayā́m̐ agne rathíno viṃśatím gā́ vadhū́mato maghávā máhyam samrā́ṭ ǀ
   abhyāvartī́ cāyamānó dadāti dūṇā́śeyám dákṣiṇā pārthavā́nām ǁ

   dvayāṃ agne rathino viṃśatiṃ gā vadhūmato maghavā mahyaṃ samrāṭ |
   abhyāvartī cāyamāno dadāti dūṇāśeyaṃ dakṣiṇā pārthavānām ||

   द्व॒यान् । अ॒ग्ने॒ । र॒थिनः॑ । विं॒श॒तिम् । गाः । व॒धूऽम॑तः । म॒घऽवा॑ । मह्य॑म् । स॒म्ऽराट् ।
   अ॒भि॒ऽआ॒व॒र्ती । चा॒य॒मा॒नः । द॒दा॒ति॒ । दुः॒ऽनशा॑ । इ॒यम् । दक्षि॑णा । पा॒र्थ॒वाना॑म् ॥

   द्वयान् । अग्ने । रथिनः । विंशतिम् । गाः । वधूऽमतः । मघऽवा । मह्यम् । सम्ऽराट् ।
   अभिऽआवर्ती । चायमानः । ददाति । दुःऽनशा । इयम् । दक्षिणा । पार्थवानाम् ॥

   dvayā́n ǀ agne ǀ rathínaḥ ǀ viṃśatím ǀ gā́ḥ ǀ vadhū́-mataḥ ǀ maghá-vā ǀ máhyam ǀ sam-rā́ṭ ǀ
   abhi-āvartī́ ǀ cāyamānáḥ ǀ dadāti ǀ duḥ-náśā ǀ iyám ǀ dákṣiṇā ǀ pārthavā́nām ǁ

   dvayān ǀ agne ǀ rathinaḥ ǀ viṃśatim ǀ gāḥ ǀ vadhū-mataḥ ǀ magha-vā ǀ mahyam ǀ sam-rāṭ ǀ
   abhi-āvartī ǀ cāyamānaḥ ǀ dadāti ǀ duḥ-naśā ǀ iyam ǀ dakṣiṇā ǀ pārthavānām ǁ

   6.27.8 Aṣṭaka 4.6.24.3Anuvāka 6.3.35Interpretations

Text, recitation and interpretations from the Ṛgveda database of theveda.org.in.