अत्र निरतिशय ऐश्वर्येण ईश्वरः ॥ (१।०)

पुरुषः चैतन्यवद् इत्यर्थः ॥ (२।०)

आह कस्यायमीश्वरः ॥ (३।०)

तदुच्यते सर्वभूतानाम् । (४।१)

अत्र चेतनाचेतनेषु सर्वशब्दः न केवलं पृथिव्यादिषु किंतु सिद्धेश्वरवर्जं चेतनेष्वेव सर्वभूतप्रकृतेर्निरवशेषवाची सर्वशब्दो द्रष्टव्यः ॥ (४।२)

कस्माद् भूतानि ॥ (५।०)

भावनत्वाद् भूतानीत्युक्तम् भूतानामिति षष्ठीबहुवचनम् ॥ (६।०)

आह अत्र केचिद् विद्याभूतव्यतिरिक्तं ब्रह्माणमिच्छन्ति ॥ (७।०)

तस्यायं किं प्रभुर्भवति नेति ॥ (८।०)

उच्यते प्रभुः ॥ (९।०)

यस्मादाह ॥ (१०।०)