तत्र भैक्ष्यवत् प्रसिद्धं मांसम् ॥ (१।०)

यस्य माहिषवाराहादीनाम् अन्यतमं यत् प्राप्यते तत् खलु हिंसास्तेयरहितत्वात् ॥ (२।०)

लवणेन वा ॥ (३।०)

अत्र लवणं नाम सैन्धवसौवर्चलाद्यं मांसवत् प्रसिद्धम् ॥ (४।०)

तद् एतन् मांससमसंसृष्टं वा भैक्ष्यविधिना प्राप्तम् ॥ (५।०)

अदुष्यम् अकुत्सितम् अगर्हितमित्यर्थः ॥ (६।०)

वा विकल्पे ॥ (७।०)

मांसेन वा लवणेन वा उभाभ्यामपि साक्षाद्वा अदुष्यम् इत्यर्थः ॥ (८।०)

आह भैक्ष्यालाभकाले अपर्याप्तिकाले वा किमनेन कर्तव्यम् ॥ (९।०)

तदुच्यते अपः पीत्वा स्थेयम् ॥ (१०।०)

यस्मादाह ॥ (११।०)