Devatā देवता

Indra, Varuṇa

Ṛṣi ऋषि

Bharadvāja Bārhaspatya

Chandas छन्दस्

Triṣṭubh, Jagatī

1. Ṛk 1

   श्रु॒ष्टी वां॑ य॒ज्ञ उद्य॑तः स॒जोषा॑ मनु॒ष्वद्वृ॒क्तब॑र्हिषो॒ यज॑ध्यै ।
   आ य इंद्रा॒वरु॑णावि॒षे अ॒द्य म॒हे सु॒म्नाय॑ म॒ह आ॑व॒वर्त॑त् ॥

   श्रुष्टी वां यज्ञ उद्यतः सजोषा मनुष्वद् वृक्तबर्हिषो यजध्यै |
   आ य इन्द्रावरुणाव् इषे अद्य महे सुम्नाय मह आववर्तत् ||

   śruṣṭī́ vām yajñá údyataḥ sajóṣā manuṣvádvṛktábarhiṣo yájadhyai ǀ
   ā́ yá índrāváruṇāviṣé adyá mahé sumnā́ya mahá āvavártat ǁ

   śruṣṭī vāṃ yajña udyataḥ sajoṣā manuṣvad vṛktabarhiṣo yajadhyai |
   ā ya indrāvaruṇāv iṣe adya mahe sumnāya maha āvavartat ||

   श्रु॒ष्टी । वा॒म् । य॒ज्ञः । उत्ऽय॑तः । स॒ऽजोषाः॑ । म॒नु॒ष्वत् । वृ॒क्तऽब॑र्हिषः । यज॑ध्यै ।
   आ । यः । इन्द्रा॒वरु॑णौ । इ॒षे । अ॒द्य । म॒हे । सु॒म्नाय॑ । म॒हे । आ॒ऽव॒वर्त॑त् ॥

   श्रुष्टी । वाम् । यज्ञः । उत्ऽयतः । सऽजोषाः । मनुष्वत् । वृक्तऽबर्हिषः । यजध्यै ।
   आ । यः । इन्द्रावरुणौ । इषे । अद्य । महे । सुम्नाय । महे । आऽववर्तत् ॥

   śruṣṭī́ ǀ vām ǀ yajñáḥ ǀ út-yataḥ ǀ sa-jóṣāḥ ǀ manuṣvát ǀ vṛktá-barhiṣaḥ ǀ yájadhyai ǀ
   ā́ ǀ yáḥ ǀ índrāváruṇau ǀ iṣé ǀ adyá ǀ mahé ǀ sumnā́ya ǀ mahé ǀ ā-vavártat ǁ

   śruṣṭī ǀ vām ǀ yajñaḥ ǀ ut-yataḥ ǀ sa-joṣāḥ ǀ manuṣvat ǀ vṛkta-barhiṣaḥ ǀ yajadhyai ǀ
   ā ǀ yaḥ ǀ indrāvaruṇau ǀ iṣe ǀ adya ǀ mahe ǀ sumnāya ǀ mahe ǀ ā-vavartat ǁ

   6.68.1 Aṣṭaka 5.1.11.1Anuvāka 6.6.57Interpretations

2. Ṛk 2

   ता हि श्रेष्ठा॑ दे॒वता॑ता तु॒जा शूरा॑णां॒ शवि॑ष्ठा॒ ता हि भू॒तं ।
   म॒घोनां॒ मंहि॑ष्ठा तुवि॒शुष्म॑ ऋ॒तेन॑ वृत्र॒तुरा॒ सर्व॑सेना ॥

   ता हि श्रेष्ठा देवताता तुजा शूराणां शविष्ठा ता हि भूतम् |
   मघोनाम् मंहिष्ठा तुविशुष्म ऋतेन वृत्रतुरा सर्वसेना ||

   tā́ hí śréṣṭhā devátātā tujā́ śū́rāṇām śáviṣṭhā tā́ hí bhūtám ǀ
   maghónām máṃhiṣṭhā tuviśúṣma ṛténa vṛtratúrā sárvasenā ǁ

   tā hi śreṣṭhā devatātā tujā śūrāṇāṃ śaviṣṭhā tā hi bhūtam |
   maghonām maṃhiṣṭhā tuviśuṣma ṛtena vṛtraturā sarvasenā ||

