अत्र सर्वभूतशब्दो वर्णाश्रमिषु द्रष्टव्यः ॥ (१।०)

कस्मादुच्यते वर्णाश्रमिष्विति ॥ (२।०)

भूतेषु इत्युक्तं नतु देवतिर्यग्योनिम्लेच्छादिषु ॥ (३।०)

कस्मात् ॥ (४।०)

व्यक्ताचारावमानदानादानविरोधात् ॥ (५।०)

उक्तं हि । (६।१)

धन्यो देशो यत्र गावः प्रभूताः मेध्यं चान्नं पार्थिवा धर्मशीलाः । (६।२)

पुण्या नद्यः सर्वलोकोपभोग्यास् तांस् तान् देशान्सिद्धिकामो व्रजेत ॥ (६।३)

भूतेषु इति सामीपिकं संनिधानम् ॥ (७।०)

भूतसमीपे भूताभ्याशे भूतानामध्यक्ष इत्यर्थः ॥ (८।०)

सामीपिकव्याख्यानेनावमानदेशादिस्पष्टतरत्वाद् अस्य विध्याचरणम् ॥ (९।०)

असुरेषु इत्याचरणज्ञापकाच् च ॥ (१०।०)

आह अवमतेन सर्वभूतेषु किं कर्तव्यम् ॥ (११।०)

तदुच्यते चरितव्यम् ॥ (१२।०)

यस्मादाह ॥ (१३।०)