अत्र अतिशब्दो विशेषणे ॥ (१।०)

आङ् इति मर्यादायां भवति ॥ (२।०)

कथम् अध्ययनध्यानादिरहितमपि साधकं तपोऽतिगतिं गमयति तदभ्यासो हरत्येनम् इति वचनात् ॥ (३।०)

अतिगतिरिति योगपर्यायः ॥ (४।०)

कथं गम्यते ॥ (५।०)

तपःकार्यत्वाद् आनन्त्यब्रह्मसायुज्यवत् ॥ (६।०)

सांख्ययोगाभ्युदयादिगतिविशेषविशेषितत्वाद् उपरिष्टाद् वर्तत इत्यर्थः ॥ (७।०)

तस्मात् तपसः फलं विशेषार्थमभिधीयते योगोऽतिगतिमिति ॥ (८।०)

अतिगतिमिति कर्म ॥ (९।०)

गमयते ॥ (१०।०)

न तावद् गतः गमिष्यति किंतु गमयतीत्यर्थः ॥ (११।०)

आह अतिदानाद् यथावत् तपसो गुणवचनं किमस्ति नेति ॥ (१२।०)

उच्यते अस्ति ॥ (१३।०)

यस्मादाह ॥ (१४।०)