   ता । हि । श्रेष्ठा॑ । दे॒वऽता॑ता । तु॒जा । शूरा॑णाम् । शवि॑ष्ठा । ता । हि । भू॒तम् ।
   म॒घोना॑म् । मंहि॑ष्ठा । तु॒वि॒ऽशुष्मा॑ । ऋ॒तेन॑ । वृ॒त्र॒ऽतुरा॑ । सर्व॑ऽसेना ॥

   ता । हि । श्रेष्ठा । देवऽताता । तुजा । शूराणाम् । शविष्ठा । ता । हि । भूतम् ।
   मघोनाम् । मंहिष्ठा । तुविऽशुष्मा । ऋतेन । वृत्रऽतुरा । सर्वऽसेना ॥

   tā́ ǀ hí ǀ śréṣṭhā ǀ devá-tātā ǀ tujā́ ǀ śū́rāṇām ǀ śáviṣṭhā ǀ tā́ ǀ hí ǀ bhūtám ǀ
   maghónām ǀ máṃhiṣṭhā ǀ tuvi-śúṣmā ǀ ṛténa ǀ vṛtra-túrā ǀ sárva-senā ǁ

   tā ǀ hi ǀ śreṣṭhā ǀ deva-tātā ǀ tujā ǀ śūrāṇām ǀ śaviṣṭhā ǀ tā ǀ hi ǀ bhūtam ǀ
   maghonām ǀ maṃhiṣṭhā ǀ tuvi-śuṣmā ǀ ṛtena ǀ vṛtra-turā ǀ sarva-senā ǁ

   6.68.2 Aṣṭaka 5.1.11.2Anuvāka 6.6.58Interpretations

3. Ṛk 3

   ता गृ॑णीहि नम॒स्ये॑भिः शू॒षैः सु॒म्नेभि॒रिंद्रा॒वरु॑णा चका॒ना ।
   वज्रे॑णा॒न्यः शव॑सा॒ हंति॑ वृ॒त्रं सिष॑क्त्य॒न्यो वृ॒जने॑षु॒ विप्रः॑ ॥

   ता गृणीहि नमस्येभिः शूषैः सुम्नेभिर् इन्द्रावरुणा चकाना |
   वज्रेणान्यः शवसा हन्ति वृत्रं सिषक्त्य् अन्यो वृजनेषु विप्रः ||

   tā́ gṛṇīhi namasyébhiḥ śūṣáiḥ sumnébhiríndrāváruṇā cakānā́ ǀ
   vájreṇānyáḥ śávasā hánti vṛtrám síṣaktyanyó vṛjáneṣu vípraḥ ǁ

   tā gṛṇīhi namasyebhiḥ śūṣaiḥ sumnebhir indrāvaruṇā cakānā |
   vajreṇānyaḥ śavasā hanti vṛtraṃ siṣakty anyo vṛjaneṣu vipraḥ ||

   ता । गृ॒णी॒हि॒ । न॒म॒स्ये॑भिः । शू॒षैः । सु॒म्नेभिः॑ । इन्द्रा॒वरु॑णा । च॒का॒ना ।
   वज्रे॑ण । अ॒न्यः । शव॑सा । हन्ति॑ । वृ॒त्रम् । सिस॑क्ति । अ॒न्यः । वृ॒जने॑षु । विप्रः॑ ॥

