हंसश् चतुर्विधो ऽपि राजहंसादिर् ग्राह्यः ॥ (१।०)

क्रौञ्चः कोञ्च इति ख्यातः ॥ (२।०)

बकः पाण्डुरपक्षः ॥ (३।०)

बलाका शुक्ला ॥ (४।०)

कारण्डवः काकवक्त्रः ॥ (५।०)

प्लवः स्वनामप्रसिद्धः प्रसेवगलः ॥ (६।०)

शरारिः शराली इति लोके ॥ (७।०)

मद्गुः पानीयकाकः ॥ (८।०)

कादम्बः कलहंसः ॥ (९।०)

काकतुण्डकः श्वेतकारण्डवः ॥ (१०।०)

उत्क्रोशः कुरल इति ख्यातः ॥ (११।०)

पुण्डरीकाक्षः पुण्डरः ॥ (१२।०)

मेघरावः मेघनादः ॥ (१३।०)

मेघरावश्चातक इत्यन्ये तन्न तस्य वारिचरत्वाभावात् ॥ (१४।०)

अम्बुकुक्कुटी जलकुक्कुटी ॥ (१५।०)

आरा स्वनामख्याता ॥ (१६।०)

नन्दीमुखी पत्राटी ॥ (१७।०)

सारसः प्रसिद्धः ॥ (१८।०)

रक्तशीर्षकः सारसभेदो लोहितशिराः ॥ (१९।०)

अम्बुचारिण इति जले प्लवन्त इत्यर्थः ॥ (२०।०)