ĀVDīp zu Ca, Śār., 1, 77.2
Select a line for its word-by-word analysis.
स्वतन्त्रत्वे ऽप्यनिष्टयोनिगमनम् आक्षिप्तं समादधाति यथास्वेनेत्यादि । (१।०)
svatantratve 'pyaniṣṭayonigamanam ākṣiptaṃ samādadhāti yathāsvenetyādi |
प्राणैस्तन्त्रयते प्राणैर्योजयति आत्मनैवायं धर्माधर्मसहायेनात्मानं सर्वयोनिषु नयति न परप्रेरितो याति यतो नान्यः पुरुषोऽस्य प्रेरकोऽस्ति ईश्वराभावात् किंवा सत्यपि ईश्वरे तस्यापि कर्मपराधीनत्वात् ॥ (३।०)
prāṇaistantrayate prāṇairyojayati ātmanaivāyaṃ dharmādharmasahāyenātmānaṃ sarvayoniṣu nayati na paraprerito yāti yato nānyaḥ puruṣo'sya prerako'sti īśvarābhāvāt kiṃvā satyapi īśvare tasyāpi karmaparādhīnatvāt ||
इदमेव चास्यानिष्टयोनिगमने स्वातन्त्र्यं यद् अनिष्टयोनिगमनहेत्वधर्मकरणे स्वातन्त्र्यम् अधर्मकरणारब्धस्वकर्मणैवायम् अनिच्छन्नपि नीयत इत्यनिष्टयोनिगमनं भवति स्वातन्त्र्यं च यथोक्तं भवति ॥ (४।०)
idameva cāsyāniṣṭayonigamane svātantryaṃ yad aniṣṭayonigamanahetvadharmakaraṇe svātantryam adharmakaraṇārabdhasvakarmaṇaivāyam anicchannapi nīyata ityaniṣṭayonigamanaṃ bhavati svātantryaṃ ca yathoktaṃ bhavati ||
Data courtesy of The Digital Corpus of Sanskrit.