अत्र अकारः क्षयप्रतिषेधे ॥ (१।०)

अत्र क्षयो नाम सति पुरुषनित्यत्वे पूर्वम् अस्य ब्राह्मणस्य तैस् तैर् ऐश्वर्यैर् अपकर्षः ॥ (२।०)

आहंकारिकमहदात्मकादिभिर् अनित्यो योगः ॥ (३।०)

अयं तु अनेन नित्येन माहेश्वरेणैश्वर्येण योगात् पुरुषः अक्षयः इत्य् उपचर्यते ॥ (४।०)

राजकोशवत् कुटुम्बिद्रव्यवत् ॥ (५।०)

आह ईश्वराणाम् अपि ययातिप्रभृतीनां जराभिभवनाद् अथ किम् अयं जीर्यते नेति ॥ (६।०)

अक्षयस्य वा किं लक्षणम् ॥ (७।०)

तद् उच्यते ॥ (८।०)