ĀVDīp zu Ca, Sū., 1, 43.2
Select a line for its word-by-word analysis.
अथ कस्माद् आयुर्वेदलक्षणो वेदः पुण्यतमो वेदविदां च पूजित इत्याह वक्ष्यत इत्यादि ॥ (४।०)
atha kasmād āyurvedalakṣaṇo vedaḥ puṇyatamo vedavidāṃ ca pūjita ityāha vakṣyata ityādi ||
यदिति यस्मात् एवमुक्तं भवति यदन्ये ऋग्वेदादयः प्रायः परलोकहितमेवार्थं वदन्ति तेन पुण्याः पुण्यतमश्चायमायुर्वेदो यद् यस्मान्मनुष्याणामुभयोरपि लोकयोर् यद्धितम् आयुरारोग्यसाधनं धर्मसाधनं च तद्वक्ष्यते तेनातिशयेन पुण्यतमस्तथा वेदविदां च पूजित इति ॥ (५।०)
yaditi yasmāt evamuktaṃ bhavati yadanye ṛgvedādayaḥ prāyaḥ paralokahitamevārthaṃ vadanti tena puṇyāḥ puṇyatamaścāyamāyurvedo yad yasmānmanuṣyāṇāmubhayorapi lokayor yaddhitam āyurārogyasādhanaṃ dharmasādhanaṃ ca tadvakṣyate tenātiśayena puṇyatamastathā vedavidāṃ ca pūjita iti ||
केचित् वक्ष्यते यः इति पठन्ति तत्रापि हेतुगर्भमिति व्याख्येयम् ॥ (६।०)
kecit vakṣyate yaḥ iti paṭhanti tatrāpi hetugarbhamiti vyākhyeyam ||
जीवितप्रदातृत्वादायुर्वेदस्य पुण्यतमत्वं बोद्धव्यं यतश् चतुर्वर्गसाधनीभूतजीवितप्रदम् एव सर्वोत्तमं भवति ॥ (७।०)
jīvitapradātṛtvādāyurvedasya puṇyatamatvaṃ boddhavyaṃ yataś caturvargasādhanībhūtajīvitapradam eva sarvottamaṃ bhavati ||
उच्यते च न हि जीवितदानाद्धि दानमन्यद्विशिष्यते इति ॥ (८।०)
ucyate ca na hi jīvitadānāddhi dānamanyadviśiṣyate iti ||
Data courtesy of The Digital Corpus of Sanskrit.