अत्र परि सर्वतोभावे ॥ (१।०)

पगक्ष्याः परीक्ष्या इत्यर्थः ॥ (२।०)

भूय इति बहुधा ॥ (३।०)

यष्टिमुष्ट्यादिभिः संयोजनं परिभवः ॥ (४।०)

कायिक इत्यर्थः ॥ (५।०)

मान इति साधककालकर्माभिधाने ॥ (६।०)

परिभूयमानेनैव ॥ (७।०)

स परिभवो दरिद्रपुरुषराजाभिषेक इव द्रष्टव्यः ॥ (८।०)

कनकपाषाणवद् इन्द्रकीलकवच् च भवितव्यम् ॥ (९।०)

चरेद् इत्यर्जनमधिकुरुते ॥ (१०।०)

धर्मार्जने नियोगे च निन्दित इति गर्हिताभ्याख्याने चरितव्यमित्यर्थः ॥ (११।०)

आह अवमतस्य परिभूयमानस्याचरतः किं तापशान्तिरेव उत शुद्धिर् अप्यस्ति ॥ (१२।०)

उच्यते अस्ति ॥ (१३।०)

यस्मादाह ॥ (१४।०)