अत्र स्पन्दनमिति ज्ञानेच्छामधिकुरुते ॥ (१।०)

कस्मात् ॥ (२।०)

ज्ञानेच्छाप्रयत्नपूर्वकं शरीरावयवाः स्पन्दयितव्याः ॥ (३।०)

द्रष्टारो हि वायुसंसृष्टो ऽयमिति लौकिकाः प्रतिपद्यन्ते परिभवन्ति च ॥ (४।०)

अनेनानृताभियोगेनास्य तत्पुण्यमागच्छति अस्यापि च यत् पापं तान् गच्छति ॥ (५।०)

एवं स्पन्दनम् इति क्रिया ॥ (६।०)

इत इत्य् अभियजन आज्ञायां नियोगे च ॥ (७।०)

एवमादिसाधने सति वा विकल्पे रौद्रीबहुरूपीवत् ॥ (८।०)

अवस्थानक्राथनोत्थानस्पन्दनादौ वाशब्दो द्रष्टव्यः ॥ (९।०)

आह अभिप्रस्थितस्य धर्मसाधनं किमस्ति नेति ॥ (१०।०)

उच्यते अस्ति ॥ (११।०)

यस्मादाह ॥ (१२।०)