लावः प्रसिद्धः ॥ (१।०)

वर्तीरः कपिञ्जलभेदः ॥ (२।०)

कपिञ्जलो गौरतित्तिरिः ॥ (३।०)

वार्तीकः चटकभेदः संघातचारी ॥ (४।०)

उपचक्रः चकोरभेदः ॥ (५।०)

कुक्कुभः प्रसिद्धः रक्तवर्त्मक इति कुक्कुभविशेषणं तेन स्थूलकुक्कुभो गृह्यते ॥ (६।०)

वर्तकः वट्टही इति ख्यातः ॥ (७।०)

वार्तिका स्वल्पप्रमाणा जात्यन्तरमेव केचित् तु वर्तकस्त्रियं वर्तिकां वदन्ति अस्याश्च ग्रहणं स्त्रीलिङ्गभेदेऽपि विशेषलाघवप्रतिषेधार्थम् अन्यथा स्त्रीत्वेन वर्तिकाद्वर्तिकाया लाघवं स्यात् ॥ (८।०)

बर्ही मयूरः ॥ (९।०)

शारपदेन्द्राभः मल्लकङ्कः ॥ (१०।०)

गोनर्दो घोडाकङ्क इति ख्यातः ॥ (११।०)

क्रकरः प्रसिद्धः ॥ (१२।०)

लावादिवर्तिकादिविष्किरगणद्वयकरणं गुणभेदकथनार्थम् ॥ (१३।०)