पृषतः चित्रहरिणः ॥ (१।०)

शरभः अष्टापद उष्ट्रप्रमाणो महाशृङ्गः पृष्ठगतचतुष्पादः काश्मीरे प्रसिद्धः ॥ (२।०)

रामः हिमालये महामृगः ॥ (३।०)

श्वदंष्ट्रः चतुर्दंष्ट्रः कार्त्तिकपुरे प्रसिद्धः ॥ (४।०)

मृगमातृका स्वल्पा पृथूदरा हरिणजातिः ॥ (५।०)

कुरङ्गः हरिणभेदः ॥ (६।०)

गोकर्णः गोमुखहरिणविशेषः ॥ (७।०)

हरिणः ताम्रवर्णः एणः कृष्णसारः ॥ (८।०)

ऋष्यः नीलाण्डो हरिणः ॥ (९।०)

चारुष्कादयोऽपि हरिणभेदा एव ॥ (१०।०)

शशस्तु सुश्रुते बिलेशयेषु पठितः तददूरान्तरार्थम् ॥ (११।०)