ĀVDīp zu Ca, Śār., 1, 129.2
Select a line for its word-by-word analysis.
दुःखरूपवेदनाहेतुं प्रपञ्चोक्तमुपसंहरति वेदनानाम् इत्यादि ॥ (१।०)
duḥkharūpavedanāhetuṃ prapañcoktamupasaṃharati vedanānām ityādi ||
अथ सुखरूपवेदनाहेतुः क इत्याह सुखेत्यादि ॥ (३।०)
atha sukharūpavedanāhetuḥ ka ityāha sukhetyādi ||
समयोग इति कालबुद्धीन्द्रियार्थानां सम्यग्योगः ॥ (४।०)
samayoga iti kālabuddhīndriyārthānāṃ samyagyogaḥ ||
सुदुर्लभ इति कालादिसम्यग्योगस्य अयोगादिविरहत्वेन सुदुर्लभत्वात् ॥ (५।०)
sudurlabha iti kālādisamyagyogasya ayogādivirahatvena sudurlabhatvāt ||
प्रायो हि कालादीनां मध्ये अन्यतरेणाप्ययोगादिना पुरुषः सम्बध्यते तेन च नित्यातुरा एव पुरुषा भवन्ति अल्पं च रोगमनादृत्य स्वस्थव्यपदेशः पुरुषाणां क्रियत इति भावः ॥ (६।०)
prāyo hi kālādīnāṃ madhye anyatareṇāpyayogādinā puruṣaḥ sambadhyate tena ca nityāturā eva puruṣā bhavanti alpaṃ ca rogamanādṛtya svasthavyapadeśaḥ puruṣāṇāṃ kriyata iti bhāvaḥ ||
Data courtesy of The Digital Corpus of Sanskrit.