ĀVDīp zu Ca, 2, Cik., 4, 51.2
Select a line for its word-by-word analysis.
व्रजेच्चाभ्यधिकम् इति पुनः पुनर्गच्छेत् व्यज्यते इति वा पाठः तत्रापि भूयो गमनेन नारीषु पुंस्त्वेन व्यज्यते ॥ (२।०)
vrajeccābhyadhikam iti punaḥ punargacchet vyajyate iti vā pāṭhaḥ tatrāpi bhūyo gamanena nārīṣu puṃstvena vyajyate ||
व्यज्यात् इति पाठेऽपि स एवार्थो विद्वद्भिः सुचिन्तनीयः ॥ (३।०)
vyajyāt iti pāṭhe'pi sa evārtho vidvadbhiḥ sucintanīyaḥ ||
अनेन निरुक्तेन त्रिविधमपि वृष्यमवरुध्यते यथा शुक्रवृद्धिकरं च माषादि तथा स्रुतिकरं संकल्पादि शुक्रस्रुतिवृद्धिकरं क्षीरादि ॥ (४।०)
anena niruktena trividhamapi vṛṣyamavarudhyate yathā śukravṛddhikaraṃ ca māṣādi tathā srutikaraṃ saṃkalpādi śukrasrutivṛddhikaraṃ kṣīrādi ||
यदुक्तमन्यत्र शुक्रस्रुतिकरं किंचित् किंचिच्छुक्रविवर्धनम् ॥ (५।१)
yaduktamanyatra śukrasrutikaraṃ kiṃcit kiṃcicchukravivardhanam ||
स्रुतिवृद्धिकरं किंचित् त्रिविधं वृष्यमुच्यते इति ॥ (६।०)
srutivṛddhikaraṃ kiṃcit trividhaṃ vṛṣyamucyate iti ||
त्रिविधमपि हीदं व्यवाये बलवत्त्वं पुनः पुनर्व्यवायशक्तिं च करोति ॥ (७।०)
trividhamapi hīdaṃ vyavāye balavattvaṃ punaḥ punarvyavāyaśaktiṃ ca karoti ||
Data courtesy of The Digital Corpus of Sanskrit.