   ता । गृणीहि । नमस्येभिः । शूषैः । सुम्नेभिः । इन्द्रावरुणा । चकाना ।
   वज्रेण । अन्यः । शवसा । हन्ति । वृत्रम् । सिसक्ति । अन्यः । वृजनेषु । विप्रः ॥

   tā́ ǀ gṛṇīhi ǀ namasyébhiḥ ǀ śūṣáiḥ ǀ sumnébhiḥ ǀ índrāváruṇā ǀ cakānā́ ǀ
   vájreṇa ǀ anyáḥ ǀ śávasā ǀ hánti ǀ vṛtrám ǀ sísakti ǀ anyáḥ ǀ vṛjáneṣu ǀ vípraḥ ǁ

   tā ǀ gṛṇīhi ǀ namasyebhiḥ ǀ śūṣaiḥ ǀ sumnebhiḥ ǀ indrāvaruṇā ǀ cakānā ǀ
   vajreṇa ǀ anyaḥ ǀ śavasā ǀ hanti ǀ vṛtram ǀ sisakti ǀ anyaḥ ǀ vṛjaneṣu ǀ vipraḥ ǁ

   6.68.3 Aṣṭaka 5.1.11.3Anuvāka 6.6.59Interpretations

4. Ṛk 4

   ग्नाश्च॒ यन्नर॑श्च वावृ॒धंत॒ विश्वे॑ दे॒वासो॑ न॒रां स्वगू॑र्ताः ।
   प्रैभ्य॑ इंद्रावरुणा महि॒त्वा द्यौश्च॑ पृथिवि भूतमु॒र्वी ॥

   ग्नाश् च यन् नरश् च वावृधन्त विश्वे देवासो नरां स्वगूर्ताः |
   प्रैभ्य इन्द्रावरुणा महित्वा द्यौश् च पृथिवि भूतम् उर्वी ||

   gnā́śca yánnáraśca vāvṛdhánta víśve devā́so narā́m svágūrtāḥ ǀ
   práibhya indrāvaruṇā mahitvā́ dyáuśca pṛthivi bhūtamurvī́ ǁ

   gnāś ca yan naraś ca vāvṛdhanta viśve devāso narāṃ svagūrtāḥ |
   praibhya indrāvaruṇā mahitvā dyauś ca pṛthivi bhūtam urvī ||

   ग्नाः । च॒ । यत् । नरः॑ । च॒ । व॒वृ॒धन्त॑ । विश्वे॑ । दे॒वासः॑ । न॒राम् । स्वऽगू॑र्ताः ।
   प्र । ए॒भ्यः॒ । इ॒न्द्रा॒व॒रु॒णा॒ । म॒हि॒ऽत्वा । द्यौः । च॒ । पृ॒थि॒वि॒ । भू॒त॒म् । उ॒र्वी इति॑ ॥

   ग्नाः । च । यत् । नरः । च । ववृधन्त । विश्वे । देवासः । नराम् । स्वऽगूर्ताः ।
   प्र । एभ्यः । इन्द्रावरुणा । महिऽत्वा । द्यौः । च । पृथिवि । भूतम् । उर्वी इति ॥

   gnā́ḥ ǀ ca ǀ yát ǀ náraḥ ǀ ca ǀ vavṛdhánta ǀ víśve ǀ devā́saḥ ǀ narā́m ǀ svá-gūrtāḥ ǀ
   prá ǀ ebhyaḥ ǀ indrāvaruṇā ǀ mahi-tvā́ ǀ dyáuḥ ǀ ca ǀ pṛthivi ǀ bhūtam ǀ urvī́ íti ǁ

   gnāḥ ǀ ca ǀ yat ǀ naraḥ ǀ ca ǀ vavṛdhanta ǀ viśve ǀ devāsaḥ ǀ narām ǀ sva-gūrtāḥ ǀ
   pra ǀ ebhyaḥ ǀ indrāvaruṇā ǀ mahi-tvā ǀ dyauḥ ǀ ca ǀ pṛthivi ǀ bhūtam ǀ urvī iti ǁ

   6.68.4 Aṣṭaka 5.1.11.4Anuvāka 6.6.60Interpretations

5. Ṛk 5

   स इत्सु॒दानुः॒ स्ववाँ॑ ऋ॒तावेंद्रा॒ यो वां॑ वरुण॒ दाश॑ति॒ त्मन् ।
   इ॒षा स द्वि॒षस्त॑रे॒द्दास्वा॒न्वंस॑द्र॒यिं र॑यि॒वत॑श्च॒ जना॑न् ॥

