Devatā देवता

Aśvins

Ṛṣi ऋषि

Bharadvāja Bārhaspatya

Chandas छन्दस्

Triṣṭubh, Ekapadā

1. Ṛk 1

   क्व१॒॑ त्या व॒ल्गू पु॑रुहू॒ताद्य दू॒तो न स्तोमो॑ऽविद॒न्नम॑स्वान् ।
   आ यो अ॒र्वाङ्नास॑त्या व॒वर्त॒ प्रेष्ठा॒ ह्यस॑थो अस्य॒ मन्म॑न् ॥

   क्व त्या वल्गू पुरुहूताद्य दूतो न स्तोमो ऽविदन् नमस्वान् |
   आ यो अर्वाङ् नासत्या ववर्त प्रेष्ठा ह्य् असथो अस्य मन्मन् ||

   kvá tyā́ valgū́ puruhūtā́dyá dūtó ná stómo’vidannámasvān ǀ
   ā́ yó arvā́ṅnā́satyā vavárta préṣṭhā hyásatho asya mánman ǁ

   kva tyā valgū puruhūtādya dūto na stomo 'vidan namasvān |
   ā yo arvāṅ nāsatyā vavarta preṣṭhā hy asatho asya manman ||

   क्व॑ । त्या । व॒ल्गू इति॑ । पु॒रु॒ऽहू॒ता । अ॒द्य । दू॒तः । न । स्तोमः॑ । अ॒वि॒द॒त् । नम॑स्वान् ।
   आ । यः । अ॒र्वाक् । नास॑त्या । व॒वर्त॑ । प्रेष्ठा॑ । हि । अस॑थः । अ॒स्य॒ । मन्म॑न् ॥

   क्व । त्या । वल्गू इति । पुरुऽहूता । अद्य । दूतः । न । स्तोमः । अविदत् । नमस्वान् ।
   आ । यः । अर्वाक् । नासत्या । ववर्त । प्रेष्ठा । हि । असथः । अस्य । मन्मन् ॥

   kvá ǀ tyā́ ǀ valgū́ íti ǀ puru-hūtā́ ǀ adyá ǀ dūtáḥ ǀ ná ǀ stómaḥ ǀ avidat ǀ námasvān ǀ
   ā́ ǀ yáḥ ǀ arvā́k ǀ nā́satyā ǀ vavárta ǀ préṣṭhā ǀ hí ǀ ásathaḥ ǀ asya ǀ mánman ǁ

   kva ǀ tyā ǀ valgū iti ǀ puru-hūtā ǀ adya ǀ dūtaḥ ǀ na ǀ stomaḥ ǀ avidat ǀ namasvān ǀ
   ā ǀ yaḥ ǀ arvāk ǀ nāsatyā ǀ vavarta ǀ preṣṭhā ǀ hi ǀ asathaḥ ǀ asya ǀ manman ǁ

   6.63.1 Aṣṭaka 5.1.3.1Anuvāka 6.6.12Interpretations

2. Ṛk 2

   अरं॑ मे गंतं॒ हव॑नाया॒स्मै गृ॑णा॒ना यथा॒ पिबा॑थो॒ अंधः॑ ।
   परि॑ ह॒ त्यद्व॒र्तिर्या॑थो रि॒षो न यत्परो॒ नांत॑रस्तुतु॒र्यात् ॥

   अरम् मे गन्तं हवनायास्मै गृणाना यथा पिबाथो अन्धः |
   परि ह त्यद् वर्तिर् याथो रिषो न यत् परो नान्तरस् तुतुर्यात् ||

   áram me gantam hávanāyāsmái gṛṇānā́ yáthā píbātho ándhaḥ ǀ
   pári ha tyádvartíryātho riṣó ná yátpáro nā́ntarastuturyā́t ǁ

   aram me gantaṃ havanāyāsmai gṛṇānā yathā pibātho andhaḥ |
   pari ha tyad vartir yātho riṣo na yat paro nāntaras tuturyāt ||

   अर॑म् । मे॒ । ग॒न्त॒म् । हव॑नाय । अ॒स्मै । गृ॒णा॒ना । यथा॑ । पिबा॑थः । अन्धः॑ ।
   परि॑ । ह॒ । त्यत् । व॒र्तिः । या॒थः॒ । रि॒षः । न । यत् । परः॑ । न । अन्त॑रः । तु॒तु॒र्यात् ॥

