ĀVDīp zu Ca, Cik., 1, 24.2
Select a line for its word-by-word analysis.
कुटीप्रवेशेन यत् क्रियते तत् कुटीप्रावेशिकम् ॥ (१।०)
kuṭīpraveśena yat kriyate tat kuṭīprāveśikam ||
वातातपसेवयापि यत् क्रियते तद् वातातपिकम् ॥ (२।०)
vātātapasevayāpi yat kriyate tad vātātapikam ||
त्रिगर्भां प्रथममेकं गृहं तस्याभ्यन्तरे द्वितीयम् एवं त्रिगर्भास्त्रयो गर्भा अन्तराणि यस्यां सा त्रिगर्भामिति अन्तस् त्रिप्रकोष्ठाम् ॥ (३।०)
trigarbhāṃ prathamamekaṃ gṛhaṃ tasyābhyantare dvitīyam evaṃ trigarbhāstrayo garbhā antarāṇi yasyāṃ sā trigarbhāmiti antas triprakoṣṭhām ||
तिथिनक्षत्रपूजित इति शुभतिथिनक्षत्रयोगात् पूजिते ॥ (७।०)
tithinakṣatrapūjita iti śubhatithinakṣatrayogāt pūjite ||
संशोधनैर् इति वमनविरेचनास्थापनशिरोविरेचनैः ॥ (१०।०)
saṃśodhanair iti vamanavirecanāsthāpanaśirovirecanaiḥ ||
जातबल इति संशोधनापहृतमलतया संसर्जनादिक्रमेण पुनर् जातबलः ॥ (१२।०)
jātabala iti saṃśodhanāpahṛtamalatayā saṃsarjanādikrameṇa punar jātabalaḥ ||
यद्यपीह संशोधनैर् इति बहुवचनप्रयोगात् सर्वाण्येव संशोधनानि संमतानि तथापीह रसायने विशेषेण यौगिकत्वाद्धरीतक्यादिप्रयोग एवोक्तः अन्ये तु हरीतक्यादिप्रयोगेणैव परं संशोधनं कर्तव्यम् इत्याहुः संशोधनैर् इति बहुवचनं पुनर् यावच्छुद्धेर् हरीतक्यादिप्रयोगस्यैव करणं दर्शयति ॥ (१३।०)
yadyapīha saṃśodhanair iti bahuvacanaprayogāt sarvāṇyeva saṃśodhanāni saṃmatāni tathāpīha rasāyane viśeṣeṇa yaugikatvāddharītakyādiprayoga evoktaḥ anye tu harītakyādiprayogeṇaiva paraṃ saṃśodhanaṃ kartavyam ityāhuḥ saṃśodhanair iti bahuvacanaṃ punar yāvacchuddher harītakyādiprayogasyaiva karaṇaṃ darśayati ||
Data courtesy of The Digital Corpus of Sanskrit.