क॒विर्नृ॒चक्षा॑ अ॒भि षी॑मचष्ट ऋ॒तस्य॒ योना॒ विघृ॑ते॒ मदं॑ती ।
नाना॑ चक्राते॒ सद॑नं॒ यथा॒ वेः स॑मा॒नेन॒ क्रतु॑ना संविदा॒ने ॥

कविर् नृचक्षा अभि षीम् अचष्ट ऋतस्य योना विघृते मदन्ती |
नाना चक्राते सदनं यथा वेः समानेन क्रतुना संविदाने ||

kavírnṛcákṣā abhí ṣīmacaṣṭa ṛtásya yónā víghṛte mádantī ǀ
nā́nā cakrāte sádanam yáthā véḥ samānéna krátunā saṃvidāné ǁ

kavir nṛcakṣā abhi ṣīm acaṣṭa ṛtasya yonā vighṛte madantī |
nānā cakrāte sadanaṃ yathā veḥ samānena kratunā saṃvidāne ||

क॒विः । नृ॒ऽचक्षाः॑ । अ॒भि । सी॒म् । अ॒च॒ष्ट॒ । ऋ॒तस्य॑ । योना॑ । विघृ॑ते॒ इति॒ विऽघृ॑ते । मद॑न्ती॒ इति॑ ।
नाना॑ । च॒क्रा॒ते॒ इति॑ । सद॑नम् । यथा॑ । वेः । स॒मा॒नेन॑ । क्रतु॑ना । सं॒वि॒दा॒ने इति॑ स॒म्ऽवि॒दा॒ने ॥

कविः । नृऽचक्षाः । अभि । सीम् । अचष्ट । ऋतस्य । योना । विघृते इति विऽघृते । मदन्ती इति ।
नाना । चक्राते इति । सदनम् । यथा । वेः । समानेन । क्रतुना । संविदाने इति सम्ऽविदाने ॥

kavíḥ ǀ nṛ-cákṣāḥ ǀ abhí ǀ sīm ǀ acaṣṭa ǀ ṛtásya ǀ yónā ǀ víghṛte íti ví-ghṛte ǀ mádantī íti ǀ
nā́nā ǀ cakrāte íti ǀ sádanam ǀ yáthā ǀ véḥ ǀ samānéna ǀ krátunā ǀ saṃvidāné íti sam-vidāné ǁ

kaviḥ ǀ nṛ-cakṣāḥ ǀ abhi ǀ sīm ǀ acaṣṭa ǀ ṛtasya ǀ yonā ǀ vighṛte iti vi-ghṛte ǀ madantī iti ǀ
nānā ǀ cakrāte iti ǀ sadanam ǀ yathā ǀ veḥ ǀ samānena ǀ kratunā ǀ saṃvidāne iti sam-vidāne ǁ