क्व चैता वेदनाः सर्वा इत्यादिप्रश्नस्योत्तरं योग इत्यादि ॥ (१।०)

योगः अनारम्भात् इत्यादिग्रन्थवक्ष्यमाणः ॥ (२।०)

मोक्ष आत्यन्तिकशरीराद्युच्छेदः ॥ (३।०)

निःशेषेति न पुनर्भवति ॥ (४।०)

एतेन योगे निवृत्ता वेदना पुनर् भवतीति सूचयति ॥ (५।०)

मोक्षप्रवर्तक इति मोक्षकारणम् ॥ (६।०)

किंवा सयोगमोक्षौ निवर्तकौ इति पाठः तदा अस्मिन् पक्षे यद्यपि योगमोक्षयोर्वेदनानिवर्तकत्वं योगे मोक्षे च इत्यादिना श्लोकार्धेनोक्तं तथापि योगमोक्षयोरिह कर्तृता वेदनानिवृत्तिं प्रति दृश्यत इति न पौनरुक्त्यम् ॥ (७।०)