   अरम् । मे । गन्तम् । हवनाय । अस्मै । गृणाना । यथा । पिबाथः । अन्धः ।
   परि । ह । त्यत् । वर्तिः । याथः । रिषः । न । यत् । परः । न । अन्तरः । तुतुर्यात् ॥

   áram ǀ me ǀ gantam ǀ hávanāya ǀ asmái ǀ gṛṇānā́ ǀ yáthā ǀ píbāthaḥ ǀ ándhaḥ ǀ
   pári ǀ ha ǀ tyát ǀ vartíḥ ǀ yāthaḥ ǀ riṣáḥ ǀ ná ǀ yát ǀ páraḥ ǀ ná ǀ ántaraḥ ǀ tuturyā́t ǁ

   aram ǀ me ǀ gantam ǀ havanāya ǀ asmai ǀ gṛṇānā ǀ yathā ǀ pibāthaḥ ǀ andhaḥ ǀ
   pari ǀ ha ǀ tyat ǀ vartiḥ ǀ yāthaḥ ǀ riṣaḥ ǀ na ǀ yat ǀ paraḥ ǀ na ǀ antaraḥ ǀ tuturyāt ǁ

   6.63.2 Aṣṭaka 5.1.3.2Anuvāka 6.6.13Interpretations

3. Ṛk 3

   अका॑रि वा॒मंध॑सो॒ वरी॑म॒न्नस्ता॑रि ब॒र्हिः सु॑प्राय॒णत॑मं ।
   उ॒त्ता॒नह॑स्तो युव॒युर्व॑वं॒दा वां॒ नक्षं॑तो॒ अद्र॑य आंजन् ॥

   अकारि वाम् अन्धसो वरीमन्न् अस्तारि बर्हिः सुप्रायणतमम् |
   उत्तानहस्तो युवयुर् ववन्दा वां नक्षन्तो अद्रय आञ्जन् ||

   ákāri vāmándhaso várīmannástāri barhíḥ suprāyaṇátamam ǀ
   uttānáhasto yuvayúrvavandā́ vām nákṣanto ádraya āñjan ǁ

   akāri vām andhaso varīmann astāri barhiḥ suprāyaṇatamam |
   uttānahasto yuvayur vavandā vāṃ nakṣanto adraya āñjan ||

   अका॑रि । वा॒म् । अन्ध॑सः । वरी॑मन् । अस्ता॑रि । ब॒र्हिः । सु॒प्र॒ऽअ॒य॒नत॑मम् ।
   उ॒त्ता॒नऽह॑स्तः । यु॒व॒युः । व॒व॒न्द॒ । आ । वा॒म् । नक्ष॑न्तः । अद्र॑यः । आ॒ञ्ज॒न् ॥

   अकारि । वाम् । अन्धसः । वरीमन् । अस्तारि । बर्हिः । सुप्रऽअयनतमम् ।
   उत्तानऽहस्तः । युवयुः । ववन्द । आ । वाम् । नक्षन्तः । अद्रयः । आञ्जन् ॥

   ákāri ǀ vām ǀ ándhasaḥ ǀ várīman ǀ ástāri ǀ barhíḥ ǀ supra-ayanátamam ǀ
   uttāná-hastaḥ ǀ yuvayúḥ ǀ vavanda ǀ ā́ ǀ vām ǀ nákṣantaḥ ǀ ádrayaḥ ǀ āñjan ǁ

   akāri ǀ vām ǀ andhasaḥ ǀ varīman ǀ astāri ǀ barhiḥ ǀ supra-ayanatamam ǀ
   uttāna-hastaḥ ǀ yuvayuḥ ǀ vavanda ǀ ā ǀ vām ǀ nakṣantaḥ ǀ adrayaḥ ǀ āñjan ǁ

   6.63.3 Aṣṭaka 5.1.3.3Anuvāka 6.6.14Interpretations

4. Ṛk 4

   ऊ॒र्ध्वो वा॑म॒ग्निर॑ध्व॒रेष्व॑स्था॒त्प्र रा॒तिरे॑ति जू॒र्णिनी॑ घृ॒ताची॑ ।
   प्र होता॑ गू॒र्तम॑ना उरा॒णोऽयु॑क्त॒ यो नास॑त्या॒ हवी॑मन् ॥

