शतपत्त्रः काष्ठकुक्कुटकः ॥ (१।०)

भृङ्गराजः प्रसिद्धो भ्रमरवर्णः कोयष्टिः कोडा इति ख्यातः ॥ (२।०)

जीवञ्जीवकः विषदर्शनमृत्युः ॥ (३।०)

अत्यूहः डाहुकः दात्यूह इति वा पाठः स च प्रसिद्धः ॥ (४।०)

लट्टा फेञ्चाको रक्तपुच्छाधोभागः लटूषकोऽपि तद्भेदः ॥ (५।०)

डिण्डिमानकः डिण्डिमवद् उत्कटध्वनिः ॥ (६।०)

कुलिङ्ग इति वनचटकाकारः पीतमस्तकः वाए इति लोके ॥ (७।०)

कलविङ्कः ग्राम्यचटकः ॥ (८।०)

चटकस्तु देवकुलचटकः स्वल्पप्रमाणः ॥ (९।०)

यान्यत्रानुक्तान्यप्रसिद्धानि तानि तद्विद्भ्यो देशान्तरेभ्यश्च ज्ञेयानि ॥ (१०।०)