पञ्चानाम् इत्यादौ प्रतिद्रव्यं दशपलभागग्रहणम् उक्तं हि जातूकर्णे इति पञ्च पञ्चमूलानि तेषां प्रतिद्रव्यं दशपलानि इति ॥ (१।०)

हरीतकीसहस्रमिति हरीतकीफलसहस्रम् ॥ (२।०)

शूर्पपर्ण्यौ मुद्गमाषपर्ण्यौ ॥ (३।०)

वीरा जालंधरं शाकम् ॥ (४।१)

कूर्चनं जर्जरीकरणसाधनं शिलापुत्रकमुसलादि ॥ (५।०)

विनीयेति प्रक्षिप्य ॥ (६।०)

प्लवः कैवर्तमुस्तकम् ॥ (७।०)

कनकं नागकेशरम् ॥ (८।०)

त्वग् गुडत्वक् ॥ (९।०)

औदुम्बरे इति ताम्रमये ॥ (१०।०)

स्नेहार्धमिति सर्पिस्तैलार्धम् ॥ (११।०)

एकम् अनपराह्णिकम् आहारम् ॥ (१२।०)