   स इत् सुदानुः स्ववां ऋतावेन्द्रा यो वां वरुण दाशति त्मन् |
   इषा स द्विषस् तरेद् दास्वान् वंसद् रयिं रयिवतश् च जनान् ||

   sá ítsudā́nuḥ svávām̐ ṛtā́véndrā yó vām varuṇa dā́śati tmán ǀ
   iṣā́ sá dviṣástareddā́svānváṃsadrayím rayivátaśca jánān ǁ

   sa it sudānuḥ svavāṃ ṛtāvendrā yo vāṃ varuṇa dāśati tman |
   iṣā sa dviṣas tared dāsvān vaṃsad rayiṃ rayivataś ca janān ||

   सः । इत् । सु॒ऽदानुः॑ । स्वऽवा॑न् । ऋ॒तऽवा॑ । इन्द्रा॑ । यः । वा॒म् । व॒रु॒णा॒ । दाश॑ति । त्मन् ।
   इ॒षा । सः । द्वि॒षः । त॒रे॒त् । दास्वा॑न् । वंस॑त् । र॒यिम् । र॒यि॒ऽवतः॑ । च॒ । जना॑न् ॥

   सः । इत् । सुऽदानुः । स्वऽवान् । ऋतऽवा । इन्द्रा । यः । वाम् । वरुणा । दाशति । त्मन् ।
   इषा । सः । द्विषः । तरेत् । दास्वान् । वंसत् । रयिम् । रयिऽवतः । च । जनान् ॥

   sáḥ ǀ ít ǀ su-dā́nuḥ ǀ svá-vān ǀ ṛtá-vā ǀ índrā ǀ yáḥ ǀ vām ǀ varuṇā ǀ dā́śati ǀ tmán ǀ
   iṣā́ ǀ sáḥ ǀ dviṣáḥ ǀ taret ǀ dā́svān ǀ váṃsat ǀ rayím ǀ rayi-vátaḥ ǀ ca ǀ jánān ǁ

   saḥ ǀ it ǀ su-dānuḥ ǀ sva-vān ǀ ṛta-vā ǀ indrā ǀ yaḥ ǀ vām ǀ varuṇā ǀ dāśati ǀ tman ǀ
   iṣā ǀ saḥ ǀ dviṣaḥ ǀ taret ǀ dāsvān ǀ vaṃsat ǀ rayim ǀ rayi-vataḥ ǀ ca ǀ janān ǁ

   6.68.5 Aṣṭaka 5.1.11.5Anuvāka 6.6.61Interpretations

6. Ṛk 6

   यं यु॒वं दा॒श्व॑ध्वराय देवा र॒यिं ध॒त्थो वसु॑मंतं पुरु॒क्षुं ।
   अ॒स्मे स इं॑द्रावरुणा॒वपि॑ ष्या॒त्प्र यो भ॒नक्ति॑ व॒नुषा॒मश॑स्तीः ॥

   यं युवं दाश्वध्वराय देवा रयिं धत्थो वसुमन्तम् पुरुक्षुम् |
   अस्मे स इन्द्रावरुणाव् अपि ष्यात् प्र यो भनक्ति वनुषाम् अशस्तीः ||

   yám yuvám dāśvádhvarāya devā rayím dhatthó vásumantam purukṣúm ǀ
   asmé sá indrāvaruṇāvápi ṣyātprá yó bhanákti vanúṣāmáśastīḥ ǁ

   yaṃ yuvaṃ dāśvadhvarāya devā rayiṃ dhattho vasumantam purukṣum |
   asme sa indrāvaruṇāv api ṣyāt pra yo bhanakti vanuṣām aśastīḥ ||

