ĀVDīp zu Ca, Śār., 1, 109.2
Select a line for its word-by-word analysis.
संक्षेपेण प्रज्ञापराधलक्षणमाह बुद्ध्येत्यादि ॥ (१।०)
saṃkṣepeṇa prajñāparādhalakṣaṇamāha buddhyetyādi ||
विषमम् इति अनुचितं विषमविज्ञानं स्वरूपत एव प्रज्ञापराधः ॥ (२।०)
viṣamam iti anucitaṃ viṣamavijñānaṃ svarūpata eva prajñāparādhaḥ ||
विषमप्रवर्तनं च प्रज्ञापराधकार्यत्वेन प्रज्ञापराधशब्देनोच्यते ॥ (३।०)
viṣamapravartanaṃ ca prajñāparādhakāryatvena prajñāparādhaśabdenocyate ||
मनसो गोचरं हि तदिति तद्विषमप्रवर्तनं विषमज्ञानं च मनःकार्यप्रज्ञाविषयत्वेन मनसो गोचरमित्यर्थः ॥ (४।०)
manaso gocaraṃ hi taditi tadviṣamapravartanaṃ viṣamajñānaṃ ca manaḥkāryaprajñāviṣayatvena manaso gocaramityarthaḥ ||
विषमप्रवर्तनं च मनोगोचरजन्यत्वेनोपचाराद् उक्तं विसदृशमनोविषयज्ञानाद् विषमवाग्देहप्रवृत्तिर् अपि भवति ॥ (५।०)
viṣamapravartanaṃ ca manogocarajanyatvenopacārād uktaṃ visadṛśamanoviṣayajñānād viṣamavāgdehapravṛttir api bhavati ||
Data courtesy of The Digital Corpus of Sanskrit.