   ऊर्ध्वो वाम् अग्निर् अध्वरेष्व् अस्थात् प्र रातिर् एति जूर्णिनी घृताची |
   प्र होता गूर्तमना उराणो ऽयुक्त यो नासत्या हवीमन् ||

   ūrdhvó vāmagníradhvaréṣvasthātprá rātíreti jūrṇínī ghṛtā́cī ǀ
   prá hótā gūrtámanā urāṇó’yukta yó nā́satyā hávīman ǁ

   ūrdhvo vām agnir adhvareṣv asthāt pra rātir eti jūrṇinī ghṛtācī |
   pra hotā gūrtamanā urāṇo 'yukta yo nāsatyā havīman ||

   ऊ॒र्ध्वः । वा॒म् । अ॒ग्निः । अ॒ध्व॒रेषु॑ । अ॒स्था॒त् । प्र । रा॒तिः । ए॒ति॒ । जू॒र्णिनी॑ । घृ॒ताची॑ ।
   प्र । होता॑ । गू॒र्तऽम॑नाः । उ॒रा॒णः । अयु॑क्त । यः । नास॑त्या । हवी॑मन् ॥

   ऊर्ध्वः । वाम् । अग्निः । अध्वरेषु । अस्थात् । प्र । रातिः । एति । जूर्णिनी । घृताची ।
   प्र । होता । गूर्तऽमनाः । उराणः । अयुक्त । यः । नासत्या । हवीमन् ॥

   ūrdhváḥ ǀ vām ǀ agníḥ ǀ adhvaréṣu ǀ asthāt ǀ prá ǀ rātíḥ ǀ eti ǀ jūrṇínī ǀ ghṛtā́cī ǀ
   prá ǀ hótā ǀ gūrtá-manāḥ ǀ urāṇáḥ ǀ áyukta ǀ yáḥ ǀ nā́satyā ǀ hávīman ǁ

   ūrdhvaḥ ǀ vām ǀ agniḥ ǀ adhvareṣu ǀ asthāt ǀ pra ǀ rātiḥ ǀ eti ǀ jūrṇinī ǀ ghṛtācī ǀ
   pra ǀ hotā ǀ gūrta-manāḥ ǀ urāṇaḥ ǀ ayukta ǀ yaḥ ǀ nāsatyā ǀ havīman ǁ

   6.63.4 Aṣṭaka 5.1.3.4Anuvāka 6.6.15Interpretations

5. Ṛk 5

   अधि॑ श्रि॒ये दु॑हि॒ता सूर्य॑स्य॒ रथं॑ तस्थौ पुरुभुजा श॒तोतिं॑ ।
   प्र मा॒याभि॑र्मायिना भूत॒मत्र॒ नरा॑ नृतू॒ जनि॑मन्य॒ज्ञिया॑नां ॥

   अधि श्रिये दुहिता सूर्यस्य रथं तस्थौ पुरुभुजा शतोतिम् |
   प्र मायाभिर् मायिना भूतम् अत्र नरा नृतू जनिमन् यज्ञियानाम् ||

   ádhi śriyé duhitā́ sū́ryasya rátham tasthau purubhujā śatótim ǀ
   prá māyā́bhirmāyinā bhūtamátra nárā nṛtū jánimanyajñíyānām ǁ

   adhi śriye duhitā sūryasya rathaṃ tasthau purubhujā śatotim |
   pra māyābhir māyinā bhūtam atra narā nṛtū janiman yajñiyānām ||

   अधि॑ । श्रि॒ये । दु॒हि॒ता । सूर्य॑स्य । रथ॑म् । त॒स्थौ॒ । पु॒रु॒ऽभु॒जा॒ । श॒तऽऊ॑तिम् ।
   प्र । मा॒याभिः॑ । मा॒यि॒ना॒ । भू॒त॒म् । अत्र॑ । नरा॑ । नृ॒तू॒ इति॑ । जनि॑मन् । य॒ज्ञिया॑नाम् ॥