   यम् । यु॒वम् । दा॒शुऽअ॑ध्वराय । दे॒वा॒ । र॒यिम् । ध॒त्थः । वसु॑ऽमन्तम् । पु॒रु॒ऽक्षुम् ।
   अ॒स्मे इति॑ । सः । इ॒न्द्रा॒व॒रु॒णौ॒ । अपि॑ । स्या॒त् । प्र । यः । भ॒नक्ति॑ । व॒नुषा॑म् । अश॑स्तीः ॥

   यम् । युवम् । दाशुऽअध्वराय । देवा । रयिम् । धत्थः । वसुऽमन्तम् । पुरुऽक्षुम् ।
   अस्मे इति । सः । इन्द्रावरुणौ । अपि । स्यात् । प्र । यः । भनक्ति । वनुषाम् । अशस्तीः ॥

   yám ǀ yuvám ǀ dāśú-adhvarāya ǀ devā ǀ rayím ǀ dhattháḥ ǀ vásu-mantam ǀ puru-kṣúm ǀ
   asmé íti ǀ sáḥ ǀ indrāvaruṇau ǀ ápi ǀ syāt ǀ prá ǀ yáḥ ǀ bhanákti ǀ vanúṣām ǀ áśastīḥ ǁ

   yam ǀ yuvam ǀ dāśu-adhvarāya ǀ devā ǀ rayim ǀ dhatthaḥ ǀ vasu-mantam ǀ puru-kṣum ǀ
   asme iti ǀ saḥ ǀ indrāvaruṇau ǀ api ǀ syāt ǀ pra ǀ yaḥ ǀ bhanakti ǀ vanuṣām ǀ aśastīḥ ǁ

   6.68.6 Aṣṭaka 5.1.12.1Anuvāka 6.6.62Interpretations

7. Ṛk 7

   उ॒त नः॑ सुत्रा॒त्रो दे॒वगो॑पाः सू॒रिभ्य॑ इंद्रावरुणा र॒यिः ष्या॑त् ।
   येषां॒ शुष्मः॒ पृत॑नासु सा॒ह्वान्प्र स॒द्यो द्यु॒म्ना ति॒रते॒ ततु॑रिः ॥

   उत नः सुत्रात्रो देवगोपाः सूरिभ्य इन्द्रावरुणा रयिः ष्यात् |
   येषां शुष्मः पृतनासु साह्वान् प्र सद्यो द्युम्ना तिरते ततुरिः ||

   utá naḥ sutrātró devágopāḥ sūríbhya indrāvaruṇā rayíḥ ṣyāt ǀ
   yéṣām śúṣmaḥ pṛ́tanāsu sāhvā́nprá sadyó dyumnā́ tiráte táturiḥ ǁ

   uta naḥ sutrātro devagopāḥ sūribhya indrāvaruṇā rayiḥ ṣyāt |
   yeṣāṃ śuṣmaḥ pṛtanāsu sāhvān pra sadyo dyumnā tirate taturiḥ ||

   उ॒त । नः॒ । सु॒ऽत्रा॒त्रः । दे॒वऽगो॑पाः । सू॒रिऽभ्यः॑ । इ॒न्द्रा॒व॒रु॒णा॒ । र॒यिः । स्या॒त् ।
   येषा॑म् । शुष्मः॑ । पृत॑नासु । स॒ह्वान् । प्र । स॒द्यः । द्यु॒म्ना । ति॒रते॑ । ततु॑रिः ॥

   उत । नः । सुऽत्रात्रः । देवऽगोपाः । सूरिऽभ्यः । इन्द्रावरुणा । रयिः । स्यात् ।
   येषाम् । शुष्मः । पृतनासु । सह्वान् । प्र । सद्यः । द्युम्ना । तिरते । ततुरिः ॥

   utá ǀ naḥ ǀ su-trātráḥ ǀ devá-gopāḥ ǀ sūrí-bhyaḥ ǀ indrāvaruṇā ǀ rayíḥ ǀ syāt ǀ
   yéṣām ǀ śúṣmaḥ ǀ pṛ́tanāsu ǀ sahvā́n ǀ prá ǀ sadyáḥ ǀ dyumnā́ ǀ tiráte ǀ táturiḥ ǁ

   uta ǀ naḥ ǀ su-trātraḥ ǀ deva-gopāḥ ǀ sūri-bhyaḥ ǀ indrāvaruṇā ǀ rayiḥ ǀ syāt ǀ
   yeṣām ǀ śuṣmaḥ ǀ pṛtanāsu ǀ sahvān ǀ pra ǀ sadyaḥ ǀ dyumnā ǀ tirate ǀ taturiḥ ǁ

