ĀVDīp zu Ca, Śār., 1, 51.2
Select a line for its word-by-word analysis.
अथायमात्मसद्भावः स्थिरोऽस्तु शरीरारम्भकाणां भूतानां का वा गतिरित्याह निमेषेत्यादि ॥ (१।०)
athāyamātmasadbhāvaḥ sthiro'stu śarīrārambhakāṇāṃ bhūtānāṃ kā vā gatirityāha nimeṣetyādi ||
अत्यय इति विनाशे शरीरस्य स्वाग्निपच्यमानस्य निमेषकालादपि शीघ्रं विनाशो भवतीत्यर्थः ॥ (३।०)
atyaya iti vināśe śarīrasya svāgnipacyamānasya nimeṣakālādapi śīghraṃ vināśo bhavatītyarthaḥ ||
अमीषां च भावानां भग्नानां न पुनर्भावः पुनरागमनं नास्तीत्यर्थः ॥ (४।०)
amīṣāṃ ca bhāvānāṃ bhagnānāṃ na punarbhāvaḥ punarāgamanaṃ nāstītyarthaḥ ||
तेन येन शरीरेण यत् कृतं तच्छरीरं तत्फलं न प्राप्नोतीत्युक्तं भवति ॥ (५।०)
tena yena śarīreṇa yat kṛtaṃ taccharīraṃ tatphalaṃ na prāpnotītyuktaṃ bhavati ||
अथ मा भवत्वेवं ततः किमित्याह कृतमित्यादि ॥ (६।०)
atha mā bhavatvevaṃ tataḥ kimityāha kṛtamityādi ||
कृतं कर्म यागादि न फलरूपतयान्यमुपैति एवं सति देवदत्तकृतेन शुभकर्मणा यज्ञदत्तादयोऽपि सुखभाजः स्युः तस्मात् क्षणभङ्गिशरीराद् अतिरिक्तः कर्मकर्ता तत्फलभोक्ता चास्तीति भावः ॥ (७।०)
kṛtaṃ karma yāgādi na phalarūpatayānyamupaiti evaṃ sati devadattakṛtena śubhakarmaṇā yajñadattādayo'pi sukhabhājaḥ syuḥ tasmāt kṣaṇabhaṅgiśarīrād atiriktaḥ karmakartā tatphalabhoktā cāstīti bhāvaḥ ||
Data courtesy of The Digital Corpus of Sanskrit.