PABh zu PāśupSūtra, 2, 26
Select a line for its word-by-word analysis.
अत्र कलावचने पुनरुक्तिदोषान् न पृथिव्यादिषु सर्वशब्दः ॥ (१।०)
atra kalāvacane punaruktidoṣān na pṛthivyādiṣu sarvaśabdaḥ ||
किं तु सिद्धेश्वरवर्जं चेतनेष्वेव सर्वभूतशब्दः ॥ (२।०)
kiṃ tu siddheśvaravarjaṃ cetaneṣveva sarvabhūtaśabdaḥ ||
आह भूतत्वानुपपत्तेर्न चेतनेषु सर्वभूतशब्दः ॥ (३।०)
āha bhūtatvānupapatterna cetaneṣu sarvabhūtaśabdaḥ ||
देवमनुष्यादीनां स्थानशरीरेन्द्रियविषयादिषु या रतिः रञ्जनाधिवासना तत्सर्वम् अन्तरदृष्ट्या सर्वमीश्वरकृतमेव द्रष्टव्यमित्येतद् भगवत्यभ्यधिकत्वं शेषेषु च पुरुषेषु न्यूनत्वं ज्ञात्वा युक्तं वक्तुं सर्वभूतदमनाय नमः ॥ (६।०)
devamanuṣyādīnāṃ sthānaśarīrendriyaviṣayādiṣu yā ratiḥ rañjanādhivāsanā tatsarvam antaradṛṣṭyā sarvamīśvarakṛtameva draṣṭavyamityetad bhagavatyabhyadhikatvaṃ śeṣeṣu ca puruṣeṣu nyūnatvaṃ jñātvā yuktaṃ vaktuṃ sarvabhūtadamanāya namaḥ ||
सम्भावनान्यत्वाच् चापुनरुक्तोऽयं नमस्कारो द्रष्टव्यः ॥ (९।०)
sambhāvanānyatvāc cāpunarukto'yaṃ namaskāro draṣṭavyaḥ ||
आह कीदृशे महेश्वरे कालनादिशक्तिरुच्यते किं सकले निष्कले उत उभयोरपि ॥ (१०।०)
āha kīdṛśe maheśvare kālanādiśaktirucyate kiṃ sakale niṣkale uta ubhayorapi ||
Data courtesy of The Digital Corpus of Sanskrit.