बलं नाम धर्मज्ञानवैराग्यैश्वर्याधर्माज्ञानावैराग्यानैश्वर्याणि इच्छाद्वेषप्रयत्नादीनि विद्यावर्गः रूपाणि ॥ (१।०)

प्र इति भृशार्थे कामित्वाकर्षणे च ॥ (२।०)

मथनत्वं नाम बलवृत्तिनिरोधनम् उदधिमथनवत् ॥ (३।०)

न वाग्निज्ञानादीनि दुर्बलानि ॥ (४।०)

यस्मादुक्तम् । (५।१)

न ह्य् अतेजस्विनाशाय तैजसाः प्रभवन्ति वै । (५।२)

बलान्यतिबलान्यस्य न भवेऽतिबलानि वै ॥ (५।३)

इत्येवं भगवत्यभ्यधिकत्वं शेषेषु पुरुषेषु न्यूनत्वं ज्ञात्वा युक्तं वक्तुं बलप्रमथनाय नमः ॥ (६।०)

अत्रापि बलप्रमथनाय इति चतुर्थी ॥ (७।०)

नम इत्यात्मप्रदाने पूजायां च ॥ (८।०)

सम्भावनान्यत्वाच् चापुनरुक्तोऽयं नमस्कारो द्रष्टव्यः ॥ (९।०)

आह केषां कालनविकरणमथनानि करोति ॥ (१०।०)

तदुच्यते भूतानाम् ॥ (११।०)

यस्मादाह ॥ (१२।०)