अत्र अनेन इत्य् अनपेक्षणे । (१।१)

विधिना भस्मस्नानक्राथनादिनोपायेनेत्य् अर्थः ॥ (१।२)

विधिनेति तृतीया ॥ (२।०)

रुद्र इति कालोपदेशे ॥ (३।०)

रुद्रस्य रुद्रत्वं पूर्वोक्तम् ॥ (४।०)

समीपम् इति योगपर्यायः ॥ (५।०)

कथं गम्यते ॥ (६।०)

विध्यनन्तरोक्तत्वात् ॥ (७।०)

सति विधिविषयत्वे पुरुषेश्वरयोर् विषयाधिकारकृतं वियोगं दृष्ट्वा ज्ञानपरिदृष्टेन विधिनाध्ययनध्यानाधिकृतो विशुद्धभावः समीपस्थ इत्यर्थः ॥ (८।०)

गतिः प्राप्तिर्भावस्येत्यर्थः ॥ (९।०)

त्वा इति विधिकर्मणोर्निष्ठा ॥ (१०।०)

आह अत्रैवं विध्याचरणं समीपगमनं च कस्योपदिश्यते ॥ (११।०)

उच्यते न तीर्थयात्रादिधर्मवत् सर्वेषाम् ॥ (१२।०)

किंतु संस्कारवद् ब्राह्मणस्यैव ॥ (१३।०)

यस्माद् आह ॥ (१४।०)