अत्र उप इत्य् अभ्युपगमे ॥ (१।०)

अभ्युपगमनेन कलुषमतिनेत्य् अर्थः ॥ (२।०)

स्पृश्य इति भस्मद्रव्यगात्रसंयोजनम् एव ॥ (३।०)

उपस्पृश्येति स्नानपर्यायः ॥ (४।०)

सचैलोदकस्पर्शनवत् ॥ (५।०)

स च भस्मना कर्तव्यः नाद्भिः ॥ (६।०)

कस्मात् ॥ (७।०)

पूर्वोत्तरव्याघातात् ॥ (८।०)

स्नानस्याप्रसङ्गाच् च ॥ (९।०)

उपस्पृश्येति निष्ठा ॥ (१०।०)

आह उपस्पृश्य यदि कलुषं न क्षीणं स्यात् ततो निर्घातनं किं कर्तव्यम् ॥ (११।०)

तद् उच्यते साकाङ्क्षत्वान् निष्ठाशब्दस्य प्राणायामः कर्तव्यः ॥ (१२।०)

यस्माद् आह ॥ (१३।०)