अत्र अपिशब्दः सर्वेन्द्रियवृत्त्यपादानसम्भावने ॥ (१।०)

तद् इति अनैकान्ते ॥ (२।०)

भाषेद् इति वाक्यवृत्तिमधिकुरुते ॥ (३।०)

इत्पदम् अपार्थकं पुनरुक्तं व्याहतं भाषितव्यमिति ॥ (४।०)

ततस्ते वक्तारो वदन्ति असम्यग्वादी वाच्यावाच्ययोर् अविभागज्ञ इति ॥ (५।०)

अनेनानृताभियोगेनास्य धर्माधर्मयोस् त्यागादानशुद्धिर्भवति ॥ (६।०)

आह किं हसितादिवद् यथापाठक्रमेणैव क्राथनादयः प्रयोक्तव्याः ॥ (७।०)

किं वा प्रयोजनं कर्तव्यम् ॥ (८।०)

तदुच्यते परिभवादिनिष्पत्त्यर्थम् ॥ (९।०)

यस्मादाह ॥ (१०।०)