आवेश इत्यादि ॥ (१।०)

आवेशः परपुरप्रवेशः ॥ (२।०)

चेतसो ज्ञानमिति परचित्तज्ञानम् ॥ (३।०)

अर्थानां छन्दतः क्रियेति अर्थानामिच्छातः करणम् ॥ (४।०)

दृष्टिः अतीन्द्रियदर्शनम् ॥ (५।०)

श्रोत्रम् अतीन्द्रियश्रवणम् ॥ (६।०)

स्मृतिः सर्वभावतत्त्वस्मरणम् ॥ (७।०)

कान्तिः अमानुषी कान्तिः ॥ (८।०)

इष्टतश्चाप्यदर्शनमिति यदेच्छति तदा दर्शनयोग्य एव न दृश्यते यदा चेच्छति तदा दृश्यते ॥ (९।०)

किंवा आवेशश्चेतस इति परचेतसः प्रवेशः ज्ञानमिति सर्वम् अतीतानागतादिज्ञानं शेषं पूर्ववत् ॥ (१०।०)

ऐश्वरम् इति योगप्रभावाद् उपपन्नैश्वर्यकृतम् ॥ (११।०)

शुद्धसत्त्वसमाधानादिति नीरजस्तमस्कस्य मनस आत्मनि सम्यगाधानात् ॥ (१२।०)