मन्त्रादिस्नानवत् ॥ (१।०)

अत्र अनु इति पृष्ठकर्मक्रियायां भवति ॥ (२।०)

अनुपानानुगमनवत् ॥ (३।०)

स्नानं तु भस्मद्रव्यसंयोजनम् एव ॥ (४।०)

सवनत्रये स्नानस्यान्तरेषु भुक्तोच्छिष्टक्षुतनिष्ठीवितमूत्रपुरीषोत्सर्गादिनिमित्तकम् अशौचकम् अभिसमीक्ष्य तद् अनुस्नानं कर्तव्यम् ॥ (५।०)

किमर्थम् इति चेत् शौचार्थं लिङ्गाभिव्यक्त्यर्थं च ॥ (६।०)

स्नेयम् इत्य् अर्थः ॥ (७।०)

आह किं भस्मैवैकं लिङ्गाभिव्यक्तिकारणम् ॥ (८।०)

भक्तिविवृद्धौ वा अप्रतिषिद्धस्य साधनं किम् इति ॥ (९।०)

तद् उच्यते ॥ (१०।०)