ĀVDīp zu Ca, Śār., 1, 38.2
Select a line for its word-by-word analysis.
पुनश्चतुर्विंशतिके पुरुषे कर्मफलादि दर्शयन् दोषहीने पुरुषे कर्मफलाद्यभावमर्थाद्दर्शयति अत्रेत्यादि ॥ (१।०)
punaścaturviṃśatike puruṣe karmaphalādi darśayan doṣahīne puruṣe karmaphalādyabhāvamarthāddarśayati atretyādi ||
ज्ञानं च यद्यपि चतुर्विंशतितत्त्वातिरिक्तस्योदासीनस्यैव तथापि तच्चेतनया प्रकृतिरपि चेतनामापद्य चेतनैव भवतीति युक्तम् अत्र ज्ञानम् इति ॥ (६।०)
jñānaṃ ca yadyapi caturviṃśatitattvātiriktasyodāsīnasyaiva tathāpi taccetanayā prakṛtirapi cetanāmāpadya cetanaiva bhavatīti yuktam atra jñānam iti ||
वचनं हि तस्मात् तत्संयोगाद् अचेतनं चेतनावदिव लिङ्गम् इति ॥ (७।०)
vacanaṃ hi tasmāt tatsaṃyogād acetanaṃ cetanāvadiva liṅgam iti ||
चिकित्सां चेति नैष्ठिकी आत्यन्तिकदुःखचिकित्सा मोक्षसाधना ज्ञातव्या ॥ (१०।०)
cikitsāṃ ceti naiṣṭhikī ātyantikaduḥkhacikitsā mokṣasādhanā jñātavyā ||
यच्च किंचनेत्यनेनानुक्तमपि कृत्स्नं ज्ञेयमवरुणद्धि ॥ (११।०)
yacca kiṃcanetyanenānuktamapi kṛtsnaṃ jñeyamavaruṇaddhi ||
Data courtesy of The Digital Corpus of Sanskrit.