   अधि । श्रिये । दुहिता । सूर्यस्य । रथम् । तस्थौ । पुरुऽभुजा । शतऽऊतिम् ।
   प्र । मायाभिः । मायिना । भूतम् । अत्र । नरा । नृतू इति । जनिमन् । यज्ञियानाम् ॥

   ádhi ǀ śriyé ǀ duhitā́ ǀ sū́ryasya ǀ rátham ǀ tasthau ǀ puru-bhujā ǀ śatá-ūtim ǀ
   prá ǀ māyā́bhiḥ ǀ māyinā ǀ bhūtam ǀ átra ǀ nárā ǀ nṛtū íti ǀ jániman ǀ yajñíyānām ǁ

   adhi ǀ śriye ǀ duhitā ǀ sūryasya ǀ ratham ǀ tasthau ǀ puru-bhujā ǀ śata-ūtim ǀ
   pra ǀ māyābhiḥ ǀ māyinā ǀ bhūtam ǀ atra ǀ narā ǀ nṛtū iti ǀ janiman ǀ yajñiyānām ǁ

   6.63.5 Aṣṭaka 5.1.3.5Anuvāka 6.6.16Interpretations

6. Ṛk 6

   यु॒वं श्री॒भिर्द॑र्श॒ताभि॑रा॒भिः शु॒भे पु॒ष्टिमू॑हथुः सू॒र्यायाः॑ ।
   प्र वां॒ वयो॒ वपु॒षेऽनु॑ पप्त॒न्नक्ष॒द्वाणी॒ सुष्टु॑ता धिष्ण्या वां ॥

   युवं श्रीभिर् दर्शताभिर् आभिः शुभे पुष्टिम् ऊहथुः सूर्यायाः |
   प्र वां वयो वपुषे ऽनु पप्तन् नक्षद् वाणी सुष्टुता धिष्ण्या वाम् ||

   yuvám śrībhírdarśatā́bhirābhíḥ śubhé puṣṭímūhathuḥ sūryā́yāḥ ǀ
   prá vām váyo vápuṣé’nu paptannákṣadvā́ṇī súṣṭutā dhiṣṇyā vām ǁ

   yuvaṃ śrībhir darśatābhir ābhiḥ śubhe puṣṭim ūhathuḥ sūryāyāḥ |
   pra vāṃ vayo vapuṣe 'nu paptan nakṣad vāṇī suṣṭutā dhiṣṇyā vām ||

   यु॒वम् । श्री॒भिः । द॒र्श॒ताभिः॑ । आ॒भिः । शु॒भे । पु॒ष्टिम् । ऊ॒ह॒थुः॒ । सू॒र्यायाः॑ ।
   प्र । वा॒म् । वयः॑ । वपु॑षे । अनु॑ । प॒प्त॒न् । नक्ष॑त् । वाणी॑ । सुऽस्तु॑ता । धि॒ष्ण्या॒ । वा॒म् ॥

   युवम् । श्रीभिः । दर्शताभिः । आभिः । शुभे । पुष्टिम् । ऊहथुः । सूर्यायाः ।
   प्र । वाम् । वयः । वपुषे । अनु । पप्तन् । नक्षत् । वाणी । सुऽस्तुता । धिष्ण्या । वाम् ॥

   yuvám ǀ śrībhíḥ ǀ darśatā́bhiḥ ǀ ābhíḥ ǀ śubhé ǀ puṣṭím ǀ ūhathuḥ ǀ sūryā́yāḥ ǀ
   prá ǀ vām ǀ váyaḥ ǀ vápuṣe ǀ ánu ǀ paptan ǀ nákṣat ǀ vā́ṇī ǀ sú-stutā ǀ dhiṣṇyā ǀ vām ǁ

   yuvam ǀ śrībhiḥ ǀ darśatābhiḥ ǀ ābhiḥ ǀ śubhe ǀ puṣṭim ǀ ūhathuḥ ǀ sūryāyāḥ ǀ
   pra ǀ vām ǀ vayaḥ ǀ vapuṣe ǀ anu ǀ paptan ǀ nakṣat ǀ vāṇī ǀ su-stutā ǀ dhiṣṇyā ǀ vām ǁ

