वाजीकरणकार्यम् आहापत्येत्यादि ॥ (१।०)

अपत्यसंतानः अपत्यपरम्परा तेन पुत्रपौत्रकरम् इत्यर्थः वाजीकरणजनिताच्छुक्राज् जातः पुत्रः पुत्रजननसमर्थो भवतीत्यर्थः ॥ (२।०)

अतिप्रियत्वं चेहोपचितशुक्रतया निरन्तरव्यवायकर्तृत्वात् यद् उच्यते । (३।१)

विरूपम् अपि योद्धारं भृत्यमिच्छन्ति पार्थिवाः । (३।२)

व्यवायव्यायतं मूर्खं धृष्टं पतिमिव स्त्रियः ॥ (३।३)

इति ॥ (४।०)

उपचीयत इति पुष्टिं प्राप्नोति ॥ (५।०)

अक्षयम् इवाक्षयम् ॥ (६।०)

फलवद् इति गर्भजनकम् ॥ (७।०)

चैत्यो देवतायतनम् ॥ (८।०)

अर्च्यः अर्चनीयः ॥ (९।०)

आनन्त्यमिवानन्त्यं दीर्घसंतानताम् इत्यर्थः ॥ (१०।०)