   6.68.7 Aṣṭaka 5.1.12.2Anuvāka 6.6.63Interpretations

8. Ṛk 8

   नू न॑ इंद्रावरुणा गृणा॒ना पृं॒क्तं र॒यिं सौ॑श्रव॒साय॑ देवा ।
   इ॒त्था गृ॒णंतो॑ म॒हिन॑स्य॒ शर्धो॒ऽपो न ना॒वा दु॑रि॒ता त॑रेम ॥

   नू न इन्द्रावरुणा गृणाना पृङ्क्तं रयिं सौश्रवसाय देवा |
   इत्था गृणन्तो महिनस्य शर्धो ऽपो न नावा दुरिता तरेम ||

   nū́ na indrāvaruṇā gṛṇānā́ pṛṅktám rayím sauśravasā́ya devā ǀ
   itthā́ gṛṇánto mahínasya śárdho’pó ná nāvā́ duritā́ tarema ǁ

   nū na indrāvaruṇā gṛṇānā pṛṅktaṃ rayiṃ sauśravasāya devā |
   itthā gṛṇanto mahinasya śardho 'po na nāvā duritā tarema ||

   नु । नः॒ । इ॒न्द्रा॒व॒रु॒णा॒ । गृ॒णा॒ना । पृ॒ङ्क्तम् । र॒यिम् । सौ॒श्र॒व॒साय॑ । दे॒वा॒ ।
   इ॒त्था । गृ॒णन्तः॑ । म॒हिन॑स्य । शर्धः॑ । अ॒पः । न । ना॒वा । दुः॒ऽइ॒ता । त॒रे॒म॒ ॥

   नु । नः । इन्द्रावरुणा । गृणाना । पृङ्क्तम् । रयिम् । सौश्रवसाय । देवा ।
   इत्था । गृणन्तः । महिनस्य । शर्धः । अपः । न । नावा । दुःऽइता । तरेम ॥

   nú ǀ naḥ ǀ indrāvaruṇā ǀ gṛṇānā́ ǀ pṛṅktám ǀ rayím ǀ sauśravasā́ya ǀ devā ǀ
   itthā́ ǀ gṛṇántaḥ ǀ mahínasya ǀ śárdhaḥ ǀ apáḥ ǀ ná ǀ nāvā́ ǀ duḥ-itā́ ǀ tarema ǁ

   nu ǀ naḥ ǀ indrāvaruṇā ǀ gṛṇānā ǀ pṛṅktam ǀ rayim ǀ sauśravasāya ǀ devā ǀ
   itthā ǀ gṛṇantaḥ ǀ mahinasya ǀ śardhaḥ ǀ apaḥ ǀ na ǀ nāvā ǀ duḥ-itā ǀ tarema ǁ

   6.68.8 Aṣṭaka 5.1.12.3Anuvāka 6.6.64Interpretations

9. Ṛk 9

   प्र स॒म्राजे॑ बृह॒ते मन्म॒ नु प्रि॒यमर्च॑ दे॒वाय॒ वरु॑णाय स॒प्रथः॑ ।
   अ॒यं य उ॒र्वी म॑हि॒ना महि॑व्रतः॒ क्रत्वा॑ वि॒भात्य॒जरो॒ न शो॒चिषा॑ ॥