   6.63.6 Aṣṭaka 5.1.4.1Anuvāka 6.6.17Interpretations

7. Ṛk 7

   आ वां॒ वयोऽश्वा॑सो॒ वहि॑ष्ठा अ॒भि प्रयो॑ नासत्या वहंतु ।
   प्र वां॒ रथो॒ मनो॑जवा असर्जी॒षः पृ॒क्ष इ॒षिधो॒ अनु॑ पू॒र्वीः ॥

   आ वां वयो ऽश्वासो वहिष्ठा अभि प्रयो नासत्या वहन्तु |
   प्र वां रथो मनोजवा असर्जीषः पृक्ष इषिधो अनु पूर्वीः ||

   ā́ vām váyó’śvāso váhiṣṭhā abhí práyo nāsatyā vahantu ǀ
   prá vām rátho mánojavā asarjīṣáḥ pṛkṣá iṣídho ánu pūrvī́ḥ ǁ

   ā vāṃ vayo 'śvāso vahiṣṭhā abhi prayo nāsatyā vahantu |
   pra vāṃ ratho manojavā asarjīṣaḥ pṛkṣa iṣidho anu pūrvīḥ ||

   आ । वा॒म् । वयः॑ । अश्वा॑सः । वहि॑ष्ठाः । अ॒भि । प्रयः॑ । ना॒स॒त्या॒ । व॒ह॒न्तु॒ ।
   प्र । वा॒म् । रथः॑ । मनः॑ऽजवाः । अ॒स॒र्जि॒ । इ॒षः । पृ॒क्षः । इ॒षिधः॑ । अनु॑ । पू॒र्वीः ॥

   आ । वाम् । वयः । अश्वासः । वहिष्ठाः । अभि । प्रयः । नासत्या । वहन्तु ।
   प्र । वाम् । रथः । मनःऽजवाः । असर्जि । इषः । पृक्षः । इषिधः । अनु । पूर्वीः ॥

   ā́ ǀ vām ǀ váyaḥ ǀ áśvāsaḥ ǀ váhiṣṭhāḥ ǀ abhí ǀ práyaḥ ǀ nāsatyā ǀ vahantu ǀ
   prá ǀ vām ǀ ráthaḥ ǀ mánaḥ-javāḥ ǀ asarji ǀ iṣáḥ ǀ pṛkṣáḥ ǀ iṣídhaḥ ǀ ánu ǀ pūrvī́ḥ ǁ

   ā ǀ vām ǀ vayaḥ ǀ aśvāsaḥ ǀ vahiṣṭhāḥ ǀ abhi ǀ prayaḥ ǀ nāsatyā ǀ vahantu ǀ
   pra ǀ vām ǀ rathaḥ ǀ manaḥ-javāḥ ǀ asarji ǀ iṣaḥ ǀ pṛkṣaḥ ǀ iṣidhaḥ ǀ anu ǀ pūrvīḥ ǁ

   6.63.7 Aṣṭaka 5.1.4.2Anuvāka 6.6.18Interpretations

8. Ṛk 8

   पु॒रु हि वां॑ पुरुभुजा दे॒ष्णं धे॒नुं न॒ इषं॑ पिन्वत॒मस॑क्रां ।
   स्तुत॑श्च वां माध्वी सुष्टु॒तिश्च॒ रसा॑श्च॒ ये वा॒मनु॑ रा॒तिमग्म॑न् ॥

   पुरु हि वाम् पुरुभुजा देष्णं धेनुं न इषम् पिन्वतम् असक्राम् |
   स्तुतश् च वाम् माध्वी सुष्टुतिश् च रसाश् च ये वाम् अनु रातिम् अग्मन् ||

   purú hí vām purubhujā deṣṇám dhenúm na íṣam pinvatamásakrām ǀ
   stútaśca vām mādhvī suṣṭutíśca rásāśca yé vāmánu rātímagman ǁ

   puru hi vām purubhujā deṣṇaṃ dhenuṃ na iṣam pinvatam asakrām |
   stutaś ca vām mādhvī suṣṭutiś ca rasāś ca ye vām anu rātim agman ||

   पु॒रु । हि । वा॒म् । पु॒रु॒ऽभु॒जा॒ । दे॒ष्णम् । धे॒नुम् । नः॒ । इष॑म् । पि॒न्व॒त॒म् । अस॑क्राम् ।
   स्तुतः॑ । च॒ । वा॒म् । मा॒ध्वी॒ इति॑ । सु॒ऽस्तु॒तिः । च॒ । रसाः॑ । च॒ । ये । वा॒म् । अनु॑ । रा॒तिम् । अग्म॑न् ॥

