ĀVDīp zu Ca, Śār., 1, 154.2
Select a line for its word-by-word analysis.
चरमसंन्यास इति पश्चाद्भाविसकलकर्मसंन्यासे ॥ (१।०)
caramasaṃnyāsa iti paścādbhāvisakalakarmasaṃnyāse ||
प्रथमं हि मोक्षोपयोगित्वेन गुरुवचनात् क्रियासंन्यासः कृत एव परं स्वानुभवविरक्तेन न कृतः अभ्यासाद् उद्भूतेन ज्ञानेन साक्षाद्दृष्टं भावस्वभावेन यः सर्वसंन्यासः क्रियते तत्र समूलाः सर्ववेदना ज्ञानादयश्च शरीरोपरमादेवोपरमन्ते ॥ (२।०)
prathamaṃ hi mokṣopayogitvena guruvacanāt kriyāsaṃnyāsaḥ kṛta eva paraṃ svānubhavaviraktena na kṛtaḥ abhyāsād udbhūtena jñānena sākṣāddṛṣṭaṃ bhāvasvabhāvena yaḥ sarvasaṃnyāsaḥ kriyate tatra samūlāḥ sarvavedanā jñānādayaśca śarīroparamādevoparamante ||
संज्ञा आलोचनं निर्विकल्पकं ज्ञानं सविकल्पकं विज्ञानं बुद्ध्यवसायः किंवा संज्ञा मानोल्लेखेन ज्ञानं विज्ञानं शास्त्रज्ञानम् ॥ (४।०)
saṃjñā ālocanaṃ nirvikalpakaṃ jñānaṃ savikalpakaṃ vijñānaṃ buddhyavasāyaḥ kiṃvā saṃjñā mānollekhena jñānaṃ vijñānaṃ śāstrajñānam ||
तत्त्वज्ञानमपि हि मोक्षं जनयित्वा निवर्तत एव कारणाभावात् ॥ (५।०)
tattvajñānamapi hi mokṣaṃ janayitvā nivartata eva kāraṇābhāvāt ||
Data courtesy of The Digital Corpus of Sanskrit.