   प्र सम्राजे बृहते मन्म नु प्रियम् अर्च देवाय वरुणाय सप्रथः |
   अयं य उर्वी महिना महिव्रतः क्रत्वा विभात्य् अजरो न शोचिषा ||

   prá samrā́je bṛhaté mánma nú priyámárca devā́ya váruṇāya sapráthaḥ ǀ
   ayám yá urvī́ mahinā́ máhivrataḥ krátvā vibhā́tyajáro ná śocíṣā ǁ

   pra samrāje bṛhate manma nu priyam arca devāya varuṇāya saprathaḥ |
   ayaṃ ya urvī mahinā mahivrataḥ kratvā vibhāty ajaro na śociṣā ||

   प्र । स॒म्ऽराजे॑ । बृ॒ह॒ते । मन्म॑ । नु । प्रि॒यम् । अर्च॑ । दे॒वाय॑ । वरु॑णाय । स॒ऽप्रथः॑ ।
   अ॒यम् । यः । उ॒र्वी इति॑ । म॒हि॒ना । महि॑ऽव्रतः । क्रत्वा॑ । वि॒ऽभाति॑ । अ॒जरः॑ । न । शो॒चिषा॑ ॥

   प्र । सम्ऽराजे । बृहते । मन्म । नु । प्रियम् । अर्च । देवाय । वरुणाय । सऽप्रथः ।
   अयम् । यः । उर्वी इति । महिना । महिऽव्रतः । क्रत्वा । विऽभाति । अजरः । न । शोचिषा ॥

   prá ǀ sam-rā́je ǀ bṛhaté ǀ mánma ǀ nú ǀ priyám ǀ árca ǀ devā́ya ǀ váruṇāya ǀ sa-práthaḥ ǀ
   ayám ǀ yáḥ ǀ urvī́ íti ǀ mahinā́ ǀ máhi-vrataḥ ǀ krátvā ǀ vi-bhā́ti ǀ ajáraḥ ǀ ná ǀ śocíṣā ǁ

   pra ǀ sam-rāje ǀ bṛhate ǀ manma ǀ nu ǀ priyam ǀ arca ǀ devāya ǀ varuṇāya ǀ sa-prathaḥ ǀ
   ayam ǀ yaḥ ǀ urvī iti ǀ mahinā ǀ mahi-vrataḥ ǀ kratvā ǀ vi-bhāti ǀ ajaraḥ ǀ na ǀ śociṣā ǁ

   6.68.9 Aṣṭaka 5.1.12.4Anuvāka 6.6.65Interpretations

10. Ṛk 10

    इंद्रा॑वरुणा सुतपावि॒मं सु॒तं सोमं॑ पिबतं॒ मद्यं॑ धृतव्रता ।
    यु॒वो रथो॑ अध्व॒रं दे॒ववी॑तये॒ प्रति॒ स्वस॑र॒मुप॑ याति पी॒तये॑ ॥

    इन्द्रावरुणा सुतपाव् इमं सुतं सोमम् पिबतम् मद्यं धृतव्रता |
    युवो रथो अध्वरं देववीतये प्रति स्वसरम् उप याति पीतये ||

    índrāvaruṇā sutapāvimám sutám sómam pibatam mádyam dhṛtavratā ǀ
    yuvó rátho adhvarám devávītaye práti svásaramúpa yāti pītáye ǁ

    indrāvaruṇā sutapāv imaṃ sutaṃ somam pibatam madyaṃ dhṛtavratā |
    yuvo ratho adhvaraṃ devavītaye prati svasaram upa yāti pītaye ||

    इन्द्रा॑वरुणा । सु॒त॒ऽपौ॒ । इ॒मम् । सु॒तम् । सोम॑म् । पि॒ब॒त॒म् । मद्य॑म् । धृ॒त॒ऽव्र॒ता॒ ।
    यु॒वोः । रथः॑ । अ॒ध्व॒रम् । दे॒वऽवी॑तये । प्रति॑ । स्वस॑रम् । उप॑ । या॒ति॒ । पी॒तये॑ ॥

    इन्द्रावरुणा । सुतऽपौ । इमम् । सुतम् । सोमम् । पिबतम् । मद्यम् । धृतऽव्रता ।
    युवोः । रथः । अध्वरम् । देवऽवीतये । प्रति । स्वसरम् । उप । याति । पीतये ॥