   पुरु । हि । वाम् । पुरुऽभुजा । देष्णम् । धेनुम् । नः । इषम् । पिन्वतम् । असक्राम् ।
   स्तुतः । च । वाम् । माध्वी इति । सुऽस्तुतिः । च । रसाः । च । ये । वाम् । अनु । रातिम् । अग्मन् ॥

   purú ǀ hí ǀ vām ǀ puru-bhujā ǀ deṣṇám ǀ dhenúm ǀ naḥ ǀ íṣam ǀ pinvatam ǀ ásakrām ǀ
   stútaḥ ǀ ca ǀ vām ǀ mādhvī íti ǀ su-stutíḥ ǀ ca ǀ rásāḥ ǀ ca ǀ yé ǀ vām ǀ ánu ǀ rātím ǀ ágman ǁ

   puru ǀ hi ǀ vām ǀ puru-bhujā ǀ deṣṇam ǀ dhenum ǀ naḥ ǀ iṣam ǀ pinvatam ǀ asakrām ǀ
   stutaḥ ǀ ca ǀ vām ǀ mādhvī iti ǀ su-stutiḥ ǀ ca ǀ rasāḥ ǀ ca ǀ ye ǀ vām ǀ anu ǀ rātim ǀ agman ǁ

   6.63.8 Aṣṭaka 5.1.4.3Anuvāka 6.6.19Interpretations

9. Ṛk 9

   उ॒त म॑ ऋ॒ज्रे पुर॑यस्य र॒घ्वी सु॑मी॒ळ्हे श॒तं पे॑रु॒के च॑ प॒क्वा ।
   शां॒डो दा॑द्धिर॒णिनः॒ स्मद्दि॑ष्टीं॒दश॑ व॒शासो॑ अभि॒षाच॑ ऋ॒ष्वान् ॥

   उत म ऋज्रे पुरयस्य रघ्वी सुमीऌहे शतम् पेरुके च पक्वा |
   शाण्डो दाद् धिरणिनः स्मद्दिष्टीन् दश वशासो अभिषाच ऋष्वान् ||

   utá ma ṛjré púrayasya raghvī́ sumīḷhé śatám peruké ca pakvā́ ǀ
   śāṇḍó dāddhiraṇínaḥ smáddiṣṭīndáśa vaśā́so abhiṣā́ca ṛṣvā́n ǁ

   uta ma ṛjre purayasya raghvī sumīḷhe śatam peruke ca pakvā |
   śāṇḍo dād dhiraṇinaḥ smaddiṣṭīn daśa vaśāso abhiṣāca ṛṣvān ||

   उ॒त । मे॒ । ऋ॒ज्रे इति॑ । पुर॑यस्य । र॒घ्वी इति॑ । सु॒ऽमी॒ळ्हे । श॒तम् । पे॒रु॒के । च॒ । प॒क्वा ।
   शा॒ण्डः । दा॒त् । हि॒र॒णिनः॑ । स्मत्ऽदि॑ष्टीन् । दश॑ । व॒शासः॑ । अ॒भि॒ऽसाचः॑ । ऋ॒ष्वान् ॥

   उत । मे । ऋज्रे इति । पुरयस्य । रघ्वी इति । सुऽमीळ्हे । शतम् । पेरुके । च । पक्वा ।
   शाण्डः । दात् । हिरणिनः । स्मत्ऽदिष्टीन् । दश । वशासः । अभिऽसाचः । ऋष्वान् ॥

   utá ǀ me ǀ ṛjré íti ǀ púrayasya ǀ raghvī́ íti ǀ su-mīḷhé ǀ śatám ǀ peruké ǀ ca ǀ pakvā́ ǀ
   śāṇḍáḥ ǀ dāt ǀ hiraṇínaḥ ǀ smát-diṣṭīn ǀ dáśa ǀ vaśā́saḥ ǀ abhi-sā́caḥ ǀ ṛṣvā́n ǁ

   uta ǀ me ǀ ṛjre iti ǀ purayasya ǀ raghvī iti ǀ su-mīḷhe ǀ śatam ǀ peruke ǀ ca ǀ pakvā ǀ
   śāṇḍaḥ ǀ dāt ǀ hiraṇinaḥ ǀ smat-diṣṭīn ǀ daśa ǀ vaśāsaḥ ǀ abhi-sācaḥ ǀ ṛṣvān ǁ

