ĀVDīp zu Ca, Sū., 20, 8
Select a line for its word-by-word analysis.
आगन्तुनिजयोर्भेदकं लक्षणमभिधाय निजविकारकराणां वातादीनां भेदज्ञानार्थमाह तेषामित्यादि । (१।१)
āgantunijayorbhedakaṃ lakṣaṇamabhidhāya nijavikārakarāṇāṃ vātādīnāṃ bhedajñānārthamāha teṣāmityādi |
यद्यपि प्राणादिभेदभिन्नस्य वायोः पृथगेव स्थानानि वक्ष्यति यथा स्थानं प्राणस्य शीर्षोरःकण्ठजिह्वास्यनासिकाः इत्यादि तथापीदं वैशेषिकं स्थानं ज्ञेयं यतोऽत्र प्रायो वातविकारा भवन्ति भूताश्च दुर्जयाः अत्र च विजिते वाते सर्ववातविकारावजय इति ॥ (२।०)
yadyapi prāṇādibhedabhinnasya vāyoḥ pṛthageva sthānāni vakṣyati yathā sthānaṃ prāṇasya śīrṣoraḥkaṇṭhajihvāsyanāsikāḥ ityādi tathāpīdaṃ vaiśeṣikaṃ sthānaṃ jñeyaṃ yato'tra prāyo vātavikārā bhavanti bhūtāśca durjayāḥ atra ca vijite vāte sarvavātavikārāvajaya iti ||
पित्तस्थानेषु आमाशय इति आमाशयाधोभागः श्लेष्मस्थानेष्वामाशय आमाशयोर्ध्वभागः ॥ (४।०)
pittasthāneṣu āmāśaya iti āmāśayādhobhāgaḥ śleṣmasthāneṣvāmāśaya āmāśayordhvabhāgaḥ ||
Data courtesy of The Digital Corpus of Sanskrit.