    índrāvaruṇā ǀ suta-pau ǀ imám ǀ sutám ǀ sómam ǀ pibatam ǀ mádyam ǀ dhṛta-vratā ǀ
    yuvóḥ ǀ ráthaḥ ǀ adhvarám ǀ devá-vītaye ǀ práti ǀ svásaram ǀ úpa ǀ yāti ǀ pītáye ǁ

    indrāvaruṇā ǀ suta-pau ǀ imam ǀ sutam ǀ somam ǀ pibatam ǀ madyam ǀ dhṛta-vratā ǀ
    yuvoḥ ǀ rathaḥ ǀ adhvaram ǀ deva-vītaye ǀ prati ǀ svasaram ǀ upa ǀ yāti ǀ pītaye ǁ

    6.68.10 Aṣṭaka 5.1.12.5Anuvāka 6.6.66Interpretations

11. Ṛk 11

    इंद्रा॑वरुणा॒ मधु॑मत्तमस्य॒ वृष्णः॒ सोम॑स्य वृष॒णा वृ॑षेथां ।
    इ॒दं वा॒मंधः॒ परि॑षिक्तम॒स्मे आ॒सद्या॒स्मिन्ब॒र्हिषि॑ मादयेथां ॥

    इन्द्रावरुणा मधुमत्तमस्य वृष्णः सोमस्य वृषणा वृषेथाम् |
    इदं वाम् अन्धः परिषिक्तम् अस्मे आसद्यास्मिन् बर्हिषि मादयेथाम् ||

    índrāvaruṇā mádhumattamasya vṛ́ṣṇaḥ sómasya vṛṣaṇā́ vṛṣethām ǀ
    idám vāmándhaḥ páriṣiktamasmé āsádyāsmínbarhíṣi mādayethām ǁ

    indrāvaruṇā madhumattamasya vṛṣṇaḥ somasya vṛṣaṇā vṛṣethām |
    idaṃ vām andhaḥ pariṣiktam asme āsadyāsmin barhiṣi mādayethām ||

    इन्द्रा॑वरुणा । मधु॑मत्ऽतमस्य । वृष्णः॑ । सोम॑स्य । वृ॒ष॒णा॒ । आ । वृ॒षे॒था॒म् ।
    इ॒दम् । वा॒म् । अन्धः॑ । परि॑ऽसिक्तम् । अ॒स्मे इति॑ । आ॒ऽसद्य॑ । अ॒स्मिन् । ब॒र्हिषि॑ । मा॒द॒ये॒था॒म् ॥

    इन्द्रावरुणा । मधुमत्ऽतमस्य । वृष्णः । सोमस्य । वृषणा । आ । वृषेथाम् ।
    इदम् । वाम् । अन्धः । परिऽसिक्तम् । अस्मे इति । आऽसद्य । अस्मिन् । बर्हिषि । मादयेथाम् ॥

    índrāvaruṇā ǀ mádhumat-tamasya ǀ vṛ́ṣṇaḥ ǀ sómasya ǀ vṛṣaṇā ǀ ā́ ǀ vṛṣethām ǀ
    idám ǀ vām ǀ ándhaḥ ǀ pári-siktam ǀ asmé íti ǀ ā-sádya ǀ asmín ǀ barhíṣi ǀ mādayethām ǁ

    indrāvaruṇā ǀ madhumat-tamasya ǀ vṛṣṇaḥ ǀ somasya ǀ vṛṣaṇā ǀ ā ǀ vṛṣethām ǀ
    idam ǀ vām ǀ andhaḥ ǀ pari-siktam ǀ asme iti ǀ ā-sadya ǀ asmin ǀ barhiṣi ǀ mādayethām ǁ

    6.68.11 Aṣṭaka 5.1.12.6Anuvāka 6.6.67Interpretations

Text, recitation and interpretations from the Ṛgveda database of theveda.org.in.