अत्र व्यक्तशब्दो दिवसमधिकुरुते ॥ (१।०)

व्यक्ताः स्फुटाः प्रकाशाः ॥ (२।०)

अहनीत्यर्थः ॥ (३।०)

आङ् इत्य् अवमानादिनिष्पत्तिमर्यादाम् अधिकुरुते ॥ (४।०)

चार इति क्राथनादीनाम् उद्देशः ॥ (५।०)

तान् क्राथनादीन् साधको नटदवस्थितो रङ्गवल् लौकिकानधिजन्य नाटकवद् आचारानाचरति करोति प्रयुङ्क्त इत्यतोऽयं व्यक्ताचारः ॥ (६।०)

आह अव्यक्तलिङ्गिनो व्यक्ताचारस्य का कार्यनिष्पत्तिः ॥ (७।०)

तदुच्यते अवमानः ॥ (८।०)

यस्मादाह ॥ (९।०)