   6.63.9 Aṣṭaka 5.1.4.4Anuvāka 6.6.20Interpretations

10. Ṛk 10

    सं वां॑ श॒ता ना॑सत्या स॒हस्राश्वा॑नां पुरु॒पंथा॑ गि॒रे दा॑त् ।
    भ॒रद्वा॑जाय वीर॒ नू गि॒रे दा॑द्ध॒ता रक्षां॑सि पुरुदंससा स्युः ॥

    सं वां शता नासत्या सहस्राश्वानाम् पुरुपन्था गिरे दात् |
    भरद्वाजाय वीर नू गिरे दाद् धता रक्षांसि पुरुदंससा स्युः ||

    sám vām śatā́ nāsatyā sahásrā́śvānām purupánthā giré dāt ǀ
    bharádvājāya vīra nū́ giré dāddhatā́ rákṣāṃsi purudaṃsasā syuḥ ǁ

    saṃ vāṃ śatā nāsatyā sahasrāśvānām purupanthā gire dāt |
    bharadvājāya vīra nū gire dād dhatā rakṣāṃsi purudaṃsasā syuḥ ||

    सम् । वा॒म् । श॒ता । ना॒स॒त्या॒ । स॒हस्रा॑ । अश्वा॑नाम् । पु॒रु॒ऽपन्थाः॑ । गि॒रे । दा॒त् ।
    भ॒रत्ऽवा॑जाय । वी॒र॒ । नु । गि॒रे । दा॒त् । ह॒ता । रक्षां॑सि । पु॒रु॒ऽदं॒स॒सा॒ । स्यु॒रिति॑ स्युः ॥

    सम् । वाम् । शता । नासत्या । सहस्रा । अश्वानाम् । पुरुऽपन्थाः । गिरे । दात् ।
    भरत्ऽवाजाय । वीर । नु । गिरे । दात् । हता । रक्षांसि । पुरुऽदंससा । स्युरिति स्युः ॥

    sám ǀ vām ǀ śatā́ ǀ nāsatyā ǀ sahásrā ǀ áśvānām ǀ puru-pánthāḥ ǀ giré ǀ dāt ǀ
    bharát-vājāya ǀ vīra ǀ nú ǀ giré ǀ dāt ǀ hatā́ ǀ rákṣāṃsi ǀ puru-daṃsasā ǀ syuríti syuḥ ǁ

    sam ǀ vām ǀ śatā ǀ nāsatyā ǀ sahasrā ǀ aśvānām ǀ puru-panthāḥ ǀ gire ǀ dāt ǀ
    bharat-vājāya ǀ vīra ǀ nu ǀ gire ǀ dāt ǀ hatā ǀ rakṣāṃsi ǀ puru-daṃsasā ǀ syuriti syuḥ ǁ

    6.63.10 Aṣṭaka 5.1.4.5Anuvāka 6.6.21Interpretations

11. Ṛk 11

    आ वां॑ सु॒म्ने वरि॑मन्त्सू॒रिभिः॑ ष्यां ॥

    आ वां सुम्ने वरिमन् सूरिभिः ष्याम् ||

    ā́ vām sumné várimantsūríbhiḥ ṣyām ǁ

    ā vāṃ sumne variman sūribhiḥ ṣyām ||

    आ । वा॒म् । सु॒म्ने । वरि॑मन् । सू॒रिऽभिः॑ । स्या॒म् ॥

    आ । वाम् । सुम्ने । वरिमन् । सूरिऽभिः । स्याम् ॥

    ā́ ǀ vām ǀ sumné ǀ váriman ǀ sūrí-bhiḥ ǀ syām ǁ

    ā ǀ vām ǀ sumne ǀ variman ǀ sūri-bhiḥ ǀ syām ǁ

    6.63.11 Aṣṭaka 5.1.4.6Anuvāka 6.6.22Interpretations

Text, recitation and interpretations from the Ṛgveda database of theveda.org.in.